ليه يا تويوتا عملتي في نفسك كدة ؟!

[ENG.MaRk]

بصراحة تويوتا مسحت اسمها في التراب لما وافقت إنها تحط اسمها علي الأفانزا ... أحقر و أزبل عربية ممكن تركبها أو تسوقها في حياتك ... و أنا ماشي علي الطريق مسافر بالبيكانتو كنت ماشي تقريبا 130 و واحد عدي مني بأفانزا المهم الكاوتش ضرب منه علي السرعة ديه و عينك ماتشوف إلا النور ... العربية اتشقلبت في الهواء (عملت حتة بروس لي ) و بعد كدة حتتين جاكي شان في الأرض و بعد كدة نامت علي جنبها و حلفت ما هتقوم ... الله يرحم اللي كان فيها لو مات و يشفيه لو لسة حي ... أكيد مافيهوش حتة سليمة ... مش عارف أصلا ليه الحكومة توافق تنزل عربية زي ديه ... المفروض مصر أصلا يبقي فيها أصعب اختبارات لأنظمة الأمان لأن الطرق كلها متكسرة و مشرخة لا و كمان بينزلولنا العربيات من غير وسائل الأمان المهمة و لو نزلت بيها العربية تمنها يعدي ال 200 ألف تقريبا ما عدا كام عربية قليلين يتعدوا علي الصوابع ( كروز - أسترا - كورولا ) و كمان غاليين بالنسبة لعامة الشعب !!!
هل الحكومة عايزة تخلص مننا ؟!

[kar!m]

طيب حضرتك كنت ماشي على 130 و هو عدى منك يعني كان ماشي على 150 مثلا .. و فردة الكاوتش فرقعت .. حضرتك عاوز ايه اللي يحصل؟

[MOH_EGYPT77]

للاسف عربيات تويوتا اللي في مصر لم تعد ياباني 100% بل اصبحت تقفيل تايواني واندنوسي ...................مهذلة لا تجدها الا هنا.

[amr011111]

طيب حضرتك كنت ماشي على 130 و هو عدى منك يعني كان ماشي على 150 مثلا .. و فردة الكاوتش فرقعت .. حضرتك عاوز ايه اللي يحصل؟

كلام منطقى

[aly_hosny]

انا شوفت لانسر حصل فيها كدا على 120
الافانزا عربية وحشة بس مش عشان اتقلبت

[MaZaGAngeE]

هيه فعلا عربية عجيبة و مش مفهومة
بس على 150 انت لو راكب طيارة هتتبهدل

[amrelsaqqa]

اول حاجة طبعا سرعة 150 عربية ايه اللى هتسد وتصمد لما كاوتشها يضرب ع السرعة دى
الافانزا وحشة اه بس مش عشان الموقف ده

ثانيا للاسف في مصر وكل عربيات تويوتا اصلا الاقتصادية اللى بتنزل مصر زي الكورولا او الياريس بموديلاتهم.. كلهم فيهم عيب الخفة على الطريق وضعف الثبات ، طبعا بدرجات مش كل الموديلات زي بعض وفي الموديل الواحد مش كل الاشكال زي بعض ، بس بوجه عام ده موجود في عربيات تويوتا كلها اللى بتتسوق في مصر مش بيهتموا بالنقطة دي في العربيات المتوسطة والصغيرة زي الاوروبيين ، يعنى لو الموضوع ده عار مش هيبقى برضه بسبب الافانزا بس

[SYD]

طيب حضرتك كنت ماشي على 130 و هو عدى منك يعني كان ماشي على 150 مثلا .. و فردة الكاوتش فرقعت .. حضرتك عاوز ايه اللي يحصل؟

صباح الخير يا كيمو
مش اي عربية معلش يحصل فيها كدة
انا العجلة في عربية اخويا ضربت علي ما يقرب من 180
كانت الفيكترا

[yasser100]

ده اللى باقوله دايما مهما كانت حزمة الامان اللى موجوده فى اى عربيه مش هاتعمل اى حاجه طالما انه الطرق مش مصممه للسرعات دى و لا مجهزه بوسائل الامان حتى شركات العربيات و اكسسوارتها و تجهيزاتها بتنزل لنا الكوالتى المناسبه للسرعه اللى هيه اقصاها 100 - 110 كم يعنى الافانزا دى مش هاتلاقيها نازله فى الدول اللى فيها سرعات مفتوحه و لو نزلت مش هاتنزل بالكواليتى دى خالص , ما فيش داعى للمجازفه بسرعات عاليه مهما كانت تجهيزات الامان فى العربيه و مهما كان اسم الماركه لانه تانى العربيات مش بتنزل بالكواليتى العاليه زى دول تانيه و شوف الالنترا اللى بتنزل فى الخليج و ثباتها و اللى بتنزل هنا مصر

[iUsef]

كلمتين وبس
السواقة ملهاش كبير وكله قدر
ولا احسن عربية في العالم تقدر تعملك حاجة
واللي يفتكر العشرة ايرباج هيحموه يبقي غلطان لان اختبارات الامان علي سرعة 64km مش ١٥٠
ولا ESP ولا ABS ولا EBD ولا اي كلام من التهييس دة احنا الطرق عندنا زي الفل
وياما الواحد شاف احسن عربيات في الدنيا مدشمله من السرعة
ادي مرسيدس C350 واحد اعرفه في انجلترا وكان ماشي ٢٢٠ والشبورة مع المطر وعجلة فرقعت وهوبا برضة حتيتن تلاتة جكي شان وكل الناس اللي شافتة قالو دة مات وبعد ما طلع سليم الحمد لله الناس ماقالتش مرسيدس هيا اللي نجته كله قاله انت من اكتر الناس المحظوظين في الدنيا

[yasser100]

كلمتين وبس
السواقة ملهاش كبير وكله قدر
ولا احسن عربية في العالم تقدر تعملك حاجة
واللي يفتكر العشرة ايرباج هيحموه يبقي غلطان لان اختبارات الامان علي سرعة 64km مش ١٥٠
ولا esp ولا abs ولا ebd ولا اي كلام من التهييس دة احنا الطرق عندنا زي الفل
وياما الواحد شاف احسن عربيات في الدنيا مدشمله من السرعة
ادي مرسيدس c350 واحد اعرفه في انجلترا وكان ماشي ٢٢٠ والشبورة مع المطر وعجلة فرقعت وهوبا برضة حتيتن تلاتة جكي شان وكل الناس اللي شافتة قالو دة مات وبعد ما طلع سليم الحمد لله الناس ماقالتش مرسيدس هيا اللي نجته كله قاله انت من اكتر الناس المحظوظين في الدنيا

كلام مظبوط تماما , و الله انا باستغرب الناس بتدور على اعلى حزم امان و تدفع فلوس فيها و فى نفس الوقت لا يلتزموا بالسرعات و لا باحوال الطرق المنيله اللى عندنا ولا بكوالتى العربيات اللى بتنزل لنا , اعتقد انه صاحب الافانزا لو كان ماشى على 100 ما كانتش توصل الامور انه العربيه تتقلب

[eng.m7md.ali]

كلمتين وبس
السواقة ملهاش كبير وكله قدر
ولا احسن عربية في العالم تقدر تعملك حاجة
واللي يفتكر العشرة ايرباج هيحموه يبقي غلطان لان اختبارات الامان علي سرعة 64km مش ١٥٠
ولا esp ولا abs ولا ebd ولا اي كلام من التهييس دة احنا الطرق عندنا زي الفل
وياما الواحد شاف احسن عربيات في الدنيا مدشمله من السرعة
ادي مرسيدس c350 واحد اعرفه في انجلترا وكان ماشي ٢٢٠ والشبورة مع المطر وعجلة فرقعت وهوبا برضة حتيتن تلاتة جكي شان وكل الناس اللي شافتة قالو دة مات وبعد ما طلع سليم الحمد لله الناس ماقالتش مرسيدس هيا اللي نجته كله قاله انت من اكتر الناس المحظوظين في الدنيا

الصالون سليم تماماً على حادثة بسرعة 220 كيلو ..

شامبوه مرسيدس "على رأي سيد ابو حفيظة"

[zangry]

Iusef .. ماهو محظوظ عشان راكب مرسيدس :D

[ashouhdy]

هو الايرباج في المرسيدس مفتحش؟

[تويوتا افريقي]

كمعلومه بس عشان الفتي اللي عند المصريين انا مستورد قطع غيار مستعمله تويوتا التويوتا المصري تضرب الخليجي كله بالجزمه لان المصري مواصفات قياسيه عالميه من ناحية الصاج الثبات واللي يقلك انا بركب الخليجي بلاقيه ناعم والمصري خشن ده جهل لان العربيه الناعمه على السريع بتعوم والناشفه فيها عفشه رياضي بتثبت على السريع زي البي ام عربيه ناشفه وللمعلومه تويوتا مش هايفوتها الملاحظه الجهنميه بتاعت حضرتك وتقصر في مراقبة تجميع عربيتها في اي مكان في العالم لان دي سمعتها ولازم تحافظ عليها على فكره الخلايجه مش عاجباهم العربيات اللي عندهم وبيقولوا ياريتنا زي مصر وعلى فكره الطرق في العالم كلها زي بعض لسه جاي من السعوديه مشيت على طرق كتير زي مصر الفرق مافيش زحمه كتير