حتجنن الياريس عندى عاليه بس بتحك فى المطبات

[tifa55555]

زى ما العنوان كده مكتوب العربيه عندى عاليه وكويسه بس لما بيركب فيها واحد جمبى واتنين بس ورا بلاقى العربيه بتحك فى المطبات الغبيه العاليه وطبعا ما اقولكمش عن الاحساس لما تسمع صوت الخبطه من تحت وانت سايق ببقى قرفان من العربيه اوى ومش عاوز اركبها تانى
روحت لعفشجى علشان اربطها ويكشف عليها قال لى العربيه فيها مساعد من ورا خفيف شويه ومحتاج يتغير وقالى ما ينفعش تغير مساعد واحد بس لازم تغير الاتنين
بس انا اعتقد ان المساعد مش مسئول عن الحكه وان المسؤل هو السوست
وان ينفع اغير مساعد لوحده انما السوست هى اللى لازم تغير الاتنين مع بعض
بس العفشجى ما قالش حاجه وحشه عن السوست
انا مش عارف حاجه!!!

[darkdefender]

روح اكشف عند عفشجي تاني و متقلوش انت بتشتكي من ايه قله بص علي العفشة اللي ورا ... و لو وصل لنفس الاستنتاج لازم تغير ال مسعدين اللي ورا,,, معرفش الصراحة لو الاتنين لازم يتغيرو مع بعض ولا لاء

[hero]

ما تغيرش اي حاجة....هي العربية دي كدة...انا معايا 2008 و عملت موضوع عن نفس المشكلة...

في الفترة الاخيرة اكتشفت ان العربية بتحك اكثر لو ضغط الكاوتش قليل قوي..ودة لازم تأكد علية كل فترة...

حاول تهدي جداااا علي المطبات خصوصا القصيرة و العالية.....لان العربية بتحك لو نطت فوق المطب...

و ربنا معاك و معايا....:(

[Mido Casper]

حاول تاخد المطبات بالجنب وممكن تركب الجلد اللي ع المساعدين اللي بترفع العربيه شويه بس ده هيأثر علي الثبات

[tifa55555]

بس هى بتحك من ورا من جمب واحد بس اللى عند المساعد الضعيف
طيب ينفع اغير المساعد لوحده ولا لازم الاتنين زى السوست

[Adnfalcon]

ينفع تغير مساعد واحد بس طالما هتغيره بواحد اصلي

[WAEL .H]

يستحسن تغير الاتنين المساعدين مع بعض لانك لو غيرت واحد القديم هيبوظه بسرعة
والحكة ملهاش دعوة بالمساعد هي السوستة المسئولة عن الارتفاع وبمرور الوقت بتطرى وتنضغط اكتر مع التقل

[J A G U A R]

هات اتنين استيراد اصليين اضمنلك

[swimmer25]

متهيألي لو سوستة بايظة هتبقي العربية واطية علي طول..إنما لو مساعد العربية هتنزل جامد في المطب وتنط كمان ومعني كدا إن المساعد بقي خفيف

قيس من صرة العجل لطرف الرفرف الخلفي في الناحيتين وحاول تقارنهم بعربية تانية مفيهاش مشكلة
هل المساعد جايب زيت؟

[monamize4]

بس هى بتحك من ورا من جمب واحد بس اللى عند المساعد الضعيف

عرفت منين ؟؟؟؟؟؟؟

العربية كانت بتحك منك قبل كدة و لا طول عمرها كدة ؟
خلى بالك ان الشكمان هو اوطى جزء ف العربية و هو اول حاجة بفكر فيها لما العربية تحك
و لو كان سليم 100% بفكر ف العفشة و خلى بالك ان المسئول عن ارتفاع العربية هى السوست
مش المساعدين و عشان المساعد يوطى العربية لازم يكون حالته منتهيه

[monamize4]

المساعدين بيتجابوا بالجوز ,, عشان حالتهم تبقى زى بعض بالظبط
ماينفعش تغير واحد بس

[amrelsaqqa]

لو المساعد بايظ من فترة يبقى اليايات كمان باظت وبقت تريح من اقل حاجة (حتى لو بتدي العربية الارتفاع المظبوط مع عدم التحميل ) و في الحالة دى لازم كله يتغير وما ينفعش جنب اه وجنب لا سواء سوست او مساعدين او كبالن

[tifa55555]

عرفت منين ؟؟؟؟؟؟؟

العربية كانت بتحك منك قبل كدة و لا طول عمرها كدة ؟
خلى بالك ان الشكمان هو اوطى جزء ف العربية و هو اول حاجة بفكر فيها لما العربية تحك
و لو كان سليم 100% بفكر ف العفشة و خلى بالك ان المسئول عن ارتفاع العربية هى السوست
مش المساعدين و عشان المساعد يوطى العربية لازم يكون حالته منتهيه

انا بحس بالحكه من الجنب اليمين ورا ولما روحت لعفشجى علشان يربطها ما قولتشلوش عن الحكه بس هو قال لى خد بالك عندك المساعد اللى ورا يمين خفيف شويه محتاج يتغير ولازم تغير الاتنين مع بعض مش واحد بس
حاجه تانيه ان العربيه فعلا عاليه علشان كده انا مستغرب ليه هى بتحك معايا فى المطبات كده

[S O P H O S]

لو المساعد بايظ من فترة يبقى اليايات كمان باظت وبقت تريح من اقل حاجة (حتى لو بتدي العربية الارتفاع المظبوط مع عدم التحميل ) و في الحالة دى لازم كله يتغير وما ينفعش جنب اه وجنب لا سواء سوست او مساعدين او كبالن

111
بالظبط ومينفعش تغير جمب والتاني لا
صدقني هتفرق معاك