ممكن الاقى تويوتا ياريس بالسعر ده ؟؟؟

[Yones]

إزيكوا ياشباب ايه اخباركوا؟؟..... كنت حابب اشترى تويوتا ياريس مانيوال مستعملة بس حالتها تكون حلوة.....ممكن الاقى تويوتا ياريس مانيوال بسعر 60000 الى 62000 ؟؟..

[Mohamed.Hany]

إزيكوا ياشباب ايه اخباركوا؟؟..... كنت حابب اشترى تويوتا ياريس مانيوال مستعملة بس حالتها تكون حلوة.....ممكن الاقى تويوتا ياريس مانيوال بسعر 60000 الى 62000 ؟؟..

ممكن بس هتتعب شوية و هتبقي موديل ٢٠٠٦ او ٢٠٠٧ بالكتير قوي و اكيد هيبقي عداد فوق ال ١٥٠ الف كم.

بالتوفيق ان شاء الله للخير

[ahmedelrayan]

لا السعر ده قليل جدا

[Yones]

ممكن بس هتتعب شوية و هتبقي موديل ٢٠٠٦ او ٢٠٠٧ بالكتير قوي و اكيد هيبقي عداد فوق ال ١٥٠ الف كم.

بالتوفيق ان شاء الله للخير

شكرا جدا لسرعة ردحضرتك.....بس ايه الفرق بين موديلات 2006 و2007 واللى بعدهم من الموديلات ومتوسط السعر المناسب بيبقى فى حدود كام ؟؟

[Mohamed.Hany]

اواخر ال ٦٠ الف ممكن تجيبلك ياريس مانيوال بحالة جيدة موديل ٢٠٠٧ وانت طالع

[darkdefender]

بص يا باشا انا اشك ان ممكن تلاقي بالسعر دا لو لقيت هتكون منيول فاضية 2006 و حلتها مش كويسة...

و لو متحمس لليارس انزل هتها اليومين دول عشان انا لسة بدور علي وحدة لصحبي و السوقها بداء يغلي بعد اخبار غلوا البنزين فهي اخر تويوتا 1300 سي سي سيدان يباني تنزل مصر...

سعر النظيف في حدود 75-80 علي حسب الحالة و الفئة و الحلات الشاذة ممكن فوق ال80 كمان

[darkdefender]

ممكن بس هتتعب شوية و هتبقي موديل ٢٠٠٦ او ٢٠٠٧ بالكتير قوي و اكيد هيبقي عداد فوق ال ١٥٠ الف كم.

بالتوفيق ان شاء الله للخير

بص يا باشا انا صحابي فالخليج عملين 300,000 كلم باليارس و ما شاء الله اعطال صفر...
150 الف فدا بالنسبلها ولا حاجة اهم حاجة صحبها يكون محافظ عليها و مش بيهنها و متكونش عمله حدثة ...

اما لصاحب الموضوع ,ما فيش حاجة اسمها لقت للاسف,, خد معاك سمكري و روح اكشف فالتوكيل ضروريييي خصوصا ان في عربيات كتير اوي بتكون عملة حدثة و الاير باج مفتوح و مش راكب غيره ودا ب 7,000جم لوحده و يكون عامل ريسيت لكمبيوتر العربية فمش اي حد هيعرف... وللاسف بتكتشف الكلام دا متأخر جداا و بعد فوات الاوان لا قدر الله..

[Yones]

شكرا ياشباب بجد على الردود بس فى الحالة دى مهمة البحث عن ياريس بالسعر ده مستحيلة حتى لو موديل 2006....مع ان اعتقد من سنة او سنتين كان سعرها أرخص من كده وخصوصاً انها 1300 سى سى وظهر عربيات كتير ليها شهرة اكتر وطلب اكتر......طيب حتى 65000 مش كفاية ...يعنى مش اقل من 70000 ؟؟
وانا عامة كده كده عايزها مانيوال مش اوتوماتيك وأكيد المانيوال أرخص

[darkdefender]

شكرا ياشباب بجد على الردود بس فى الحالة دى مهمة البحث عن ياريس بالسعر ده مستحيلة حتى لو موديل 2006....مع ان اعتقد من سنة او سنتين كان سعرها أرخص من كده وخصوصاً انها 1300 سى سى وظهر عربيات كتير ليها شهرة اكتر وطلب اكتر......طيب حتى 65000 مش كفاية ...يعنى مش اقل من 70000 ؟؟
وانا عامة كده كده عايزها مانيوال مش اوتوماتيك وأكيد المانيوال أرخص

سعرها بيغلي مع اخبار غلو البنزين لانها لا يوجد منافس ليها فتوفير البنزين ,, و موتورها ال 1300 احسن و اقوي من مواتير 1600 كتييير زي البومه و شفروليه و غيره كتير... نفس موتور الكورلا القديمة و اليارس الجديدة .. فوخدة سمعة حلوة فالموضوع دا...

و سعرها عمال بغلي علي فكرة, و اتوقع يغلي اكتر مع الغلو الفعلي للبنزين..

[Yones]

سعرها بيغلي مع اخبار غلو البنزين لانها لا يوجد منافس ليها فتوفير البنزين ,, و موتورها ال 1300 احسن و اقوي من مواتير 1600 كتييير زي البومه و شفروليه و غيره كتير... نفس موتور الكورلا القديمة و اليارس الجديدة .. فوخدة سمعة حلوة فالموضوع دا...

و سعرها عمال بغلي علي فكرة, و اتوقع يغلي اكتر مع الغلو الفعلي للبنزين..

كل اللى اعرفه لغايت دلوقتى ان غلو سعر البنزين تم نفيه وان البنزين مش هيغلى......عامة انا عايز الحق اشترى ياريس حتى لو موديل 2006 مانيوال بأنسب سعر ممكن...ياترى ياريس 2006 مانيوال Base Line....ممكن تبقى بكام ؟؟؟

[darkdefender]

كل اللى اعرفه لغايت دلوقتى ان غلو سعر البنزين تم نفيه وان البنزين مش هيغلى......عامة انا عايز الحق اشترى ياريس حتى لو موديل 2006 مانيوال بأنسب سعر ممكن...ياترى ياريس 2006 مانيوال base line....ممكن تبقى بكام ؟؟؟

فالستينات علي حسب الحالة...
نسيت اقلك حاجة مهمة اليارس صاجها ضعيف و دهنها نفس القصة بيجرح باقل حاجة ,,يعني لو ماشية قدامك عربية رمل او ظلط اضمن انك هتزل هتلاقي نقر كتير فالبوية الفبريقة!!
اللي يقلك ان العربية من 2006 او حتي 2008 فبريقة و متلاقيهاش حتي فيها خاربيش اضمن انه 99% كذاب...
بص كويس اوي علي مدافع الشسيه لانها مبتزلش بفوم ورا الاكصدام يعني اي خبطة هتبان فالمدفع و شسيه الاكصدام علي طول... بص علي الرافرف من جوة خصوصا اللي ورا لانهم اضعف حاجة فالعربية...

و ربنا يكرمك فعربية نظيفة بإذن الله

[Yones]

أتمنى والله فعلا الاقى حالة نضيفة ...طب لو راشة برة و Base line مانيوال موديل 2006 هتبقى فى Range قد ايه ؟؟

[darkdefender]

أتمنى والله فعلا الاقى حالة نضيفة ...طب لو راشة برة و base line مانيوال موديل 2006 هتبقى فى range قد ايه ؟؟

65-68 لو مش عاملة حدثة (يعني سمكرة خفيفة مش وصلة للعضم)

[Yones]

65-68 لو مش عاملة حدثة (يعني سمكرة خفيفة مش وصلة للعضم)

شكرا لحضرتك واتمنى فعلا الاقى حالة زى دى بسعر مناسب زى ده مع ان شكل الموضوع صعب ربنا يستر

[Yones]

لقيت على موقع دوبيزيل ياريس موديل 2006 وطالب فيها 57000 جنيه اتصلت بيه قاللى ان العربية حالتها كويسة وراشة برة ومحتاجة سربنتتينة تكييف "Condenser" و بلية عجلة خلفية....يكلفوا كتير؟؟؟ وبالنسبة لموضوع سربنتينة التكييف اللى محتاجة تتغير ممكن ده يبقى معناه ان العربية عملت حادثة جامدة لدرجة ان اللسربنتينة اتكسرت ومحتاجة تتغير؟؟؟