طلب تقرير عن تويوتا ياريس ٢٠١٥

[mahmoud18]

السلام عليكم

يا جماعه أنا كنت عزيز تقرير عن تويوتا ياريس ٢٠١٥ سيدان
هيا عجباني جداً بس مش لقيها في المعارض و مش منتشره قوي
و ياريت يبقي بالصور ليها من بره و من جوه
كنت أعزي اعرف آيه الفئات الموجود هو أسعارهم و الاوبشنز ألي فيهم و الفروق
ياريت اي حد يساعدنا نعرف معلومات علشان المعلومات المتوفرة قليله قوي
شكرًا ليكم جدا و رمضان كريم عليكم جميعا

[Caesar Ramiro]

السلام عليكم... كل عام و الجميع بخير

بص يا باشا انا الحمد لله جبت ياريس 2015 من أسبوعين تقريبا

الفئة الوحيدة الموجودة هي الفئة الأولي أوتوماتيك بـ 145 ألف.. الاي لاين هتنزل لسة و من المعرض هتعمل تقريبا 175 ألف :d

المهم في ايجاز.. العربية من جوة تحفة لو هتقارنها مثلا باللانسر شارك 2014 شكل الطابلوه جميل جدا و شيك و أماكن تخزين و حامل أكواب و شغل رايق.

العربية طبعا 1500 سي سي بخرج قوة 107 حصان 140 نيوتن عزم.. و دي أحسن حاجة عجبانى لأن أكتر حاجة قفيلة فـ 2014 انها كانت 1300 حتى بعد ما أسعار البنزين ارتفعت :d

فرامل قوية.. فيها abs

العربية ناعمة ف سحبها و تسارعها.. العفشة حلوة.. التكييف ف عز الضهر لو شغلته ع واحد بيخلينى مرتاح بس مش متلج :d يعنى كفاية اوي تشغله علي اتنين عشان تبقي مستكنيص ع الآخر.. مع العلم إن التكيف بيفرق شرطة زيادة علي الـ rpm يعنى 500 لفة مع كل غيار..

المساحة ف المقاعد الخلفية مريحة مع الكراسي الامامية راجعة للخلف بدرجة كبيرة.. الشنطة واسعة

الصور إن شاء الله.. مع تقرير أكثر تفصيلا.. هعملهم بعد ما أغسل العربية غسلة محترمة كده عشان أفتح نفسك للعربية :d

بس حاجة أخيرة.. اللي شايفه ناقص العربية.. مفيش فوج لايت.. الزجاج بدون وجدة رفع مع السنتر.. المفتاح فيه تحكم عن بعد للأبواب لكن مفيش للشنطة :( و مش فولدابل فلازم الشنطة تتفتح يدويا بالمفتاح أو من جوة العربية

[mahmoud18]

ربنا يخليك يا باشا كلام زي الفل
ما شاء الله ربنا يبركلك فيها انا مستريحلها و بثق في تويوتا عموما
مستنيين التقريير ان شاء الله
بس هو لسه الفول اوبشن ال2014 كانت موجوده؟ 1300
ولا خلاص مبتنزلش؟

[Caesar Ramiro]

يا باشا المعارض كلها.. عارضة الـ 1300 فول أوبشن خليجى بعرض خصم يصل لـ 10.000 ج يعنى بـ 155.000 بدل من 165.000

كانت ف معرض القرش من اسبوعين وقت ما كنت بشتري عليها العرض دا... و معارض تانية كتير... حابين يخلصوا اللي عندهم لأن المفروض الـ 1500 هتاكل الجو ع الآخر و خاصة مع الهاي لاين كمان أما تنزل...

[mahmed212]

خليك فى 1500cc احسن انا معايا 1300 ومع التكييف و الوزن فى ضعف فى السحب ومخنوق انى اشتريت ال1300
بس مكنش فى غيرو وفرق سعر يخليك تزعل انك اشتريت 1300cc بجد توكيل مش تمام !!!!!!