مشكلة زيادة استهلاك بعد ما وصلت لل 150 الف ك في الياريس

[WAEL .H]

ياريس 2008 معايا من الزيرو استهلاكها للبنزين كان لا يقل عن 300 كم في الصفيحة برة وجوة
فجاة بعد لما وصلت 150 الف كيلو الاستهلاك اصبح يصل 250 كم في الصفيحة برة وجوة
علما بثبات جميع العوامل المتعلقة بصيانة العربية والسائق والطرق
وتغيير البنزينات وتفويل 95
وبقالي 25 الف كم على الوضع ده ومفيش تحسن
حد عنده معلومة في الموضوع ده




تم تعديل العنوان ليتناسب مع المحتوى
م ب 3

[darkdefender]

انا معايا يارس 2008 من الزيرو برضوا و لحظت الموضوع دا بعد ال 100 الف السبب كان..

1) وضع زيت لزوجته عالية زي ال 20W-50 الكتالوج ينصح بوضع زيت 10w-30 لاحسن استهلاك بنزين .. للاسف مش متوفر الموجود قريب منه ال 5w-40 المصنع كليا دا بيبقي في حدود 280 جم و بيعد سنة بغض النظر عن الاستهلاك..(انصح بالولفر الالماني هتلاقي اعلانه هنا فالمنتدي مع تغير فلتر الزيت طبعا)

2) نظف الرشاشات و البوبات دول بيفرقوا فرق السماء و الارض في استهلاك البنزين... للتاكيد انهم المشكلة حط منظف رشاشات من شركة STP علي فول تنك لو اتحسن الاستهلاك تبقي الرشاشات المشكلة و لازم تتنظف عند مكانيكي (يعني بتحط 20 لتر بنزين و بعدبن المنظف و بعد كدا تكمل التفويلة كل دا و العربية دايرة متبطلش العربية و انت بتحط المنظف لو خايف حط تلات تربع تنك و بعدين حط المنظف و هي دايرة برضوا)

سعره 35-40 جم علي حسب المحطة
3)غير البوجيهات..

4) نظف او غير فلتر الهواء..

كل دول بيسهموا في استهلاك البزين ... يارب اكون افدتك

[bassem.naguib]

انا معايا يارس 2008 من الزيرو برضوا و لحظت الموضوع دا بعد ال 100 الف السبب كان..

1) وضع زيت لزوجته عالية زي ال 20w-50 الكتالوج ينصح بوضع زيت 10w-30 لاحسن استهلاك بنزين .. للاسف مش متوفر الموجود قريب منه ال 5w-40 المصنع كليا دا بيبقي في حدود 280 جم و بيعد سنة بغض النظر عن الاستهلاك..(انصح بالولفر الالماني هتلاقي اعلانه هنا فالمنتدي مع تغير فلتر الزيت طبعا)

2) نظف الرشاشات و البوبات دول بيفرقوا فرق السماء و الارض في استهلاك البنزين... للتاكيد انهم المشكلة حط منظف رشاشات من شركة stp علي فول تنك لو اتحسن الاستهلاك تبقي الرشاشات المشكلة و لازم تتنظف عند مكانيكي (يعني بتحط 20 لتر بنزين و بعدبن المنظف و بعد كدا تكمل التفويلة كل دا و العربية دايرة متبطلش العربية و انت بتحط المنظف لو خايف حط تلات تربع تنك و بعدين حط المنظف و هي دايرة برضوا)

سعره 35-40 جم علي حسب المحطة
3)غير البوجيهات..

4) نظف او غير فلتر الهواء..

كل دول بيسهموا في استهلاك البزين ... يارب اكون افدتك

ممكن أعرف أيه الحكمة أن العربية تكون دايرة أثناء وضع منظف الرشاشات

[WAEL .H]

هو بالنسبة للموتور انا وديتها التوكيل واتراجع عليها على الكمبيوتر ونضفوا البوابة ومفيش تحسن

[darkdefender]

ممكن أعرف أيه الحكمة أن العربية تكون دايرة أثناء وضع منظف الرشاشات

دي الارشادت علي العلبة ,,,

كنت زمان بضيفة و العربية مبطلة كانت بتتاخر جدا فالتدوير و ساعات كانت بدور من تلات مرة.

[darkdefender]

هو بالنسبة للموتور انا وديتها التوكيل واتراجع عليها على الكمبيوتر ونضفوا البوابة ومفيش تحسن

الكمبيوتر هيوريهم الاعطال فقط في حالة عدم طلب كشف علي اداء الموتور...

اضعف الايمان جرب المتظف و غير الزيت و الفلتر و ان شاء الله الدنيا تتحل...

في حالة انك مش عايز تروح لمكانيكي عشان تنظف الرشاشات انت ممكن تحط منظف علي 3 تفويلات ورا بعض ,,انا بعمل كدا و الحمد لله سحب العربية و توفرها بقي 10 علي 10


ملاحظة المنظف بسبب تاخر فالدوران ساعات ودي مشكلة مؤقتة فقط و بتروح مع اول تفويلة منغير منظف..