مساعده في كورولا 2015

[mahmoud bakr]

السلام عليكم ورحمة الله وكل سنة وانتم طيبين ورمضان كريم علي الكل طبعا انا سعيد جدا بأني هنضم للقسم الجميل ده وللناس المحترمة اللي مبتبخلش على حد خالص بأجوبتها
ان شاء الله انا واخويا الكبير هنستلم كورولا 2015 الفل اوبشن يوم الاحد من المعرض بعد عناء وتعب كتير في العربيات المختلفة مرة قشقاي ومره بيجو المهم والحمد لله ربنا اكرمنه وهنستلم الكورولا وان شاء الله اعملكم تقرير جامد ومتين عنها انا بس عندي كام سؤال كده 1- الراجل اللي في المعرض قالي ان الاوتو بارك مش شغال ولازم تروح تفعله في التوكيل 2- وان العربية اتعدل ارتفعاها عن 2014 ده حقيقي ولا كلام معارض ولا استلمها وبعدين بكلم التوكيل بيعدل الارتفاع لون العربية فيراني
الف شكر ل بشمهندس محمد هاني على النصايح الاربعين

[bassem.naguib]

السلام عليكم ورحمة الله وكل سنة وانتم طيبين ورمضان كريم علي الكل :copy of new: طبعا انا سعيد جدا بأني هنضم للقسم الجميل ده وللناس المحترمة اللي مبتبخلش على حد خالص بأجوبتها
الله وأكرم .. وكل عام وأنت والأسرة الكريمة بخير .. ويشرفنا انضمامك لأسرة تويوتا .

ان شاء الله انا واخويا الكبير هنستلم كورولا 2015 الفل اوبشن يوم الاحد من المعرض بعد عناء وتعب كتير في العربيات المختلفة مرة قشقاي ومره بيجو المهم والحمد لله ربنا اكرمنه وهنستلم الكورولا وان شاء الله اعملكم تقرير جامد ومتين عنها
ألف مبروك مقدماً .. وتستلموا على خير إن شاء الله .. وربنا يبارك لكم فيها ويكفيكم شرها .. وفي انتظار انطباعك عن العربية .


انا بس عندي كام سؤال كده 1- الراجل اللي في المعرض قالي ان الاوتو بارك مش شغال ولازم تروح تفعله في التوكيل
ده طبيعي .. ومش شرط تروح التوكيل علشان تفعله .. ممكن تعمله بنفسك عادي .. أو في أول صيانة تعمله .

2- وان العربية اتعدل ارتفعاها عن 2014 ده حقيقي ولا كلام معارض ولا استلمها وبعدين بكلم التوكيل بيعدل الارتفاع لون العربية فيراني
هي أول دفعتين أو تلاتة اللي كانوا مش متعدلين .. وتم تعديلهم في التوكيل .. إنما الدفعات بداية مش شهر يناير 2014 بتنزل متعدلة من المصنع .

الف شكر ل بشمهندس محمد هاني على النصايح الاربعين

ألف مبروك مرة تانية .

[Mohamed.Hany]

السلام عليكم ورحمة الله وكل سنة وانتم طيبين ورمضان كريم علي الكل :copy of new: طبعا انا سعيد جدا بأني هنضم للقسم الجميل ده وللناس المحترمة اللي مبتبخلش على حد خالص بأجوبتها
ان شاء الله انا واخويا الكبير هنستلم كورولا 2015 الفل اوبشن يوم الاحد من المعرض بعد عناء وتعب كتير في العربيات المختلفة مرة قشقاي ومره بيجو المهم والحمد لله ربنا اكرمنه وهنستلم الكورولا وان شاء الله اعملكم تقرير جامد ومتين عنها انا بس عندي كام سؤال كده 1- الراجل اللي في المعرض قالي ان الاوتو بارك مش شغال ولازم تروح تفعله في التوكيل 2- وان العربية اتعدل ارتفعاها عن 2014 ده حقيقي ولا كلام معارض ولا استلمها وبعدين بكلم التوكيل بيعدل الارتفاع لون العربية فيراني
الف شكر ل بشمهندس محمد هاني على النصايح الاربعين

الاستاذ باسم قال كل المفيد.

مبروك مقدما
جرب تدوس علي زرار الاوتو بارك لو ظهرلك عربيات في الشاشة يبقي شغال لو كتبلك انك محتاج تفعله فدي حاجة سهلة قوي و مكتوبة في المانوال هتعملها بنفسك .
شوف الافراج بتاع العربية امتي , لو بعد يناير 2014 يبقي متعدلة لو قبل يبقي دي مبدئيا موديل 2014 و متخزنة لأن 2015 كله متعدل .

[mahmoud bakr]

الله يبارك فيكم وشكرا لردكم السريع