اريد معرفة مميزات و عيوب كورولا 2006 و الاسعار اية

[heshamshahen]

السلام عليكم يا شباب
و الله انا متشكر ليكو جدا علي المعلومات دية بس انا كنت عاوز اجيب 1600 اتوماتيك بس مش لاقي و لو لقيت تسمع ارقام غريبة 117 الف و كلام عبط كدا و بعدين لاقيت 1300 كتير بس انا تعبت من ال1300 خلاص لان ال 1600 احسن عشان التكييف طبعا و اخيرا استقريت علي لانسر 1600 super actionومش عارف اركب اية اعتقد ان الانسر 1600 كويسة اية رايكم

[Karim_Monir]

اولا انت عاوزها ما نيوال ولا اوتو
لان كل فتيس عربيه تانيه غير التاني

يعني هقولك
انا معيا كورولا 2006 مانيوال

عاوز تعرف مشكاكل الكورولا اقولك
1 عفشتها مش مرنه وتحس بكل نقرة في الارض لو انت اللي سايق
2 نظام التوجيه بتاع الكورولا اللي هوا الدركسيون خراااا كل فتره عاوزة زوايا
ده لو انت هتستخدم العربيه كتير زيي
3عدم الثبات طبعا بس الكلام ده هتبدا تحس بيه على 140 وده مش عيب اوي لان فين الطريق اللي هيمشيك مثبت على 140 سرعتك
4بعد سرعة 100كم بتحس انك راكب عربيه نقل صوت ما كنتها مش معزول عن االصالون بس مش بالصورة اللي انت متخيلها وهوا مزعج اه بس هتتتعوووووود
5الفتيس والدبرياج في المانيوال فيهم خشونه عن اي فتيس في عربية تانيه

انت متاكد انك بتتكلم عن كرولا 2006 ولا عن جيلي الصيني
يا راجل حرام عليك
الكرولا انعم عربية في فئتها وانعم مساعدين وسوست تحس بكل نقرة في الارض
لالالالالالا اكيد انت بتتكلم عن عربية تاني صح
دركسيون ايه اللي عايز زوايا
وعزل ايه اللي مزعج
شوف يا عربيتك فيها حاجة غلط يا فها حاجة غلط
عزل الكرولا رائع
وانا ماشي بيها 34 في سنة وشهرين يعني تقريبا قريب منك في الاستهلاك
عفشتها زي الفل ومركب جنوط 15-95-60 والثبات رائه لغاية ب 150 وباخد غرز قطم بيها لغاية 120 اكتر من كدة بقلق لان مساعدينها طراي والسوست كمان
لكن عزل وحش وكمان الباور وحش
مش عارف حاسس انك جبت احسن 3 حاجات وبتقول عليها وحشة
اه انا فهمت
انت بتاخد العين عن عربيتك
يا راجل ماتقولش كدة احسن عندنا ناس بتصدق
عموما يا ريت تيجي تجرب عربيتي يوم الجمعة الجاية في الربوة واجرب عربيتك

[boing]

والله يا كريم منير الكلام اللي بقولك عليه مظبوط

مش بس انا انا معظم شلتي كلهم جايبين كورولا بعد الهوجه اللي حصلت في السوق بالنسبة للكوكو اللي بقت في كل شارع اكتر من اي عربيه
وهقولك على حاجه كمان يمكن تكونو متعرفوهاش
الكورولا اللي هو الشكل اللي معايا 2006
ولحد 2007
حققت مبيعات عمرها والله ما حصلت في تاريخ اي عربيه ف يالدنيا
ودخلت موسعة جينيس كمان

انا عارف ان الكوكو عمليه
وان مميزاتها غلبت عيوبها عشان كده انا اشتريتها
بس الكلام اللي بقولك عليه لو ركبت عربيات تانيه
هتحس بيه
لانكم هنا في مصر الكورولا والميجان والاوبل والباسات واللفوكس والانسر كل دي عربيات فئة متوسطه ولازم تلاقي فيها عيوب
سواء من ناحية عزل او ثبات او مرونه او او او

لكن لو ركبت بقا ماكسيما او افالون او ماجنا او لومينا
بردو دي عربيات فئة متوسطه بس اعلى شويه من مثلاتها هتلاقي بردو فيها عيوب

لكن انا قلت اللي للكوكو واللي عليها لاني مجربها بقالي 2سنتين ونص بالظبط
مش بس كده جربت كل عربيات اصحابي الكورولا والعيوب نفسها هناك بردو

طبعا لكاتب الموضوع الرئيسي بقا اقولك

كورولا 2006 اوتو 1600 عربيه ما شاء الله حلوة واحسن مليون مرة من 1300
الهورس باور عندك هيبقى 110
بس لو جبتها مانيوال هتدعيلي والله

بالنسبة للاسعار انا عراف ان بقا مبالغ فيها فعلا بالذات الكورولا الاوتو
انا عاوز ابيع عربيتي عشان بفكر اجيب افينسيس
مش جايبالي سعر حلو عشان ما نيوال
مش عارف الناس كلها اتعودت على الانتخه

ربنا يوفقك وتلاقي العربيه اللي تانسبك وخليك واثق مفيش عربيه هتديك اللي فدماغك ميه في الميه

[lord_n]

انا متفق مع الاستاذ كريم منير بالنسبة للكلام اللى قاله عن العربية
انا معايا كورولا 2007 مانيوال 1300 سى سى وبقالها معايا سنة وشهر تقريبا وعملت بيها 25 الف كيلو .... العربية ما شاء الله ناعمة جدا على الطريق وعمرى ما اشتكيت من العفشة والعزل بتاع العربية أكثر من ممتاز واستهلاك الوقود رهيب حتى اللى عندهم ياريس عمرهم ما يقدروا يحققوه
بصراحة العربية ممتازة

ولكن توجد بعض الملاحظات يجب ذكرها:

1- التوكيل بيستهبل فى الفلوس وفى التعامل (تعاملت معاه حوالى 4 مرات لغاية دلوقتى)
2- الثبات بيكون بشع بعد 130 (بس تقدر تقول لى ايه طريق فى مصر تقدر تمشى عليه لغاية 130)
3- دهان العربية ضعيف جدااااااااااااااااااااااااااااااااااااااااااا

ولكن فى المجمل تقدر تقول ان العربية ممتازة
شكرا

[boing]

اصبر عليها يالورد سنه كمان وابقا تعالى قلي رايك فيها

[Karim_Monir]

والله يا كريم منير الكلام اللي بقولك عليه مظبوط

مش بس انا انا معظم شلتي كلهم جايبين كورولا بعد الهوجه اللي حصلت في السوق بالنسبة للكوكو اللي بقت في كل شارع اكتر من اي عربيه
وهقولك على حاجه كمان يمكن تكونو متعرفوهاش
الكورولا اللي هو الشكل اللي معايا 2006
ولحد 2007
حققت مبيعات عمرها والله ما حصلت في تاريخ اي عربيه ف يالدنيا
ودخلت موسعة جينيس كمان

انا عارف ان الكوكو عمليه
وان مميزاتها غلبت عيوبها عشان كده انا اشتريتها
بس الكلام اللي بقولك عليه لو ركبت عربيات تانيه
هتحس بيه
لانكم هنا في مصر الكورولا والميجان والاوبل والباسات واللفوكس والانسر كل دي عربيات فئة متوسطه ولازم تلاقي فيها عيوب
سواء من ناحية عزل او ثبات او مرونه او او او

لكن لو ركبت بقا ماكسيما او افالون او ماجنا او لومينا
بردو دي عربيات فئة متوسطه بس اعلى شويه من مثلاتها هتلاقي بردو فيها عيوب

لكن انا قلت اللي للكوكو واللي عليها لاني مجربها بقالي 2سنتين ونص بالظبط
مش بس كده جربت كل عربيات اصحابي الكورولا والعيوب نفسها هناك بردو

بص انا معاك في ان صاجها ضعيف وانها ماينفعش تتقارن بافالون وماكسيما والحاجات دي
لكن لما اقارنها في مصر بحاجات تانية كتير بتغلب قوي والمبيعت خير دليل فعلا
وانا معنديش العيوب للي انت بتقول عليها دي
ولورد كمان بيقول نفس الكلام اهو
مش عارف عربيتك فيها حاجة
هيا فعلا ثباتها وحش بعد ال 130 وده اللي خلاني اغير جنوط وكاوتش 15-195 عشان الثبات وبقي حلو فعلا
وانا ساكن في منطقة بيدخل فيها غاز طبيعي ومكسرين الشوارع بغباء
وما شاء الله مستحملة القرف ده كلة بس بربط عفشة كل شهرين تقريبا
وبقالها معايا اكتر من سنة ونص بحوالي 35 الف كم