تقفيل شنطة الياريس 1500 الجديدة .. مش كويس

[أيمن كور]

السادة الافاضل كل عام و حضراتكم بخير و رمضان كريم

أسألتى زيادة أنا عارف و ممكن تكون فى حاجات بالنسبة لناس كتير عادية بس الواحد بيحب
الحاجة اللى عينه إتعودت عليها تبقى صح و مافيش غلطة

سؤالى خاصة للسادة مالكى الياريس الجديدة 1500 .. حضراتكم شوفتوا تقفيل الشنطة طبعا
سؤالى هو عادى ان ضهر الشنطة اللى هوة ضهر الكنبة يبقى تقفيله بحاجة كده زى الكارتون
بس ملمس البلاستيك ؟؟
انا مش عارف أوضح أوى بس انا شوفت عربيات اقل فى الفئة السعرية و التقفيل كان افضل

ثانيا التقفيل بتاع الشنطة من الاجناب تحس انه مش ثابت و زى ما يكون مش راكب صح على شنطة العربية !!

و الله انا مش موسوس بس طبعى كده انى بدقق فى كل حاجة و العربية بالنسبة للفئة مش رخيصة

حد من الملاك ممكن يفيدنى فى الموضوع ده .. و اذا كانت كل العربيات اللى نزلت -أقصد الياريس-
نفس التقفيل ده و لا فى حاجة عندى انا بس .. بحكم انى ما عنديش ثقة فى الموزعين المعتمدين
يا ريت الرد سريعا لأنى محتار و مزعلنى الموضوع ده

و شكلى ممكن انزل ابص على العربية فى معارض تانية و اطمن بس لو فعلا لقيت العربيات كده
يبقى تقفيل سئ و لو كانت المشكلة عندى انا بس ممكن اعمل ايه مع المركز اللى اشتريتها منه؟؟

و شكرا مقدما للردود

[Mohamed.Hany]

ياريت صور عشان نتخيل و نفهم بس تكون بجودة معقولة

[أيمن كور]

ياريت صور عشان نتخيل و نفهم بس تكون بجودة معقولة

جارى تجهيز الصور و ضغطها لأن المساحة هاتكون كبيرة علشان الجودة تكون عالية و رفعها فى أقرب وقت

[darkdefender]

يارس 2008 ساعة ما استلمتها زيرو كان عندي نفس التعليق و كانت تقفيل يباني,,,, و بعد 7 سنين استعمال و الحمد لله اقدر اقل لحضرتك انها مقصرتش معيا في اي حاجة حتي بعد تحملها كتير و بهدلة الحمد لله مسكة نفسها كويس,, متقلقش

[Waleed_zayan]

معايا نفس العربيه بقالها شهرين ، هو فعلا ضهر الكنبه مش متقفل كويس ويدوب حته الفبر الخفيفه دى اللى ملهاش اى لازمه ، لكن تقفيل الأجناب كويس ومرتاح فى العربيه ، عموما مفيش عربيه كامله من كل حاجه ، لكن عموما هى عربيه حلوه جدا ، اللى مدايقنى أنى لسه محفظتش ابعادها ، حبيت اشترى الشاشه بالكاميرا بتاعتها لقيتها فى التوكيل ب ٥٠٠٠ جنيه وجالى احباط !!

[mohamad.ameen]

بعد ما نشوف الصور نقدر نقيم الوضع

[أيمن كور]

السلام عليكم
السادة الافاضل ..
دى بعض الصور لشنطة العربية على قد ما قدرت لكن النظر بالعين مختلف طبعا
كمان ما شاء الله اللوجو بتاع المنتدى منور الصور و مش عارف هايبان اللى أقصده و لا لأ !!
ده شكل الشنطة بصفة عامة و الضهر اللى بقول لحضراتكم عليه


- الضهر مش محكم و فيه فروقات و طبعا لو ضغطت بإيدك ممكن يفلت من مكانه و يقع كله




- كمان البطانة مش مريحة كويس و فيه مسافة بينها و بين الاجناب يعنى ممكن بسهولة تتقطع او تتخرم



القاعدة بتاعة الشنطة من حاجة كده فيبر زى الكارتون المضغوط مش محملة نهائى و تحتها بطانة فلين ضعيفة جدا و الفيبر اللى فوقها مش هايحميها نهائى





أرجو ان الصورة تكون وضحت باللى أقصده .. و هل ده طبيعى فى تقفيل شنط التويوتا علشان كده مش عملية نهائى

و سؤال تانى ممكن اجيب فرش الشنطة البلاستيك اللى عامل زى الحوض و اجناب عالية للياريس منين من اسكندرية
و شكرا ليكم

[Mohamed.Hany]

شايف ان كل حاجة مقبولة في فئتها ما عدا ضهر الكنبة الخلفية حاسه اقل من المتوسط بس هيقضي الغرض .
طبعا هو اقل من الكورولا بس مش ده االي يضايقك يعني استمتع

[أيمن كور]

أستاذ محمد فئتها دى ب145 ألف يعنى برضه فلوس مش قليلة ولا أيه؟!!

[darkdefender]

أستاذ محمد فئتها دى ب145 ألف يعنى برضه فلوس مش قليلة ولا أيه؟!!

انا وضحتلي الصورة بعد الصور دي فعلا في ردائة بعض الشئ خصوصا في ظهر الكنبة...
تجميع اي عربية في بلد غير بلدها الاصلية بتسبب ان بيكون في نسبة انتاج محلي للدولة المجمع بتختلف من شركة لشركة بس محدش يقدر يقول ان كل القطع جاية من اليبان و تيوان بتجمعها بس!

انا لو بالنسبالي لو القطع المصنعة محليا في تيوان كانت الرفايع دي انا احمد ربنا ,,لانها مش هتاثر معايا في حاجة نهائي ,استمتع يا باشا بعربيتك الجديدة و متركزش اوي لان حتي المرسيدس هتلائي مشاكل التجميع المصري او بمعني التجميع برة بلدها ...

[scratchy]

التقفيل مش وحش ولا حاجة
كان عندي نفسه في اللانسر بومة
اهم حاجة مفيش أصوات بتطلع من الشنطة في المطبات
ممكن تجيب الحوض البلاستيك من التوكيل
كمان ممكن تفصل ضهر و أرضية mdf خفيف و تنجده نفس لون البطانة

[Mohamed.Hany]

أستاذ محمد فئتها دى ب145 ألف يعنى برضه فلوس مش قليلة ولا أيه؟!!

اكيد طبعا ، انا بقول لحضرتك كل حاجة زي الكورولا بالضبط ماعدا ضهر الكنبة و هو ده اللي علقت عليه.

ضهر الكنبة في الكورولا بيبقي متغطي بموكيت انا معرفش الخامة اللي متغطية تحتيها ايه و هو ده الفرق الوحيد فمش حاجة تخوف ابدا.
و خلينا نتكلم عمليا ، ايه اللي ممكن يحصل في المكان ده تحديدا يخليك تخاف ؟

[أيمن كور]

القصة مش خوف ولا حاجة أنا بتكلم على نقطة جودة التقفيل بتاع الشنطة كان المفروض يكون أفضل من كده

[hossam_elwani]

حاجه مزعجه فعلا من علامه كبيره زى تويوتا

[Mohamed.Hany]

القصة مش خوف ولا حاجة أنا بتكلم على نقطة جودة التقفيل بتاع الشنطة كان المفروض يكون أفضل من كده

عندك حق فعلا في النقطة دي ، الضهر مش قد كدة بصراحة