إعـــــــلان

Collapse

.

,
See more
See less

تقرير عن صيانة 5000 وتقييم لكرولا 2014 خلال هذه المسافة

Collapse
X
 
  • Filter
  • الوقت
  • Show
Clear All
new posts

  • تقرير عن صيانة 5000 وتقييم لكرولا 2014 خلال هذه المسافة

    الموضوع ده حينقسم لجزئين تقرير عن الصيانة وما تم فيها وتعامل التوكيل ، والتقرير الثاني انطباعي الشخصي عن كرولا 2014 .

    صيانة ال 5000
    حجزت صيانة ال 5000 عن طريق رقم خدمة العملاء 16550 وتم الحجز في فرع العباسية وتحديد موعد اليوم الساعة 10.15 .. كنت محضر قبليها ورقة كاتب فيها الملاحظات اللي قابلتني وهي كالتالي :
    1) حساس حزام الكرسي اللي جنب السائق ساعات بيعلق .. لأنه من المفروض بيحس لو حد قاعد جنبي ويدي زمارة وتنبيه وده في بعض الأوقات مش بيحصل .
    2) أحياناً بسمع صوت عند فتح وغلق المرايا الجانبية .. صوت زي ما يكون حشرجة في موتور المرايا .
    3) لو مشيت بالعربية فترة طويلة أو في طرق مزدحمة بحس أن درج الكونصول والجزء اللي تحت الفتيس فيه شيء من الدفء (مش لدرجة السخونيه) .. وكنت سألت أكثر من عضو هنا في الموضوع ده والكل قالي أنه بيحصل معاه نفس الشيء بس حبيت أتأكد من التوكيل .
    4) طلبت غسل حوض السيارة .. وكان الرد بأن السيارة خارجياً والحوض بيتم غسلهم .. فمكنتش ملاحظة بالنسبة ليهم .
    5) صيانة ال 5000 الدورية واجرائتها العادية وتشمل (تغيير زيت + فلتر - تنظيف فلاتر التكييف والهواء - تربيط العفشة - التأكد من الأنوار - التأكد من سوائل السيارة - التأكد من ضغط الإطارات- تنظيف تيل السيارة بالهواء)

    تم التوجه لفرع العباسية قبل الميعاد بساعة تقريباً ... ووجدت طابور من السيارات في انتظار الدخول (حوالي 8 سيارات) .. المهم جه دوري ودخلت وتوجهت لمهندس الاستقبال وتم التأكد من الحجز .. وخرج معي لاستلام العربية في تمام الساعة 10.40 وكتب ورقة بالملاحظات اللي قولتها .. وانتظرت في ساحة الانتظار وكنت متابع العربية حيخدوها أمتى .. وتم ذلك الساعة 11 تقريباً .

    خرجت من الاستراحة لأني كنت عاوز أشوف العربية حيعملوا فيها أيه .. وتم رفع السيارة على الكوريك وتابعت إجراءات الصيانة .. فقربت من مهندس الصيانة وطلبت منه النظر أسفل السيارة لأني حكيت في كذا مطب وكنت قلقان من الموضوع ده .. ولكن الحمد لله السيارة ولا كأن فيها أي حاجة لأنها مصفحة من أسفل تصفيح جيد جداً .. وأثر الحك كان شبه معدوم أو مش باين وكله جاي في التصفيح .. فطمأن قلبي .

    سألت مهندس الصيانة عن التعديل وما يتم فيه .. فأجاب بأنك بتقدم شكوى في الكول سنتر وبيتم تحديد ميعاد لإجراء التعديل اللي بيشمل تغيير 4 مساعدين + 4 سوست + كوبلن شمال (ومحدش يسألني اشمعنى كوبلن واحد لأني مش عارف) وللأسف مخدتش وقت كافي للكلام مع المهندس لانشغاله بالعمل وكويس أنه سمح لي بالدخول للنظر أسفل السيارة في وسط الزحمة دي ومتابعته العمل والعاملين في سيارتين أخريين .

    على الساعة 11.45 كانت العربية نازلة من على الكوريك .. وكنت واقف بالصدفة خارج الاستراحة .. فلاقيت المهندس نده ليا وقالي صيانة ال 5000 خلصت خلاص .. وحضرتك كاتب ملاحظات تانية .. ممكن تشرحهالي بشكل عملي .. فقلت ليه على موضوع حساس الحزام ده وأن المشكلة دي حصلت بعد ما عملت فرش للسيارة .. فقالي حيشوفوها جوه ويتأكدوا منها .. وقالي أيه شكوتك من المرايا فقلت ليه على صوت الحشرجة اللي ساعات بيطلع منها أثناء الغلق والفتح .. فجرب معايا وركز في الصوت قوي فيه اللي مظهرش ساعتها فقالي على العموم حضرتك كاتب ملاحظات ولازم يتم استيفائها ولو أني مش شايف فيها صوت أو مشكلة وده الصوت الطبيعي بتاع موتور المراية .. وأنا خلصت مهمتي وحتروح مكان تاني يشوفوا الحزام والمرايا .. وكان قمة في الاحترام والذوق بالرغم من ضغط العمل الرهيب والزحمة .

    دخل بالعربية مكان تاني الساعة 12 تقريباً وخرج من غيرها يتابع عمله في صيانة السيارات الأخرى .

    العربية اختفت عن نظري ومش شايفها فدخلت قولت اقعد في الاستراحة لحد ما يندهوا عليا .. وكل شوية أطلع ابص على المكان اللي بيغسلوا فيه العربيات ملاقيش عربيتي واقفة .. وناس جاية بعدي تستلم عربياتها المغسوله وتمشي وأنا قاعد

    فضلت مستني لغاية الساعة 2 تقريباً (حوالي ساعتين) لحد ما فاض بيا الكيل وابتديت اتنرفز من التأخير وخاصة أني شايف ناس جاية بعدي بساعة ومشيت .. رحت لمهندس الاستقبال وكان باين عليا الغضب الشديد فقالي والله يا فندم الشيت بتاع أمر الشغل بتاع حضرتك لسه مجانيش من الورشة .. وده لأن حضرتك كاتب ملاحظات فبتاخد وقت شوية في أنهم يشوفوها ويجربوها .. فقلت ليه العربية واقفة بقالة تقريباً ربع ساعة في المغسلة ولسه مجاش لغاية دلوقتي أمر الشغل ؟! قالي حقوم أشوفه بنفسي .. ولسه بيقوم لاقيت فني جاي ومعاه أمرين تلاتة من ضمنهم الأمر بتاعي .

    شوية اعتذارات وأن التجربة بتاخد وقت ومش عاوزين حضرتك تكون زعلان أو متضايق علشان لو فيه مشكلة تتغير في الضمان وتستفاد بيه وشوية كلام من ده وووو إلخ .

    بص في أمر الشغل لاقى أن الحزام بعد الكشف فيه تم التأكد من فيش الحساسات وأن كل شيء طبيعي (جاري التجربة) .. وتاني مشكلة وهي صوت المرايات قالي الفنيين كشفوا على الصوت ده ومش ظاهر معاهم ومش قادرين يحددوا المشكلة بالظبط فين .. وللأسف الدعم الفني اللي بيسبورت الفنيين أجازتهم السبت .. فيا ريت تيجي يوم في وسط الأسبوع علشان يشوفوها ويحددوا إذا كان فيه مشكلة أم لا .. طبعاً الردود معجبتنيش بعد التأخير ده كله وقلت ليه أنا غلطان أني جيبت العباسية ومرحتش التجمع .. قالي والله يا فندم التأخير كان بسبب الكشف على الحاجات اللي أنت طلبتها .. وأنا قولت لحضرتك أن العربية مش حتخلص إلا الساعة 2 ومبعدتش قوي عن الميعاد اللي قولته لحضرتك ودلوقتي الساعة 2.15 .. وأكد عليا أني أجي يوم في وسط الأسبوع من غير حجز علشان يكشفوا على الموضوع ده .. حسيت أنه بعد غضبي ونرفزتي دي نزلت على فاشوش .

    المهم تكلفة الصيانة بالكامل 593 جنية ..

    نصيحة .. ابعد عن أيام السبت والأحد والخميس في عمل الصيانات لتجنب الزحام لأن الدنيا كانت مولد النهاردة وخاصة من السيارات التابعة للشركات من ميكروباصات وعربيات نقل .



    انطباعي الشحصي عن العربية
    كنت مأجل الكلام عن أداء العربية طول الفترة الماضية لأعطاء الفرصة لنفسي لتقييم السيارة بشكل كامل متكامل في النقاط التالية (رأي شخصي يحتمل الصواب أو الخطأ) :
    1) الشكل الخارجي ودي أذواق في المقام الأول عاجبني من الأمام ولكن تحس أن اللي صمم المقدمة شخص غير اللي صمم المؤخرة اللي مش عجباني وخاصة الرفرفين اللي ورا .
    2) العربية عائلية من الطراز الأول من حيث وسع الصالون أو وسع الشنطة .. ولكن في تقديري الشخصي ليست سيارة مدينة لكبر أبعادها نسبياً بالنسبة لبعض الشوارع الضيقة .
    3) لولا أن العربية فيها بارك سينسور خلفي .. كان حيبقى من الصعب التعامل معها نسبياً .. لأن الرؤية الخلفية أثناء الركن صعبة شوية وأبعادها كبيرة نسبياً .
    4) التعامل مع السيارة على الطرق السريعة مريح وسلس .. وقاعدة الصالون أديها 8 / 10
    5) العزل ممتاز وأديله من 8 : 9 / 10 .
    6) استهلاك البنزين داخل المدينة عادي زي أي عربية 1600 تقريباً وإن كان أفضل نسبياً من ماركات تانية (مش حقول زي أيه) .. إنما الاستهلاك على الطرق السريعة عبقري بمعنى الكلمة وخاصة لو استخدمت مثبت السرعة .
    7) الكماليات شايفها كويسة وتلبي احتياجات الشخص العادي (تختلف مش شخص للآخر) زي المالتي فنكشن والبلوتوث ومثبت السرعة .
    8) تجهيز العربية بال ESP يجعلها متميزة في المواقف الصعبة والحرجة ويضيف الكثير على ثباتها العادي نتيجة اتساع قاعدة العجلات .
    9) انخفاض الخلوص الأرضي للسيارة مسبب مشكلة كبيرة مع المطبات وخاصة لو مركب ناس في الكنبة الخلفية .. ولكن تم تلافي المشكلة دي في الدفعات الجديدة وكذلك تعديل الدفعات القديمة .. وسواء اللي استلم العربية معدلة أو عدلها في التوكيل أكد أن الموضوع ده انتهى .
    10) ضعف الإضاءة نسبياً وخاصة في الطرق المظلمة تماماً .. ولكن يمكن تركيب لمبات أكثر قوة .
    10) بعض الحاجات اللي مضيقاني ولكنها شكلية في المقام الأول .. زي نظام ساعة العربية 24 ساعة وليس 12 ساعة .. مفيش لوك اتوماتيك للسنتر بعد سرعة معينة .. بعض الكماليات يمكن تركيبها في التوكيل زي وحدات الرفع للزجاج والضم للمرايات .
    11) فتيس ال CVT أداءه ممتاز وسلس في النقلات ومتحسش بيه زي الفتيس الأوتو العادي .. وتحس أنه بيديلك أقصى عزم وقوة لموتور العربية بدون هدر مع وفر في استهلاك البنزين بجانب تكنولوجيا الموتور نفسها .

    الحمد لله راضي عن العربية وأدائها بشكل كبير .. وربنا يديمها علينا نعمة ويحفظها من الزوال .. قولوا أمين ..

    اسف على الإطالة وأرجو أني مكنش نسيت حاجة وتحت أمركم في أي استفسار .
    [B][FONT=Comic Sans MS][SIZE=5][COLOR=Green]

    [SIGPIC][/SIGPIC]


    Life's too Short for the Wrong Job[/COLOR][/SIZE][/FONT][/B]
    ziabassem سابقا

  • #2
    مبروك عليك .. و ربنا يديم نعمته عليك

    انا سوقت العربية لمدة حوالي نص ساعة و ليا تعليقين

    العفشة مريحة بطريقة غريبة .. و لا بتحس بأي حاجة بتمشي عليها في الأرض

    المواد الداخلية مش قد كده ..

    شكرا على نقل تجربتك
    [CENTER]"سبحان الله وبحمده عدد خلقه ، سبحان الله وبحمده رضا نفسه ، سبحان الله وبحمده زنة عرشه ، سبحان الله وبحمده مداد كلماته"[/CENTER]
    [CENTER][SIGPIC][/SIGPIC][/CENTER]

    Comment


    • #3
      الف مبروك الصيانة يافندم وعقبال صيانة المليون ان شاء الله

      ربنا يديك خيرها ويكفيك شرها باذن الله

      Comment


      • #4
        مبروك عليك .. و ربنا يديم نعمته عليك
        اللى حيضيع بلدنا : الفهلوة و كلمة باشا و معلش و أصل


        [SIGPIC][/SIGPIC]

        Comment


        • #5
          تقرير جميل

          الف مبروك الصيانه وربنا يباركلك فيها
          [SIGPIC][/SIGPIC]
          [COLOR="Magenta"][/COLOR]

          Comment


          • #6
            الف مبروك يا باسم باشا علي الصيانة بس ابقي طول بالك شوية انت مسلم العربية الساعة ١١ و استلمت بعد ٣ ساعات فيها صيانة كاملة و تشيك علي ٣ مشاكل في يوم زحمة.
            ١. حساس الحزام لو السوكيت راكب كويس ممكن يكون في جزء من السلك متأشر و بيلمس في شاسيه العربية.
            ٢. صوت المرايا بيبقي متصل و لا متقطع ، و متصل مفيش مشكلة.
            ٣. الدفء ده واضح عندك شوية لما قارنت بعربيتي بس حاجة غير ملحوظة.

            ملحوظة بد مهتعمل التعديل هتحس ان العفشة نشفت شوية خصوصا من الخلف، لان العفشة اتبدلت من سوفت الي هارد.
            psycholain سابقا

            Comment


            • #7
              الف الف مبروك ربنا يبارك لك فيها ويديك خيرها ويكفيك شرها

              شكرا على نقل التجربة
              [CENTER][SIZE=4][URL="http://www.nilemotors.net/Nile/87342-a.html"][COLOR=DarkRed][B]خاص وحصري : بالصور والفديو ... تويوتا تطلق اول سيارتين هجين ... تقرير مفصل[/B][/COLOR][/URL]
              [/SIZE] [SIZE=4][B][COLOR=#420afa]اللهم إغفر للمسلمين والمسلمات[/COLOR][/B][/SIZE] [/CENTER]

              Comment


              • #8
                ألف مبروك باسم باشا. .... و عقبال صيانة ال 100 ألف إن شاء الله.
                ربنا يبارك لك فيها و يكفيك شرها و شر الطريق و العين

                Sent from my GT-I9300 using Forum Runner

                Comment


                • #9
                  لماذا 5000 كم

                  السلام عليكم
                  عندي سؤال لوسمحت
                  لماذا الصيانة بعد 5000 كم مع ان اول صيانة في الكتالوج بعد 10000 كم حتى مع استعمال زيت غير تخليقى (sl ,sm, sn)
                  مع الشكر

                  Comment


                  • #10
                    السلام عليكم
                    موضوع ان صفاره الحزام احيانا بتعلق ظهر معايا برده مع اني مركبتش فرش و ملعبتش في اي حاجه

                    و صوت المريات بتزيق في بعض الاحيان
                    عندي الشمال بس بتزيق بس مبقتش اركز في الصوت اوي

                    عندي حاجه تانيه و هيه صوت صفير بيظهر لما اهدي عشان العربيه تقف الصوت بيظهر من غير فرامل و انا حاسس انو جاي من الموتور
                    الصوت مبيظهرش مع تزويد البنزين علي الواقف
                    اشتكيت في التوكيل مع صيانه الالف بس قالولي ان ده عادي و ده صوت الفتيس ال cvt
                    حد عندو نفس الصوت
                    شكرا

                    Comment


                    • #11
                      الف مبروك يا باسم باشا....و عقبال صيانة المليون
                      استمتعت بقراية تقرير الصيانة و تجربة السيارة لمدة 5000 كم
                      تحياتى
                      م/هانى سعد
                      Meggieboy سابقا
                      [SIGPIC][/SIGPIC]

                      Comment


                      • #12
                        الف مبروك الصيانة .. ربنا يديم عليك خيرها ويكفيك شرها

                        Comment


                        • #13
                          المشاركة الأصلية كتبت بواسطة sonaeg مشاهدة المشاركة
                          الف مبروك الصيانة يافندم وعقبال صيانة المليون ان شاء الله

                          ربنا يديك خيرها ويكفيك شرها باذن الله
                          المشاركة الأصلية كتبت بواسطة ashouhdy مشاهدة المشاركة
                          مبروك عليك .. و ربنا يديم نعمته عليك
                          المشاركة الأصلية كتبت بواسطة j a g u a r مشاهدة المشاركة
                          تقرير جميل

                          الف مبروك الصيانه وربنا يباركلك فيها
                          المشاركة الأصلية كتبت بواسطة mo7a_mo7a مشاهدة المشاركة
                          الف الف مبروك ربنا يبارك لك فيها ويديك خيرها ويكفيك شرها

                          شكرا على نقل التجربة
                          المشاركة الأصلية كتبت بواسطة my3fox مشاهدة المشاركة
                          ألف مبروك باسم باشا. .... و عقبال صيانة ال 100 ألف إن شاء الله.
                          ربنا يبارك لك فيها و يكفيك شرها و شر الطريق و العين

                          sent from my gt-i9300 using forum runner
                          المشاركة الأصلية كتبت بواسطة hany saad مشاهدة المشاركة
                          الف مبروك يا باسم باشا....و عقبال صيانة المليون
                          استمتعت بقراية تقرير الصيانة و تجربة السيارة لمدة 5000 كم
                          تحياتى
                          المشاركة الأصلية كتبت بواسطة limo81 مشاهدة المشاركة
                          الف مبروك الصيانة .. ربنا يديم عليك خيرها ويكفيك شرها
                          الله يبارك فيكم .. وشاكر لمروركم الكريم ودعائكم
                          [B][FONT=Comic Sans MS][SIZE=5][COLOR=Green]

                          [SIGPIC][/SIGPIC]


                          Life's too Short for the Wrong Job[/COLOR][/SIZE][/FONT][/B]
                          ziabassem سابقا

                          Comment


                          • #14
                            المشاركة الأصلية كتبت بواسطة mohamed.hany مشاهدة المشاركة
                            الف مبروك يا باسم باشا علي الصيانة بس ابقي طول بالك شوية انت مسلم العربية الساعة ١١ و استلمت بعد ٣ ساعات فيها صيانة كاملة و تشيك علي ٣ مشاكل في يوم زحمة.
                            الدروس المستفادة من الصيانة دي هي البعد عن أيام السبت والأحد والخميس .. لأن الزحمة كانت جامدة فعلاً وخاصة من الميكروباصات والعربيات النص نقل الخاصة بالشركات .

                            ١. حساس الحزام لو السوكيت راكب كويس ممكن يكون في جزء من السلك متأشر و بيلمس في شاسيه العربية.
                            والله يا هاني المشكلة دي حتجنني لأنها مش بتظهر دائماً واستبعد أنه تكون حاجة ملمسة أو مقشرة في السلك .. وأدينا حنجرب ونشوف .

                            ٢. صوت المرايا بيبقي متصل و لا متقطع ، و متصل مفيش مشكلة.
                            برضه مش على طول الصوت بيطلع .. بدليل أني وأنا بجرب مع المهندس مطلعش الصوت وكان ماشي زي الفل .. بس أعتقد محتاج أقارن مع عربيات تانية علشان أشوف إذا كان طبيعي ولا لآه .

                            ٣. الدفء ده واضح عندك شوية لما قارنت بعربيتي بس حاجة غير ملحوظة.
                            لما سألت عن الموضوع ده اكتر من واحد قالي أه وده طبيعي زي ما قالوا في التوكيل .. وكان موجود في اللانسر السي في تي برضه .. فالموضوع مش قالقني قوي وخاصة أنه مش مزعج أنا بس اللي مركز معاه .


                            ملحوظة بد مهتعمل التعديل هتحس ان العفشة نشفت شوية خصوصا من الخلف، لان العفشة اتبدلت من سوفت الي هارد.
                            طب أنت مظبط الكاوتش على كام .. ويا رب نعمله في القريب العاجل .


                            المشاركة الأصلية كتبت بواسطة hanzala مشاهدة المشاركة
                            السلام عليكم
                            عندي سؤال لوسمحت
                            لماذا الصيانة بعد 5000 كم مع ان اول صيانة في الكتالوج بعد 10000 كم حتى مع استعمال زيت غير تخليقى (sl ,sm, sn)
                            مع الشكر
                            فيه صيانة مبدئية بعد أول ألف كيلو وبتبقى تشك كامل على العربية وتربيط عفشة .. وبعد كدة الصيانة اللي بعدها 5000 ودي بيتم فيها تغيير زيت الفابريكة .

                            كل موديل عربية بيبقى ليه السيستم بتاعه في الصيانات وتغيير الزيوت .. فيه مثلاً عربيات بتغير زيت الفابريكة بعد أول 1000 كيلو .. وفيه عربيات بيتم تغيير الزيت بعد 10000 كيلو .. وفيه زي الكرولا بعد 5000 كيلو .


                            المشاركة الأصلية كتبت بواسطة ahmedkishk@ مشاهدة المشاركة
                            السلام عليكم
                            موضوع ان صفاره الحزام احيانا بتعلق ظهر معايا برده مع اني مركبتش فرش و ملعبتش في اي حاجه
                            علشان أكون أكثر دقة .. أنا التعليقة بتظهر عندي لما أكون مش حاطط الحزام سواء أنا أو اللي جنبي .. بمعنى أنه من المفروض صوت التحذير يسكت بعد دقيقتين .. وبالفعل بيسكت .. ولكن بيرجع يشتغل تاني حتى لو ماشي في الطوالي من غير ما أجيب n , r .. ده المقصود بالتعليقة اللي عندي .. لو اللي جنبي حط الحزام وأنا محطتش الحزام الصوت بيسكت ومبيشتغلش تاني .. وده اللي مخليني شاكك أن المشكلة في كرسي الراكب اللي جنبي .


                            و صوت المريات بتزيق في بعض الاحيان
                            عندي الشمال بس بتزيق بس مبقتش اركز في الصوت اوي
                            تمام .. بس محتاجين المقارنة بين أكثر من عربية علشان نعرف إذا كان ده طبيعي ولا لآه .. وده اللي حيحصل إن شاء الله في أقرب مقابلة .


                            عندي حاجه تانيه و هيه صوت صفير بيظهر لما اهدي عشان العربيه تقف الصوت بيظهر من غير فرامل و انا حاسس انو جاي من الموتور
                            الصوت مبيظهرش مع تزويد البنزين علي الواقف
                            اشتكيت في التوكيل مع صيانه الالف بس قالولي ان ده عادي و ده صوت الفتيس ال cvt
                            حد عندو نفس الصوت
                            محتاجة برضه تجربة عملية ومقارنتها بعربيات أخرى ... تشرفنا في أقرب مقابلة إن شاء الله ونشوف الموضوع ده مع بعض .


                            شكرا
                            نورت الموضوع يا باشا .
                            [B][FONT=Comic Sans MS][SIZE=5][COLOR=Green]

                            [SIGPIC][/SIGPIC]


                            Life's too Short for the Wrong Job[/COLOR][/SIZE][/FONT][/B]
                            ziabassem سابقا

                            Comment


                            • #15
                              باسم بية الدقيق نصيحتى لما تحب تعمل صيانة يا فى ابو رواش ياما التجمع و لكن ابو رواش احسن اينعم هما تنكين شوية فى المعاملة بس هناك الخلاصة سيب العباسية بس للمبيعات و الادارة موضوع الحزام قد معايا شوية يعلق و لما تعمدت مالبسوهوشى و متهزهش السكوت الى فى الكرسى و تخلى دايما تحت و مش مرفوع مش هايضايقك تانى موضوع المرايا بصراحة مظهرشى معايا او يمكن علشان مش دقيق قوى كدة زيك ههههههه بس ممكن يكون رجوع فى ماتور المرايا ممكن يكون الاوتو بتاع وقف الماتور طبعا البهوات هنا فى مصر هايقولو عليك راجل فاضى علشان كدة قالو ناخرة شوية علشان يحرم يجى تانى بملاحظات ههههههه اية رايك نبقى شوف الموضوع دة فى السفريات الجاية تحب نعرضها فى تركيااا ولا فى اليابان و لا اقوللك بلاش يابان و عيون دقيقة و كدة خلينا فى اوربا احسن عن قريب ان شاء الله مبروووك الصيانة يا ريس و عقبال 100 الف
                              [SIGPIC][/SIGPIC] اذا نجحت فى خداع شخص ما فلا تظن انة غبى و لكنة كان يثق بك

                              Comment

                              Working...
                              X