كورولا ولا ياريس ولا إلنترا

[MoOoD]

انا ناوى على شراء سياره جديده إن شاء الله
ومعايا حوالى ١٥٠ ألف وناوى على واحده من العربيات دول
كورولا 2013 ولا ياريس زيرو ولا إلنترا زيرو
رغم انى مش مقتنع بأسعارهم الفتره دى لكن انا محتاج عربيه الفتره الجايه
فقولت أسأل هنا وانتم تفيدونى
انا كنت راكب BMW 318 موديل 2000
وبعديها ركبت اوكتاڤيا a5 2007
حالياً عاوز اجيب عربيه تكون خفيفه فى صيانتها و تكون بنفس جودتهم وسعر اعاده بيع كويس
ولو فى نصايح بانواع تانيه ياريت
الشراء هيكون فى خلال الاسبوع القادم إن شاء الله
فأرجو النصيحه إخوانى

[mac os]

اعالاهم جوده هتكون الكورولا واعاده البيع برده ممتازه ولو تقدر تزود شويه وتجيب الشكل الجديد يبقى افضل

[Mohamed.Hany]

الزيرو لا يعلي عليه لاكن متطلباتك موجودة اكتر حاجة في الكورولا و من بعدها الالنترا عشان ثباتها مش جيد

[Omar2017]

الانترا زيرو

[MEDO PASHA]

كيا سيراتو 2015 انا بصراحة مسمعتش عنها مشاكل لحد الان والخليجى منها كان فى عضو بيقول هنا انها كاملة من غير قتحة سقف ب 156
انا بصراحة شكلها بيعجبنى اوووى (ده رأى الشخصى )

[hugan]

كورلا
سيراتو
النترا
الياريس خارج المقارنه

[abofandy]

وجهه نظرى الشخصية

كورولا فى المرتبه الاولى (( وتتميز لو قدرت تجيب ال 2014 حتى وان كانت اول فئه ))
السيراتو الجديدة
الالنترا الجديدة

[MoOoD]

طيب كده معظم الاراءبتروح للكورولا
وإن كنتم بتنصحوا بالكورولا ٢٠١٤
طيب اول فئه فيها عامله كام
ولو هجيب كورولا ٢٠١٤ المبلغ هيكون كويس انه يجيب حاله و كماليات
ياعنى ادور على ايه فى العربيه معنى اصح لما اروح اشترى ابص على ايه؟
وال١٥٠ يجيبوا انهى فئه
معلش اصلى ماليش فى التيوتا ولا الفئات بتاعتها.

[mhkorayem]

لو من اللي حضرتك مختارهم يبقى النترا زيرو افضل اختيار
لكن وجهة نظري الشخصيه سيراتو افضل منهم كلهم وربنا يوفقك للافضل ان شاء الله

[omar101970]

حضرتك كنت راكب قبل كدا بى ام و أيه فايف ودى عربيات تتميز بالثبات العالى.
الأختيارات اللى انتا بتفكر فيها وضع مختلف وانصح حضرتك انك تجرب سواقه كل عربيه فيهم وياريت يكون على طريق سفر علشان تتعرف على الفرق بينهم وبين الباكجرواند بتاعك فى البى ام و ايه فايف.
عن نفسى ارشحلك كورولا زيرو 2015 أكثرهم ثبات وحاتحقق طلب حضرتك فى الأعتماديه وسعر اعاده البيع.

[MoOoD]

أشكركم إخوانى على الردود
انا جربت كورولا ٢٠١٣ وكانت كسر زيرو خليجى وسحبها كان زى الاوكتافيا تقريبا
ملحوظه انى آخرى كان ١٢٠ بيها مذودتش عن كده.
السيراتوا الـ٢٠١٥مجربتهاش الصراحه لكن ناس بتقولى عربيه مش ثابته فوق ١٠٠كم بس انا مجربتش الموديل الجديد الصراحه.
إلنترا مجربتش غير ٢٠١١كامله وكان سحبها تمام وقاعدتها و الوسع الداخلى افضل من تويوتا لكن مذودتش عن ١٢٠كم برده.

إستفسارى
انى لو معرفتش أذود المبلغ هيجبلى انهى تويوتا وانهى فئه تقريباً
ياعنى ٢٠١٣ رنچ أسعارها كام؟
هحاول أركب السيراتو الجديده و الإلنترا الجديده عشان اقارن موضوع الثبات ده.
ياريت اى نصيحه او رأى من حد جرب الموديلات دى يقولى عليه؟
مشكورين إخوانى :-)

[J A G U A R]

فكر فى كروز

[Ahmed Gad]

حاول تزود شويه وتجيب كورولا الشكل الجديد
الكورولا افضل الخيارات الي قدامك

[MoOoD]

الكروز صعبه شويه عشان مش متداوله كتير فى السوق فسعر إعاده البيع و سرعته مش هيكون تمام.
الكورولا الجديده غاليه للأسف ياعنى هزود حوالى ٢٥ألف على ما اعتقد طبقاً لأسعار المعارض
بس هدور وأشوف. يمكن فى فئات اقل وقريبه فى السعر

[S O P H O S]

الكورولا