إعـــــــلان

Collapse

.

,
See more
See less

ملاك كورولا 93-97

Collapse
X
 
  • Filter
  • الوقت
  • Show
Clear All
new posts

  • ملاك كورولا 93-97

    السلام عليكم ورحمه الله وبركاته

    يا جماعه الموضوع ده انا عاملوا علشان عاوز اجمع اصحاب وملاك كورولا 93-97 الملكه بصراحه كدا العربيه دي معانا من 97 ولغايه دلوقتي وبحبها جدي وفعلا مش عاوز اغيرها رغم كل الضغوط الي وقعت عليا اخرها فلوانس 2013 بتاعت اخويا بس انا عندي امل اني اوصل بالعربيه دي لمستوى اعلى من اي عربيه وبصراحه بديت في الموضوع بس ببطئ بسبب التكلفه الماديه .

    بصراحه انا كنت ناوي ابعها باقل سعر لاني عملت بيها حادثه جامده من ظهرها وبعده على طول الماتور رزع ووالدي قعد يزن عليا ابعها واجيب اللنترا وركنتها فتره بس بعد فتره قلت اظبتها وابعها سليمه واول حاجه السمكره لقيت الي بيشدني وبيقولي لا اصبر ضبطها ليك رحت قررت فلحظه انها تبقا معايا وابدا التعديل.

    اولا ظبطت السمكره كلها وغيرت لونها مطلعش الي عاوزه بس حسيت بتغير وغيرت الفرش الي جوه والارضيه وظبط الشكل .

    ثانيا نطيط على الماتور ورحت لفيت ودورت على النت على الماواتير بتاعتها لغايه ما لقيت ماتور اسمه 4age blacktop 20v وده كان 160 حصان قعدت ادور عليه لغايه ما يئست بس لقيتوا في الاخر وردت الروح فيا وركبتوا وبصراحه كدا ماتور جبااااااار ما شاء الله مفيش عربيه علمت عليا من ساعتها الا الجولف 6 tsi وكنا قريبين من بعض قوي

    ثالثا بقا غيرت شويه حجات بسيطه زي الفوانيس ركبتلها عدسات ورينجات ولدات في البيت عندي وعملتلها وش كريستال وغيرت المرايات بمرايات ضم كهربا وغيرت اضاءه التابلوه والعدادات وعملت الشنطه كهربا بردوا وركبتلا جنوط 16 وكمان ديفل جاسما ياباني

    وطبعا بعد دا كلوا انا فلست نهائي ووالدي غضبان عليا (ما انا ضحكت عليه ) وقالي مش هصرف عليها ماليم تاني لدرجه ان العفشه بايظه ومش عاوز يساعدني بس انا الحمد لله اتخرجت السنادي وفضيت لها واول ما اشتغل هبدا تاني تظبيط الي هو بلااااوي بجد انا دماغي مبتبطلش تفكر فيها (بحلم بيها كتييير) ولغايه دلوقتي العروض شغاله بس انا قررت اني احتفظ بيها .

    انا بقا نفسي نعمل جروب ونتجمع كل مالكي الكورولا 93-97 وندي لبعض افكار عنها وانا جمعت عنها داتا ومعلومات وصور كتييير قوي نفسي افيد بيها كل الي يملكها بجد مش هتندم :) وصعب فعلا احط الداتا دي كلها في يوم واحد .

    انا اسف على التطويل معلش انا عارف اني ((ممل جدا )) بس مش بايدي يا جماعه :)

    السلام عليكم :)

  • #2
    ان برضو معايا كرولا 98 من الزيرو بس عربية بسم الله ما شاء الله موفرة بنزين بطريقة غير عادية ..


    وعملت حدثة برضو بيها فى الشنطة

    ولسا عاملها عمرة ماتور ، بس لما ادوس بنزين مبتسحبش ذى الاول وساعات مبتزوتش سرعة اصلا.. اعمل اية فى المشكلة دى ؟؟



    [COLOR="RoyalBlue"][SIZE="5"][U]سبحان الله و بحمدة سبحان الله العظيم
    لا اله الا الله محمد رسول الله[/U][/SIZE][/COLOR]

    Comment


    • #3
      المشاركة الأصلية كتبت بواسطة hesham fawzy h مشاهدة المشاركة
      ان برضو معايا كرولا 98 من الزيرو بس عربية بسم الله ما شاء الله موفرة بنزين بطريقة غير عادية ..


      وعملت حدثة برضو بيها فى الشنطة

      ولسا عاملها عمرة ماتور ، بس لما ادوس بنزين مبتسحبش ذى الاول وساعات مبتزوتش سرعة اصلا.. اعمل اية فى المشكلة دى ؟؟



      هي 1300 صح بص يا باشا مشكله السحب دي ممكن تكون في ميت حاجه وحاجه ممكن كربراتير مش مضبط وممكن من الشكمان وممكن العمره ماتكونش كويسه بصراحه مش عارف ليه انت طيب بتشتكي من حاجه تانيه مع السحب وعاملها الصيانه الدوريه البوجيهات والفلاتر وكدا

      Comment


      • #4
        المشاركة الأصلية كتبت بواسطة o.m.s مشاهدة المشاركة
        هي 1300 صح بص يا باشا مشكله السحب دي ممكن تكون في ميت حاجه وحاجه ممكن كربراتير مش مضبط وممكن من الشكمان وممكن العمره ماتكونش كويسه بصراحه مش عارف ليه انت طيب بتشتكي من حاجه تانيه مع السحب وعاملها الصيانه الدوريه البوجيهات والفلاتر وكدا


        هى المفروض متغيرلها كل حاجة من فلاتر لسيووور الخ... بس فى مشكلة تانية مع السحب هى ان العربية ساعات بتبطل بس قليل جدا و هى واقفة بس
        [COLOR="RoyalBlue"][SIZE="5"][U]سبحان الله و بحمدة سبحان الله العظيم
        لا اله الا الله محمد رسول الله[/U][/SIZE][/COLOR]

        Comment


        • #5
          انا شارى العربية جديد وهى عربية جميلة موديل 94 بس المشكلة اتها وطية شوية غير كدة ممتازة بس انا عايز اعرف العربية دى مش بططلع على السلانسية ولا اية وانا طالع بدوس سنة بنذين مش بتتطلع سلانسية غير كدة تترج جامد هل دى اسطوانة ولا اية على الرغم ان سحبها ممتاز وهل التوكيل بيشتغل فى العربية دى ولا لا عشان موديل قديم

          Comment


          • #6
            المشاركة الأصلية كتبت بواسطة hesham fawzy h مشاهدة المشاركة
            هى المفروض متغيرلها كل حاجة من فلاتر لسيووور الخ... بس فى مشكلة تانية مع السحب هى ان العربية ساعات بتبطل بس قليل جدا و هى واقفة بس

            هو كده يا باشا يا اما الكربراتير عاوز يتضبط يا اما الكهربا عاوزه تتظبط مفروض ان مع العمره يضبط الاسبراتير مع البساتم علشان تبقى مضبوطه بالملي راجع على الاتنين دول وشوف في واحد مشهور جدا في شبرا اسموا الحج ابراهيم بتاع كاربراتير وريلوا الكربارتير والعربيه وهو هيقولك محتاجه حاجه ولا لا وبالنسبه للكهربا اي كهربائي او ميكانيكي نظيف يشفلك الحوار ده وان شاء الله تتضبط :)

            Comment


            • #7
              المشاركة الأصلية كتبت بواسطة shnouda مشاهدة المشاركة
              انا شارى العربية جديد وهى عربية جميلة موديل 94 بس المشكلة اتها وطية شوية غير كدة ممتازة بس انا عايز اعرف العربية دى مش بططلع على السلانسية ولا اية وانا طالع بدوس سنة بنذين مش بتتطلع سلانسية غير كدة تترج جامد هل دى اسطوانة ولا اية على الرغم ان سحبها ممتاز وهل التوكيل بيشتغل فى العربية دى ولا لا عشان موديل قديم
              السلام عليكم
              بصراحه الحاجه الوحيده الي كنت بشتكي منها قبل الحادئه هي انها واطيه جدا بس دلوقتي انا مركب جنوط 16 ومن بعده ماحكتش في اي مطب وطبعا منفخ الرفارف قدام وورا علشان ماتحكش فيهم وثانيا بالنسبه للتوكيل هو بطل يشتغل فيها بس بيبيع قطع غيارها الاصليه وفي امكان تانيه بتبعها وفي اماكن موثوقه بتصلح التويوتا زي العالميه في الحرفيين وبالنسبه للموضوع الطلعه على السلانسيه والرجه ممكن تكون ديسك واسطوانه وغالبا حتى لو جداد مبيبقوش قد كدا لان مش هيبقوا زي الاصلي وممكن بردوا كهربا :)

              Comment


              • #8
                انا عربيت مودل 92 1300 و معايا من سنه 2009 و انا باعشق الموديل ده جدا و مش عايز ابيعها و ليا خبره متواضعه مع الموتور ال 1300 و العربيه عموما و مبسوط ان فيه حد هايجمعنا تانى بس بالنسبه للتعديلات اللى حضرتك عاملها فيه واحد بقا على النت على منتدى اجنبى اسمه toyota nation و اسمه kiwi corolla لو كتبت بس اسمه فى جوجل هاتشوف احلى تويوتا كورولا ملكه فى العالم و حاطط عليها كميه تجهيزات و اوبشنز غريبه و نادره و اصليه من المصنع ده بقا اللى نفسى اوصلله فى عربيتى
                [SIGPIC][/SIGPIC]

                Comment


                • #9
                  يا ريت يا جماعة حد يعرف ازاي اعلي سخان الكربراتير عشان السخان بيشتغل بس واطي اوي و العربية بتترجرج من ساعة لما عملت الكربراتير فعايز اعرف الرجلاش بتاعه فين

                  Comment


                  • #10
                    و بالمرة كمان انا كان عندي الدركسيون تقيل شوية و العربية مش باور فا جبت علبة دركسيون جديدة تايواني بعد ما لفيت علي الاستيراد و ملقتش حاجة نضيفة بس الدركسيون خف شوية صغيرة بس يعتبر تقيل برده و روحت للعفشجي بيقولي القطمة عندك فيها بوش و شوف كهربائي يفكها و بيقولي ممكن يكون ليها بلي بيتغير و ممكن تجيبها كلها استيراد و انا بصراحة مش عاوز افك و انا مش عارف الدنيا فيها ايه انتوا ايه رايكم و هل فعلا القطمة لو فيها بوش ده يتقل الدركسيون ....ملحوظة العربية تويوتا عيون موديل 98 و ركبت الملكة و دركسيونها كان اخف بكتير مع العلم ان العربيتين علي كلام الناس نفس الميكانيكا و العفشة

                    Comment


                    • #11
                      المشاركة الأصلية كتبت بواسطة Ahmed Galal مشاهدة المشاركة
                      انا عربيت مودل 92 1300 و معايا من سنه 2009 و انا باعشق الموديل ده جدا و مش عايز ابيعها و ليا خبره متواضعه مع الموتور ال 1300 و العربيه عموما و مبسوط ان فيه حد هايجمعنا تانى بس بالنسبه للتعديلات اللى حضرتك عاملها فيه واحد بقا على النت على منتدى اجنبى اسمه toyota nation و اسمه kiwi corolla لو كتبت بس اسمه فى جوجل هاتشوف احلى تويوتا كورولا ملكه فى العالم و حاطط عليها كميه تجهيزات و اوبشنز غريبه و نادره و اصليه من المصنع ده بقا اللى نفسى اوصلله فى عربيتى
                      طبعا من غير كلام الراجل ده جامد جدا وانا شفت العربيه دي قبل كدا كذا مره ودي اساس جريي ورا الماتور ده الي هو blacktop 4age انا مركب نفيس الماتور بس هو بصراحه مظبطها بنظافه جامده احنا مشكلتنا ماعندناش حد جامد كده في التضبيط في مصر بس ان شاء الله هوصل لاحلى من كدا انا بقى عاوز اوصل للراجل ده والكورولا دي الي في الفيديو جببببببااااار CorollaCarClub.proboards.com Introduces " Hulk " - YouTube
                      وربنا يباركلك فيها وتوصل للي عاوزه وانا معاك اول ما تطلب حاجه هساعدك لاني لفيت جامد في موضوع التظبيط بس الفلوس موقفاني شويه :)

                      Comment


                      • #12
                        المشاركة الأصلية كتبت بواسطة karim0000 مشاهدة المشاركة
                        يا ريت يا جماعة حد يعرف ازاي اعلي سخان الكربراتير عشان السخان بيشتغل بس واطي اوي و العربية بتترجرج من ساعة لما عملت الكربراتير فعايز اعرف الرجلاش بتاعه فين
                        بص يا باشا هو انت لو فكيت العمه بتاعت الماتور هيبانلك اوي الرجلاش ده وهو ناحيه البودي بس مش فاكر يمين ولا شمال لو كان الماتور 1300 لسه معايا كنت صورتها بس انا غيرتوا من زمان وتاني حاجه حاول ماتعليش الماتور قوي لانوا بياثر في الحراره جامد وده بياثر بدورو على وش السلند وجانها الاحسن ترجع للي عملك الكربراتير وتوريلوا العيب وتحس انت بالعربيه ماتكونش عاليه لان دي المشكله الي وقت انا فيها لغايه ماضيعت وش السلندر وربنا يباركلك فيها ان شاء الله :)

                        Comment


                        • #13
                          المشاركة الأصلية كتبت بواسطة karim0000 مشاهدة المشاركة
                          و بالمرة كمان انا كان عندي الدركسيون تقيل شوية و العربية مش باور فا جبت علبة دركسيون جديدة تايواني بعد ما لفيت علي الاستيراد و ملقتش حاجة نضيفة بس الدركسيون خف شوية صغيرة بس يعتبر تقيل برده و روحت للعفشجي بيقولي القطمة عندك فيها بوش و شوف كهربائي يفكها و بيقولي ممكن يكون ليها بلي بيتغير و ممكن تجيبها كلها استيراد و انا بصراحة مش عاوز افك و انا مش عارف الدنيا فيها ايه انتوا ايه رايكم و هل فعلا القطمة لو فيها بوش ده يتقل الدركسيون ....ملحوظة العربية تويوتا عيون موديل 98 و ركبت الملكة و دركسيونها كان اخف بكتير مع العلم ان العربيتين علي كلام الناس نفس الميكانيكا و العفشة
                          بصراحه مش هعرف افتي في دي ومش عارف بس انا فاكر اني ركبت الكورولا 93 عند واحد صاحبي من غير بور وبرده الدركسيون كان تقيل جدا فا مش عارف دا عيب فيها ولا هي كدا :)

                          Comment


                          • #14
                            سخان الكورولا اتوماتك بس ليه كويل بيتعملله رجلاش بس صعب عليك تعمله لوحدك فهاتروح لميكانيكى او مركز الصفا للكربراتير بجسر السويس يظبطهولك
                            بالنسبه لعلبه الدركسيون هيا تقيله شويه و انت واقف لكن و انت ماشى خفيفه و بالنسبه للقطمه ديه مشكله مالهاش حل لو فيها بوش حتى لو غيرتها مش هاتتحل المشكله بتعمل صوت على طول فى المطبات و المكسر و حتى لو غيرتها مش هايروح الصوت بس ده عيبها الوحيد يعنى هيا ما بتتقلش الدركسيون و لا حاجه
                            [SIGPIC][/SIGPIC]

                            Comment


                            • #15
                              شكلنا كدا يا استاذ احمد هنستغلك كتير لان واضح ان حضرتك فاهم كويس فيها علشان كدا انا عاوز اعمل جروب على الفيس يجمع الكورلاويه لان بصراحه اسهل من المنتدى في موضوع النقاشات ومبيتوهش ولا ايه رايكم

                              Comment

                              Working...
                              X