استفسار وارجو الرد من الاخوة الاعضاء

[m mosalam]

هل تويتا يارس 2015 اختيار جيد من حيث اساسيات العربية و تستحمل سفر وبهدلة وعفشة تمام وهل مكوناتها يابانى تقفيل تايلاندى فقط هل توكيلها ليس مستغل واسعار الصيانات وقطع الغيار وهل ممكن يتعمل لها الصيانات خارج التوكيل وانا محتار جدا بينها وبين شيفروليه كروز مش عارف الناس خوفتنى منها وسوء توكيلها وقطع غيرها وعربية مش بياعه يعنى لو فكرت تبيع هتاخد وقت كتير اوى عشان تتباع وهتخسر فيها كتير لكن التويتا فلوسك فى جيبك فعايز اتاكد هل فعلا التويوتا اختيار صحيح و اسعار قطع الغيار معقولة وكفائتها وعيوبها ايه ومميزاتها . ارجو من الاخوة الاعضاء الرد عليا ويساعدونى فى الاختيار وشكر لكم جميعا .

[m mosalam]

معلش سؤال اخير سعرها كام وفئاتها ايه واسعارها

[Abo.Moazz]

السعر والفئات ممكن الأخوه هنا يفيدوك فيها أو ممكن تخش على موقع كونتاكت كار وتعرف
بالنسبة للتيوتا أنا هقولك حاجة شوفتها وكنت بشد فى شعرى منها
رحت شركة فابريكا اللى على الطريق الديرى وكان عارض عربيتين تويوتا موديل 2012 و 2013 الشكل القديم
تخيل كان عارضهم بكام
واحده فيهم كانت بـ 180 ألف
أنا إتجننت وقلتله أنا فاكر إنها كانت فى 2013 بـحوالى 170 ألف
قاللى علشان مطلوبة
يعنى تخيل عربية مستعملة موديل سنتين فاتو بتتباع بسعر أعلى من سعرها لما كانت جديدة
سبحان الله
فأنا أعتقد إن التيوتا إختيار 10 / 10

[scratchy]

الياريس عربية ممتازة و بتاعة شغل و بهدلة عن تجربة
تكييفها حلو و موفرة في البنزين و صيانتها سهلة
متقلقش من موضوع الياباني و التايلاندي ده

الكروز فئة أعلي و تقارن بالكورولا
أوبشنز أعلي
أفضل في الثبات على الطريق من الياريس

[m mosalam]

شكرا لكم

بس كنت عايز اعرف هل اسعار الصيانة وقطع الغيار بتاعت الياريس اخبارها ايه

وماهى كماليات 2015 لتويوتا

[bayoumisoft]

انا قبل ما اشتريها سألت على العربية دى كتير جدا وكنت بقارنها بكيا ريو وبيجو 301

من الاخر لو عاوز عربية اعتمادية وتنسى اية مشاكل هاتها علطول