اختار التابلوة الفاتح و الا الغامق فى الكورولا ؟

[Bmember]

انا محتار جدا فى لون الكورولا
اللون للاسف بيحدد لون التابلوة و الفرش اجبارى
هل التابلوة الفاتح عملى و الا لأ
هل ممكن يتبقع بقع مترضاش تطلع بعد كده او لونه يغمق ؟
و من ناحية الشكل انهى واحد اشيك الفاتح و الا الغامق
هيه طبعا مسألة ازواق و الاثنين حلوين عشان محدش يزعل
بس كنت عايز اعرف اراء الناس

[abofandy]

انا كنت واقع فى نفس الحيره

البيج من ناحيه الشيك فهو التووووب عن الاسود
من حيث الاتساخ مجربتش بامانه بس الى معاهم بيج بيقولوا كويس وقليل الاتساخ

الاسود كويس لكن لم يصل الى شياكه البيج
وانا معايا اللون الفضى والفرش اسود اجبارى

بس عرفنا انت بتقارن بانهى لونين علشان نوصل بعد كدة للون بتاع الفرش الداخلى

[speed_magnum]

ابعد عن اي فواتح

[mahmoud_ali]

الفاتح اشيك طبعا وعندى فى الانسر ومش بيتوسخ

[kantofanto]

بش الفاتح هايوسع العربية و هاينورها و هايظهرها طبعاً بس عيبه انه هايتوسخ بسرعة و محتاج عناية على طول و تنضيف بس حضرتك ممكن تجيبله منظف و ملمع و فى حالة الاتساخ اوووى الكيماوى موجود و ربنا يوفقك يارب.

[Mohamed.Hany]

ملحوظة التابلوه الداخلي لونة بيج في اسود و الجزء الاسود هو اللي بيتوسخ و بيترب بسرعة و تنضيفة لازم باستمرار اما الجزء البيج و لا باجي جنبه

[عبدالله برعى]

لو بتبص على الاناقة ومش خايف من الاتساخ الاسود

لو طريقك فيه تراب كتير خليك فى الفاتح

[mzowail]

انا برشحلك الاسود كشياكه مع الفرش الاسود و شكل التابلوه بصفه عامه. هو بيلم تراب بس في رائ شكله احلي بكتير من البيج.
و انا بعامله معامله خاصه في التنضيف بمعني ان التابلوه اصلا الفابريكه مش بيلمع فبستخدم الادوات الي تحافظ علي شكله الفابريكه( الي هو مش بيلمع) هم لونو مط و بلاستيك فمحتاج خامات مخصوصه للمط و البلاستيك و هي موجوده في اغلاب المحطات

[yahya157e]

حيرتونا الفاتح اللى بيتوسخ بسرعة ولا الأسود

[mzowail]

الاسود...... هو بيلم تراب بسرعه (تراب عايز فوطه ناعمه خالص) مش وساخه وساخه

ده ميمنعش انه اشيك، البيج بيكون اشيك مع العربيات الي زي المرسيدس فولفو كده.

[bassem.naguib]

ملحوظة التابلوه الداخلي لونة بيج في اسود و الجزء الاسود هو اللي بيتوسخ و بيترب بسرعة و تنضيفة لازم باستمرار اما الجزء البيج و لا باجي جنبه

+1

وبالنسبة للفرش الكراسي .. ركب فرش جلد بعد كدة .. لأن ده اللي حيبان فيه فعلاً .

[Bmember]

اللونين اللى انا محتار بينهم هما البرونزى و الفرانى
من بره عاجبنى البرونزى اكتر
و من جوه عاجبنى الفرش و التابلوه الاسود للفرانى اكتر
و فى نفس الوقت مقلق من موضوع الاتساخ
الكراسى مشكلتها محلولة بالفرش و لو انى مش عارف المسند اللى بين الكرسيين اللى فى الامام له ينفع يتركب له فرش و الا لأ
لكن التابلوه الفاتح هاحميه ازاى ؟
و فى نفس الوقت مش عارف هو الاشيك و الا الاسود
حاجة تحير

[Mohamed.Hany]

اللونين اللى انا محتار بينهم هما البرونزى و الفرانى
من بره عاجبنى البرونزى اكتر
و من جوه عاجبنى الفرش و التابلوه الاسود للفرانى اكتر
و فى نفس الوقت مقلق من موضوع الاتساخ
الكراسى مشكلتها محلولة بالفرش و لو انى مش عارف المسند اللى بين الكرسيين اللى فى الامام له ينفع يتركب له فرش و الا لأ
لكن التابلوه الفاتح هاحميه ازاى ؟
و فى نفس الوقت مش عارف هو الاشيك و الا الاسود
حاجة تحير

مسند اليد بيركب له فرش عادي
التابلوه البيج مش بيبان فيه التراب بعكس الاسود
الشياكة اعتقد للبيج بس هي ازواق
اللون البرونزي جديد و بيغير اللون مع الاضاءة و مش بيبان فيه التراب و لا الخرابيش بعكس الفيراني بس الفيراني بيان فيها الكروم اكتر

[bassem.naguib]

المسند اللي في النص يتركب ليه فرش جلد عادي .. أنا مركبه عندي ..

التابلوه البيج مبيتوسخش .. وبفرض أنه لو اتوسخ فمن السهل جداً تنظيفه .

[S P R ! N G]

هل يوجد فرش بيج للابيض الصدفي ؟