تويوتا ياريس 1500 الجديدة الحمد لله إختيار موفق

[أيمن كور]

السلام عليكم و رحمة الله و بركاته
السادة الافاضل كل عام و حضراتكم بخير
الموضوع و ما فيه إنى و لله الحمد كل مرة أنزل بالياريس الجديدة 1500 بتزيد ثقتى بالعربية
و الحمد لله الحاجات اللى كنت بحس بيها فى العربية و مش عجبانى ابتديت تختفى
- ما عدا موضوع تقفيل الشنطة - و ده مش مؤثر فى العربية
بسم الله ماشاء الله العربية مناوراتها ممتازة قيادتها سهلة و ممتعة و تلم ابعدها بسهولة
عفشتها ماشاء الله - بصراحة انا زعلان عليها علشان الشوارع اللى حوالية متكسرة و متبهدلة
بس الحمد لله العربية حمالة أسية -
و الله العربية دى لو أرخص 10الاف جنيه بس كانت كسرت الدنيا و لقيتها مالية الشوارع
الحمد لله على العربية و فعلا ربنا مقسم الارزاق و لما تتوكل على الله ربنا بيختارلك الاحسن
الياريس ماكانتش فى حساباتى نهائى بسبب سعرها فقط و سبحان الله ربنا سهلها و بعدنى عن عربية تانية خالص
الحمد لله و نصيحة لوجه الله ما تعملش زى حالاتى و تتغر فى الاوبشن الزيادة عن اللزوم
و الكماليات اللى مالهاش لازمة ودور على العربية اللى تستحملك و تعيش معاك فى شوارعنا الجميلة و طرقنا الحريرية ... طبعا انتم فاهمنى
و ربنا يوفق كل واحد بيشترى للأصوب و الافضل

انا اللى خلانى اكتب الموضوع ده ان العربية بقالها شهر معايا انه عارف انه مش كتير
بس كنت مش مقتنع بيها و الحمد لله كل موقف بتثبت نفسها و انها أصيلة فعلا
وكل عام و انتم بخير

[mahmoud_ali]

ربنا يباركلك فيها ويديك خيرها ويكفيك شرها

[S O P H O S]

ربنا يبارك وتاخد خيرها

[sonaeg]

ربنا يباركلك فيها ويسترها معاك ومعانا ان شاء الله

[Caesar Ramiro]

ربنا يباركلك فيها.. انت جانبها أي فئة و بكام يا باشا..؟؟ و ايه مواصفاتها بالظبط..؟؟

[iUsef]

ربنا يديك خيرها ويكفيك شرها

[amr011111]

الحمد لله و نصيحة لوجه الله ما تعملش زى حالاتى و تتغر فى الاوبشن الزيادة عن اللزوم
و الكماليات اللى مالهاش لازمة ودور على العربية اللى تستحملك و تعيش معاك فى شوارعنا الجميلة و طرقنا الحريرية ... طبعا انتم فاهمنى
و ربنا يوفق كل واحد بيشترى للأصوب و الافضل

انت تقصد طبعاً بالعربيه التانيه البى ام

[omar101970]

انا معاك ان الياريس فى فئتها لو نزلت 10 ألاف جنيه حاتبقى حكايه فعلا.
الف مبروك عليك الياريس وربنا يحفظها ليك.

[أيمن كور]

الفئة الاولى أوتو 145 الف و مواصفاتها أعتقد ان فى أحد الاعضاء عامل موضوع قيم جدا بالصور لو لقيته هانزل اللينك بتاعه لحضرتك
و العربية هية نفس مواصفات ال1300 مو 2014 اللى كانت نازلة ماعدا الموتور 1500 بس نفس الشكل و الاوبشن لكن الفئة الهاى لاين ماعنديش فكرة نزلت منها و لا لأ

[J A G U A R]

ربنا يباركلك فيها ويحفظهالك

[مارينجوس الاول]

ياتري اخبار العربيه معاك ايه لاني ناوي اشتريها ولي كام سؤال لو سمحت
ياتري صوت الموتور عالي وبتسمعه وانت ماشي
العفشه عامله معاك ايه
ياتري بتشيل 3 مستريح في الكنبه الخلفيه ولا ديقه ( طبعا اوزان عاديه مش فري سايز ههههه )
الشنطه وسعها
هل في اي مشاكل قابلتك فيها
وشكرا

[yassermahmmoud]

ربنا يحفظها لك

[أبو عبدالله]

ممكن مواصفات العربيه كلها ؟؟؟؟

[AhmedNaeem]

متابع

[Galal2403]

متابع