سؤال و رد غطاه

[Fish_Hunter]

اولاً كل عام و احنا بخير و عيد سعيد علينا
عايز مركز خدمة معتمد لعربية خلييجييييييييييييي تويوتا 2010
المشكلة في السيارة : بتحك في المطبات .. نصايحكم ؟ اعمل ايه و اروح فين يا ناس
شكراً مقدماً

[cobraa]

العربية بتحك فى المطبات و خصوصا لما يكون فيها اربعة او خمسة
انا عانييت الامرين من هذا الموضوع و خاصة ان مطابتنا كلها عبارة عن حاجة تطلع عليها و ترشق تيجى تتحرك تحك طبعا
بص يا اخى انا كان معايا لانوس و كانت المشكلة دى معايا و كمان كانت عفشتها ضايعة
حاول وانت بتاخد المطب تاخده بالجنب و برااااااااااااحتك جدااااااا و نفض لاى حد وراك عمال يزعق و يهاتى ده اولا
ثانيا بالنسبة للانوس انا ركبت صدادة بتاعت عربية جولف و دى عبارة عن حاجة كوتش بيكون المساعد جواها وعاملة فى شكلها زى السوستة كدا و ظيفتها انك لما بتحمل العربية بالحد الاقصى للوزن العربية بتهبط اوى لكن مع وجود الصدادة دى العربية بتتلاقى الحمل عليها منها
ان العربية ما تنزلش للدرجة دى وانت محمل ومنها بتريح المساعدين طبعا وبتلاقى عنهم الصدادتين كانوا بحوالى 70 جنيه وممكن تركبهم قدام وورا و ما بيرفعوش العربية
طبعا ده رغى كتيييييييييييير ارجو انى اكون افدتك فى رد غطااااه

[Fish_Hunter]

اولا الف شكر على التوضيح الوفي و فعلا المطبات بنت ..... استغفر الله العظيم
المهم تسلم يا زعيم .. بس ده ماثر مع ثبات السيارة ؟

[Adnfalcon]

ركب علايتين الومنيوم و اشتري دماغك

[cobraa]

اخونا العزيز الصدادتين ما بياثروش ابدا على ارتفاع العربية انما بيمنعوا انها تنزل و تهبط مع الوزن و انت راكب معاك ناس او محملها بالبلدى كدا حمولتها الطبيعية

ثانيا ما انصحكش تعلى العربية ابدا لان ده طبعا بياثر على ثباتها فى السرعات
ثالثا ان كان لابد من التعلية اوعى واياك تعليها بعلايات المونيوم لاى جربتها برضو و جربت كل حاجة العلايات الالمونيو بترزع فى المطبات وانت مش مستتغنى عن جسم عربيتك طبعا وشورعنا كلها كدا اوعى تفكر فى كدا
خليك فى الصدادة اتنين ورا واتنين قدام و لو محتاج علاية خليها كاوتش و خليك فى اصغر مقاس علشان ثبات العربية ما تحاولش تلعب فيها
ولو عاوز تكلمنى انا تحت امرك واحكيلك بالتفاصيل و شاور اهل الخبرة و ربنا يوفقك

[Fish_Hunter]

اخونا العزيز الصدادتين ما بياثروش ابدا على ارتفاع العربية انما بيمنعوا انها تنزل و تهبط مع الوزن و انت راكب معاك ناس او محملها بالبلدى كدا حمولتها الطبيعية

ثانيا ما انصحكش تعلى العربية ابدا لان ده طبعا بياثر على ثباتها فى السرعات
ثالثا ان كان لابد من التعلية اوعى واياك تعليها بعلايات المونيوم لاى جربتها برضو و جربت كل حاجة العلايات الالمونيو بترزع فى المطبات وانت مش مستتغنى عن جسم عربيتك طبعا وشورعنا كلها كدا اوعى تفكر فى كدا
خليك فى الصدادة اتنين ورا واتنين قدام و لو محتاج علاية خليها كاوتش و خليك فى اصغر مقاس علشان ثبات العربية ما تحاولش تلعب فيها
ولو عاوز تكلمنى انا تحت امرك واحكيلك بالتفاصيل و شاور اهل الخبرة و ربنا يوفقك

الف شكر يا
زعييييم تسلم ربنا يكرمك و عيد سعيد
انا ع ايز اعرف مركز صيانة لان العربيةة خليجي .. يكون قريب مني انا في حلوان