تقريــر عن صيـــانة الـ 15 الف للياريـــس - Sharky

[Sharky]

النهاردة كنت فى توكيل تويوتا - العباسية لعمل صيانة الـ 15 الف
الصيانة إتكلفت 500 جم
و هى خاصة بتغيير زيت موبيل 1 + فلتر الزيت + عمالة

و انا هناك بقول للمهندس عايزكم تشيكوا على العفشة قالى ماتقلقش إحنا لازم بنربط عفشة كل 10 الاف كم علشان بتفك قولتلوا كل العربيات كده قالى أيوه !!!
و بعد ما تم تربيط العفشة فعلا العربية بقت ممتازة

الصيانة إستغرقت تقريبا ساعة و نصف


و أنا هناك سألت مهندس الإستقبال عن إذا كانوا حينزلوا الكورلا جنوب أفريقى بأتوماتيك عادى و لا MMT قالى حينزلوا الإتنين و قلتلوا ليه أتوماتيك عادى
قالى لإن أكتر من 90% من ملاك الكرولا الـMMT غير معجبين بأدائه لإنهم بيحسوا بكل نقلة و بتكون نتشة واضحة لإنه أساسا مانيوال و مش معجبين بسحب العربية فى حالة العادية لما بينقلوا على السبورت الاداء بيتحسن بس على حساب إستهلاك عالى للبنزين فقرروا يجيبوا الأتوماتيك العادى علشان الشكوى تخف !!
و قالى على معلومة تانية إن تقفيل الجنوب أفريقى ليس فى نفس مستوى اليابانى و دا نتيجة لشكوى بعض ملاك الجنوب أفريقى من عيوب تقفيل عكس اليابانى الذى لم يشتكى منه أحد فى التقفيل
و لما سألته إمتى حتنزل موديل 2009 قالى إسأل فى المبيعات

لما رحت سألت فى المبيعات جاءت الإجابات غريبة شوية
أنا: إمتى موديل 2009 حينزل
المبيعات : فى أخر شهر 11
أنا: حينزل MMT و لا أتوماتيك عادى
المبيعات : مش عارف
أنا: طب مين ممكن يعرف
المبيعات : هو إللى سامعينه إنه حيكون الإتنين أو أتوماتيك عادى فقط
أنا: طب مش المفروض الشحنة دى مطلوبة و جاية خلاص كمان شهر يعنى معروف إنتوا طالبين إيه
المبيعات: أيوة بس لسه ما تحددش لينا حيجى إيه
أنا : يعنى كده إنتوا طلبتوا أتوماتيك عادى و مش عارفين حيجى فى الطلبية دى ولا لأ
المبيعات : أيوة

يبقى من الواضح حاجة من إتنين :
1- إن مش متأكدين إن الكورلا الأتوماتيك العادى حيجى فى الدفعة الأولى من 2009 و لا لأ لكن أكيد حيجى فى الدفعات إللى بعديها
2- هو عارف كل حاجة و مش عايز يأكد لى علشان يبيع MMT

لكن هو أكد لى معلومة إن معظم ملاك الكرولا الجنوب أفريقى بشتكوا من أداء الفتيس لكن دا مش عيب فيه


ملاحظات سلبية على الصيانة :
1- سألت المهندس إن كان فيه Wi-Fi و لا لأ محدش كان عارف و قالولى حنسأل و نقلك و بعد ربع ساعة رحت سألت تانى قالى أيو فيه لما جيت أدخل بلاب توب لقيت فيه باسوور و لما رحت سألته عليا قالى يبقوا مش عايزين حد يدخل النهاردة !!!
عكس ما لقيته فى توكيل رينو Wi-Fi شغال عاطول بدون باسوور دا غير توكيل المقطم فيه جهازين كمبيزتر كمان للى عايز يخش على الإنترنت.

2- موضوع تربيط العفشة كل 10 الاف لم أراه فى الميجان !!!

3- قالى تغيير السيور و الصيانة الشاملة فى الياريس و الكورلا عند 40 الف فى المقابل هذه الصيانة فى الميجان عند 60 الف !!!

4- صيانة الياريس الـ 15 الف 500 جم + 340 جم فى صيانة الـ 5 الاف يعنى المجموع خلال 15 الف 840 جم فى مقابل فى الميجان 485 جم فى إجمالى صيانة الـ 15 الف !!!!!

5- المشروبات بفلوس عكس توكيل رينو ببلاااش !!!

[محمد ابراهيم 1]

كتير قوى 500 جنيه
الزيت تمنه حوالى 200 جنيه شامل ضريبة المبيعات ( لاحظ إنك بتحاسب على الكميه بتاعتك فقط )
الفلتر ب 45 جنيه
مصنعية تغيير الزيت والفلتر والله كنت بدفع فيهم 5 جنيه بس نقول 20 جنيه
تربيط عفشه 20 جنيه
غسل السياره نقول 20 جنيه

يبقى المجموع 310 جنيه
ياخدوا 500 جنيه ليه ؟
حار ونار فى جتتهم

[محمد ابراهيم 1]

آسف المجموع 305 مش 310 جنيه

[Sharky]

دا تفاصيل الفاتورة :

Labour = 165.00
S.T Labour = 16.50
Filter oil = 50.00
Sundriss= 16.00
Mobil 1 = 201.79
Brake Cleaner = 15.00
Wheel cap clamp= 3.00
Grease=5.00
Part Tax= 29.07

Total = 501.36 L.E

[أبو عبدالله]

طبعا في حاجات كتير من اللي انت قولتها صح وفي حاجات لها تفسيرات تانيه
ولكن مش هرد الا بحاجه واحده بس
زي ما انت عاوزني اصدق الكلام ده من المهندس
صدق انت الكلام بتاع مهندس رينو لما قال ان الميجان مشكلتها ان مشاكلها كتير بالحرف


انا معاك ان الفتيس الناس مش حباه دي حقيقة
ولكن ده مش معناه انه معيوب
وانما مش مريح لكل الناس لأن انظمته اكتر من واحد ومن الاخر الناس عاوزه تدوس بنزين وتمشي كويس وخلاص

اما بقه عن التوكيل نفسه فده شئ طبيعي وممكن يحصل في اي توكيل حتى رينو نفسه لن دي طبيعة شعب وطول ما اللي بيشتغلوا في التوكيلات مصريي يبقى هيحصل في اي توكيل تاني

وانا شايفها حاجات مش للدرجة
اي حته في مصر ممكن تلاقي العمال مش عندهم كل المعلومات حتى لأهيف الحاجات كمان

انا ممكن ادخل توكيل موبايلات اللي شغالين فيه مش عارفين الموديلات اللي لسه هتنزل ولا عارفين اي حاجه عنها ولا حتى اسمها ده شئ عادي

[Sharky]

طب انا حاقولك حاجة أحسن
أجى معاك للمهندس فى رينو و نسمع الكلام دا منه و تيجى معايا توكيل تويوتا و تسمع كلام المهندس بنفسه

إيه رايك فى الملاحظات السلبية يا أبوعبدالله بكل حيادية و خاصة مبالغ الصيانة و ميعاد الصيانة الشاملة ؟؟؟

[محمد يوسف]

رأى الشخصى ليك
بيع الياريس احسن لإنك غير مفتنع بيها و كل شوية تطلع عليها حاجات ما شافوهاش ملاكها
بيعاه هات أى حاجة تانية

[salem]

f3lan mawdoo3 2009 da 3ashan yebi3o el MMT ely 3andhom
wana 2aloly kalemna 3ala awel 11 3ashan ne2olak hatenzl emta
mesh b3id tekon 3andohom aslan we mesh radyen ye2lo
tawkeel 2aleel el 2adab wallahy

[محمد ابراهيم 1]

رأى الشخصى ليك
بيع الياريس احسن لإنك غير مفتنع بيها و كل شوية تطلع عليها حاجات ما شافوهاش ملاكها
بيعاه هات أى حاجة تانية

ههههههههههههه
إنت لسه فاكر
بس جامده بصراحه
مع الإعتذار للأستاذ أحمد

[محمد ابراهيم 1]

رأى الشخصى ليك
بيع الياريس احسن لإنك غير مفتنع بيها و كل شوية تطلع عليها حاجات ما شافوهاش ملاكها
بيعاه هات أى حاجة تانية

على فكره يا أخ محمد
الأستاذ أحمد (شاركى ) ولا أذكيه على الله
ولكنى أحسبه راجل محترم جدا جدا ومش متعصب
وخدوم إلى أبعد مدى

[أبو عبدالله]

طب انا حاقولك حاجة أحسن
أجى معاك للمهندس فى رينو و نسمع الكلام دا منه و تيجى معايا توكيل تويوتا و تسمع كلام المهندس بنفسه

إيه رايك فى الملاحظات السلبية يا أبوعبدالله بكل حيادية و خاصة مبالغ الصيانة و ميعاد الصيانة الشاملة ؟؟؟

طيب ايه الفايده انت مش مصدقني يعني
والله العظيم يا عم ان مهندس في توكيل رينو قال ان الميجان مشكلتها ان اعطالها كتير علشان فيها اوبشن كتير والعربيه مش مستحملاها

ايه لازمة بقه انك تقولي نروح ومنروحشي
يعني انت عاوزني اروحله التوكيل علشان اقوله انت مش قولت كده برضه
يعني كلام مالوش لازمة
انت مش عاوز تصدق خلاص يبقى مفيش مشكلة يعني

على الأقل انك بتتكلم عن مشكلة الكورولا ان الناس مش عاجبها الفتيش وليس بيعمل مشاكل في العربيه وبتعطل وتروح يتعملها صيانة علشان بتعطل

انا بحس ان من كتر الكلام اللي بيتقال على الميجان انتم عاوزين تلبسوه في اي عربيه تانيه

ملاحظات سلبية على الصيانة :
1- سألت المهندس إن كان فيه Wi-Fi و لا لأ محدش كان عارف و قالولى حنسأل و نقلك و بعد ربع ساعة رحت سألت تانى قالى أيو فيه لما جيت أدخل بلاب توب لقيت فيه باسوور و لما رحت سألته عليا قالى يبقوا مش عايزين حد يدخل النهاردة !!!
عكس ما لقيته فى توكيل رينو Wi-Fi شغال عاطول بدون باسوور دا غير توكيل المقطم فيه جهازين كمبيزتر كمان للى عايز يخش على الإنترنت.

2- موضوع تربيط العفشة كل 10 الاف لم أراه فى الميجان !!!

3- قالى تغيير السيور و الصيانة الشاملة فى الياريس و الكورلا عند 40 الف فى المقابل هذه الصيانة فى الميجان عند 60 الف !!!

4- صيانة الياريس الـ 15 الف 500 جم + 340 جم فى صيانة الـ 5 الاف يعنى المجموع خلال 15 الف 840 جم فى مقابل فى الميجان 485 جم فى إجمالى صيانة الـ 15 الف !!!!!

5- المشروبات بفلوس عكس توكيل رينو ببلاااش !!!

1- بصراحه انا عاوز اقولك اهلا بك في مصر
طيب ما هو موجود ولكن يعني مش هنقفلهم على الواحد ممكن يكون فيه مشكلة ولا حاجه
بلاش نقف على الواحده
الكلام ده قوله لما كل ما تروح تلاقي نفس الموضوع
اما مش من مره يحصل كده يعني

2- تربيط العفشة ده بقه عمري ما شوفت حاجه اسمها بتتربط كل مش عارف ايه
يا عم الحاج اي عربيه هتدخل صيانة في اي ميعاد بيتربط عل عفشتها
انت فاكر نفسك عايش في فرنسا انت في مصر بلد المنحنيات والمتعرجات والمرتفعات والسهول والوديان والنقر وكل اللي قلبك يحبه من تنطيط

العربيه لو دخلت كل 5 الاف صيانة لازم هيتربط على عفشتها
واذا كانو مش بيربطوها بقه في كل صيانة
للأسف ده يبقى عيب عندهم لأن مفيش عربيه حتى لو بي ام عفشتها مش هتحتاج تتربط كل شويه
الموضوع مالوش علاقة بجوده
ده له علاقة بأن في مسامير من كتر الخبط لازم بتهوي شويه

بلاش نبقى واقفين على اي حاجه كده يا راجل يا طيب

3 , 4 - تغيير السيور
ماهو المشكلة ان الكورولا والياريس سير الكاتينه جنزير
وعلى فكره باقي السيور بيقعدوا اكتر من كده وممكن يكون ده شغل التوكيل علشان يعمل فلوس
اما بره التوكيل السيور دي الناس بتقعد عليها اكتر من كده بكتير

سبق وقولتلك اين كان السعر
هاتلي الياريس في 100 الف صرفت كام بمشاكلها وعيوبها وصيانتها وقطع الغيار اللي اتغيرت فيها حتى لو على الضمان
وهاتلي الميجان صرفت كام بمشاكلها وعيوبها وصيانتها وبقطع الغيار اللي اتغيرت فيها حتى لو على الضمان

مش انت عاوز تثبت من اعتمادية اكتر مع اقل تكلفة

5- المشروبات بفلوس دي مش عارف ممكن تكون نتانه في التوكيل بس
بس للأسف ده مالوش علاقة بنوع العربيه خالص

[محمد يوسف]

ههههههههههههه
إنت لسه فاكر
بس جامده بصراحه
مع الإعتذار للأستاذ أحمد

أعمل ايه بس يا باشا

القافية تحكم

[محمد يوسف]

على فكره يا أخ محمد
الأستاذ أحمد (شاركى ) ولا أذكيه على الله
ولكنى أحسبه راجل محترم جدا جدا ومش متعصب
وخدوم إلى أبعد مدى

والله كل أعضاء المنتدى ناس محترمة و أنا متأكد من كده

أنا ماقصدتش حاجة غير صدة ردة و انت قريت الموضوعين وفاهم قصدى

ربنا يكرمنا جميعا

[محمد يوسف]

2- تربيط العفشة ده بقه عمري ما شوفت حاجه اسمها بتتربط كل مش عارف ايه
يا عم الحاج اي عربيه هتدخل صيانة في اي ميعاد بيتربط عل عفشتها
انت فاكر نفسك عايش في فرنسا انت في مصر بلد المنحنيات والمتعرجات والمرتفعات والسهول والوديان والنقر وكل اللي قلبك يحبه من تنطيط

العربيه لو دخلت كل 5 الاف صيانة لازم هيتربط على عفشتها
واذا كانو مش بيربطوها بقه في كل صيانة
للأسف ده يبقى عيب عندهم لأن مفيش عربيه حتى لو بي ام عفشتها مش هتحتاج تتربط كل شويه
الموضوع مالوش علاقة بجوده
ده له علاقة بأن في مسامير من كتر الخبط لازم بتهوي شويه

بلاش نبقى واقفين على اي حاجه كده يا راجل يا طيب

عندك حق يابو عبدالله..أنا فى صيانة الألف طلبت منهم يبصوا ع العفشة و قالوا لى انهم كده كده بيبصوا ع العفشة فى أى صيانة عشان عارفين حالة الطريق فى مص

بصراحة توكيل العباسية ناس محترمين جدا

[tamohsen]

ملاحظات سلبية على الصيانة :[/U]
1- سألت المهندس إن كان فيه Wi-Fi و لا لأ محدش كان عارف و قالولى حنسأل و نقلك و بعد ربع ساعة رحت سألت تانى قالى أيو فيه لما جيت أدخل بلاب توب لقيت فيه باسوور و لما رحت سألته عليا قالى يبقوا مش عايزين حد يدخل النهاردة !!!
عكس ما لقيته فى توكيل رينو Wi-Fi شغال عاطول بدون باسوور دا غير توكيل المقطم فيه جهازين كمبيزتر كمان للى عايز يخش على الإنترنت.

2- موضوع تربيط العفشة كل 10 الاف لم أراه فى الميجان !!!

3- قالى تغيير السيور و الصيانة الشاملة فى الياريس و الكورلا عند 40 الف فى المقابل هذه الصيانة فى الميجان عند 60 الف !!!

4- صيانة الياريس الـ 15 الف 500 جم + 340 جم فى صيانة الـ 5 الاف يعنى المجموع خلال 15 الف 840 جم فى مقابل فى الميجان 485 جم فى إجمالى صيانة الـ 15 الف !!!!!

5- المشروبات بفلوس عكس توكيل رينو ببلاااش !!!

واحده واحده نحكي مع بعض:

1- WI-FI موجود وشغال فري وسرعته كويسه , جربته مره قبل كده.

2- عادي, بس المشكله لما طلبت منهم مره انهم يعملوا روتيشن للعجل زي الكتالوج مابيقول, للأسف كنت خارج مش متأكد اتعمل بالظبط زي الكتالوج ولا لأ.

3- انهي سيور بالظبط اللي هاتتغير , علي فكره انا هاعمل صيانه ال 45 تقريبا كمان شهرين , عمري ما هافكر اني اغير اي سير زياده عن اللي موجود في كتالوج الصيانه , إن شاء الله هابقي احكيلكم ايه اللي هايحصل.

4- فعلا هما بيزودا 160 جنيه مصنعيه في كل صيانه مبلغ مبالغ فيه شويه , بس لو عربيتك كان فيها مشكله لا قدر الله هاتحس ان ده مبلغ عادي مقابل اكتشاف العيب ده وتصليحه.

5- طبعا بفلوس متنساش اننا في مصر , وبعدين في ناس بتعمل صيانه لهاي لوكس ومكروباصات ممكن يعيشوا هناك كل يوم علي حس المشاريب المجانيه.