ارحموني ببيع ما بقي من اصلاح العربية الزبالة دي "كورولا 2013 "

[Hegazio]

خلاصة الكلام و من غير وجع دماغ ليكو او ليا
انا و الحمد لله سايق لحد دلوقتي 68 عربية و امتلكت 6..مشيت عالطريق 520 الف كيلو

ماكرهتش في حياتي قد التويوتا

السبب طبعاً مش العربية في حد ذاتها..انا ركبت صيني قبل كده..المشكلة في المبلغ اللي بتدفعه فيها

و اﻷسوأ بقي..المبلغ اللي بتدفعه في اصلاحها او لما تعمل حادثة "في التوكيل"

بإختصار:-
لبست في قالب طوب..كسر الاكصدام و دخل علي الرادياتير و كارتيرة الزيت
النتيجة:-
32 الف جنيه في التوكيل
فيه اسعار مبالغ فيها جدا:
الردياتير 8000
سربنتينة تكييف 5300
قربة مساحات 600 جنيه

ده غير التركيب
و اللي جابلي شلل اكتر..تغيير حاجات كتير صاج و قوايم صدر و قميص بعضهم فيه عوجة بسيطة تتعدل ببنسة مش مستاهلة استعدال سخن حتي


القصد:
معايا بقايا الصاج و الحديد المذكورين..كمان الردياتير و السربنتينة و كل الحاجات دي .. قالولي فيه ناس بتشتريهم عشان بيعرفو يستعدلوهم... حد يعرف حد يشتري؟؟؟؟؟

شكرا مقدما

[hany63]

يللا فداك
بس المفروض كنت تظبط اللي فيها بره التوكيل و توديها التوكيل في الاخر يفنشوها و يعملوا الدوكو
مثلا انا اول ما جبت العربيه زلطه خرمت سربنتينة التكييف لقيت الوكيل طالب ٤٥٠٠ جنيه تمن سربنتينه جديده
رحت لاحمها و كلفتني ١٥٠ جنيه بالشحن كمان و التكييف ولا حصل له حاجه

[kar!m]

مشيت عالطريق 520 الف كيلو

حسبتها ازاي دي؟ :d

[Hegazio]

عادي يعني..مجموع عدادات العربيات اللي امتلكتها .. اللي سقتهم و مش ملكي ماحسبتهومش و ما سقتهمش غير تجربة مش اكتر

[Y a r i s]

حسبتها ازاي دي؟ :d

ده بيكون شاري عربية من الزيرو. ويبعها بعد كام سنة مثلاً على ٢٠٠ الف كيلو او ١٠٠ الف كيلو فبيحسب كام عربية. باعها وكل عربية عمل بيها كام وكده بيطلع. عدد الكيلو مترات الي ساقها في حياتوا .

لكن مش ده موضوعنا :) ... باشاااا قدر الله وما شاء فعل بس اي توكيل في الدنيا هو سفاااااااح. انا هقولك حاجة لوح القزاز بتاع اي عربية تويوتا تمن الاصلي من ٢٥٠٠ جنية ل ٣٠٠٠ جنية. لكن تمنوا بره التوكيل عند اي حد بتاع قزاز ب ٣٥٠ جنية. فهمت قصد أيه !

اما بخصوص القطع الي عارضها للبيع. صورها ونزلها اعلان هنا يمكن حد يشتريها ويكون محتاجها ليه لأ .... وتحياتي

[Hegazio]

معلش
بس اصلي تعاملت مع توكيلات كتير
بعضها مشهور عنه سمعة القطع الغالية.. و مقارنة بتويوتا تعتبر نعيم

[وائل محمد نبيل]

اتهورت يا زعيم فى الاصلاح انت كنت جبت الحاجات دة من الحرفيين كانت السعر كله لم يتعدى 3000 جنيه

[eng.m7md.ali]

الحمد لله انك بخير

هيا اسعار التوكيلات في مصر كلها مبالغ فيها مش بس تويوتا ... بس يمكن تويوتا واخدة صيت عالفاضي وخلاص

[Hegazio]

ردياتير الرينو فلوينس اللي كانت معايا و مشهور ان قطع غيارها نار..ب2900
زجاجها في التوكيل ب 1300 و الكورولا ب 3800

[alaamousa]

السلام عليكم اولا قدر الله وما شاء فعل ثانيا انت دفعت كتييير فعلا
بص معايا واحد محترم جداااا في الياباني تخصص تويوتا جمبك في اكتوبر وليه تجارب محترمة مع الاعضاء هنا وفي ناس عاملة مواضيع للي حصلهم ورحلة الصيانة اذا حبيت كلمني باذن الله على الخاص يا باشا
ربنا يسترها معاك ومعانا

[Hegazio]

يا جماعة انا كنت مضطر اعمل في التوكيل عشان عربية الشركة و عليها تأمين..بس بيحملوني ربع المبلغ للأساسيات و كل الكماليات و الرفايع
دخلت في عشر الاف حأدفعهم انا..بس برضه لو معمولة في ورشة بره كانت التكلفة الاجمالية حتبقي اقل

[S O P H O S]

بصراحة كتير واعتقد مشهور عن التوكيل ده
انه بيحب يغير مش يصلح حتي لو ينفع الاصلاح
مشوفتش ردارتير ب 8000 غالي جدا بالنسبة للعربية

[monamize4]

32 الف جنيه في التوكيل
فيه اسعار مبالغ فيها جدا:
الردياتير 8000
سربنتينة تكييف 5300

اقسم بالله كلامك ضحكنى ,,

انت بجد دفعت 13 الف ف راديتير و سربنتيه ؟!!!!

[S O P H O S]

انت بجد دفعت 13 الف ف راديتير و سربنتيه ؟!!!!

هل سعر الكورولا كده
انا بردوا مستغرب