كرولا ٢٠١٤

[Geo93]

لقيت تويوتا كرولا ٢٠١٤ و الاچنس هيخلصها ب ١٧٣٥٠٠ فا انا لقيت السعر اقل بكتير من جميع المعارض الاخري ،
فا كل الناس بتقولي ممكن يكون فيها مشكله او اتخبطيط و صلحوها مع العلم اني شوفت العربيه و مافعاش مشكله ظاهره و مكتوب انها عامله ٨٤ كيلو ، انا اتكلمت مع السيلس علي اساس اني احجزها ، فاخد اسمي علي جنب و قالي خلاص هي كده اتجزت باسمك و اما تبقا جاهز تعالا من غير اي ديبوزت

فرائكم ايه ؟
هل ممكن يكون فيها مشكله ولا اي بظبط لانه كده خسران فيها ؟؟

[Y a r i s]

هو سعرها بقه كام النهرده ؟
وعاوز رأأيي. بغض النظر عن السعر رخيص ولا غالي لو عندك شك ولو واحد في الميه. سيبك منها على طووووول ... انتا مش بتشتري عربية. صاج وشاسية انتا بتشتري راحت بالك. ورضى قلبك ....

[Geo93]

٢٠١٤ اول فئه اي حد عنده بيقولي ١٧٨ اخرها ، و اول فئه ٢٠١٥ ب ١٨٥
انا عندي شاك و ناس كتير استغربت و قالتلي دا كده خسران فيها

[Y a r i s]

طيب يعني ٤٥٠٠ في العربية خسارة مستحيل
انتا عارف اغلب المعارض بيكسبوا في العربية. الف الف ونص. بالكتيرررر فاكيد الموضوع فيه أنه

[Geo93]

انا شاكك بردو

[yasser100]

عامله 84 كم و لسه زيرو ابعد عنها على طول من غير تفكير . العربيه دى بيكون حصل فيها حاجه و راحت اتصلحت فى مكان . عربيه زيرو ما تشترهاش اكتر من 20 كم عداد . لسه كنت عند سمكرى امبارح فى مدينة نصر باصلح عربية مراتى و كان عنده عربيه لانسر شارك لسه بورقها و كياسها و تراب الفابريكه و استغربت و سالت صاحب الورشه مالها دى . توهنى و ما ردش عليه . رحت للواد الصنايعى اللى بيخلص عربيتى و سالته قالى دى عامله حادثه من الجمب و الواد بيسوقها فى طريقه للمعرض و فعلا بصيت عليها من الجمب من بعيد لقيتها مخبوطه خبطه مؤلمه . ابعد عنها

[Mohamedjetta]

عامله 84 كم و لسه زيرو ابعد عنها على طول من غير تفكير . العربيه دى بيكون حصل فيها حاجه و راحت اتصلحت فى مكان . عربيه زيرو ما تشترهاش اكتر من 20 كم عداد . لسه كنت عند سمكرى امبارح فى مدينة نصر باصلح عربية مراتى و كان عنده عربيه لانسر شارك لسه بورقها و كياسها و تراب الفابريكه و استغربت و سالت صاحب الورشه مالها دى . توهنى و ما ردش عليه . رحت للواد الصنايعى اللى بيخلص عربيتى و سالته قالى دى عامله حادثه من الجمب و الواد بيسوقها فى طريقه للمعرض و فعلا بصيت عليها من الجمب من بعيد لقيتها مخبوطه خبطه مؤلمه . ابعد عنها

انا برضو شفت مقطوره فيها عربيات سكودا رابيد وكانو بينزلو عربيه من المقطوره ولما نزلت العربيه في الشارع اللي كان سايقها هان العربيه و كان بيفرك وبيعمل درفيت وبيمشي بيها في حتت كلها حفر بسرعه عاليه يعني 60
ومعرفش ايه السبب انهم نزلوها ومفيش معرض قريب من الحته دي

[elostaz13]

راي بلاش ااحسن

[Geo93]

خلاص انا هاخد برائكم و هبعد هنها
شكراً يا باشوات

[S O P H O S]

بلاش احسن
انت كده تجيب زيرو افضل واضمن