اوتو بارك الكورولا 2015

[yasser100]

يا جماعه ليه واحد صاحبى نزلت اشترى معاه كورولا 2015 الفئه التانيه اللى ب 189000 المندوب فى المعرض مصمم انها ما فيهاش اوتو بارك و انا باقول له ﻻ فيها . هل فيه تغيير عن 2014 و ﻻ الاوتو بارك مش فى الفئه دى اصلا ؟ بس انا شايف فيه مقارنات هنا بتقول انه فيها و نعرفها ازاى من العربيه نفسها ؟

شكرا

[zangry]

هتلاقيه ميعرفش اية الاوتو بارك ده اصلا :d

[Mohamed.Hany]

فيها طبعا اوتو بارك و هتعرفه من حاجتين
١. ان يبقي فيه حساسات ركن امامية و جانبية
٢. ان فيه زرار الاوتو بارك جنب زرار ال esp جنب التحكم في المرايات

[yasser100]

فيها طبعا اوتو بارك و هتعرفه من حاجتين
١. ان يبقي فيه حساسات ركن امامية و جانبية
٢. ان فيه زرار الاوتو بارك جنب زرار ال esp جنب التحكم في المرايات

محمد باشا ازيك . فيها حساسات من ادام بس مش شرط انه يكون فيها اوتو بارك . الجيتا فيها حساسات من ادام بس ما فيهاش اتوبارك . هاتأكد من الزرار اللى انت بتقول عليه ده

شكرا

[Mohamed.Hany]

محمد باشا ازيك . فيها حساسات من ادام بس مش شرط انه يكون فيها اوتو بارك . الجيتا فيها حساسات من ادام بس ما فيهاش اتوبارك . هاتأكد من الزرار اللى انت بتقول عليه ده

شكرا

في الكورولا شرط ان لو فيه حساسات امامية و جانبية يبقي فيها اوتو بارك ،
و علي فكرة الباسات فيها اوتوبارك انت يمكن قصدك علي السيراتو ان فيها حساسات امامية بس بدون اوتو بارك

[ENG.MaRk]

لا طبعا فيها أوتو بارك

[yasser100]

في الكورولا شرط ان لو فيه حساسات امامية و جانبية يبقي فيها اوتو بارك ،
و علي فكرة الباسات فيها اوتوبارك انت يمكن قصدك علي السيراتو ان فيها حساسات امامية بس بدون اوتو بارك

اه لقيت الزرار . فيها اوتو بارك . انا عارف انه فيها بس هو شككنى . شكرا يا ريس :)

[cvt2008]

الاوتو بارك عندى ...بس مش شغال بيقولى مش متاح
دة لازم التوكيل يشغلة ولا لة طريقة ؟
العربية عداد 1000 كيلو 2015

[احمد فهمى]

الكرولا الجديده خربت سوق العربيات اول مره تيوتا تكتسح فى التكنولوحيا والامان وداعا للاسترا والسيراتو والفوكس الخ وكل اللى فى نفس الفئه السعريه تيوتا اكتسحت بس يا سلام لو كان فى فتحة سقف فى اعلى فئه

[bassem.naguib]

الاوتو بارك عندى ...بس مش شغال بيقولى مش متاح
دة لازم التوكيل يشغلة ولا لة طريقة ؟
العربية عداد 1000 كيلو 2015

لما تعمل صيانة الألف خلي التوكيل يفعلهولك .. أو روح التوكيل في أي وقت ومن غير حجز حتى .. الموضوع مش حياخد أكتر من دقيقة .

جرب الأول وكونتاكت العربية على وضع ال ac دوس على زرار الأوتو بارك وبعد كدة لف الدركسيون لأقصى اليمين ثم لأقصى اليسار بسرعة لا تتعدى 15 ثانية .. حيظهر ليك على الشاشة أنه تم تفعيله .

ملحوظة : مش متأكد من الخطوات قوي بس ده اللي بيتم .