مساعدة في كورولا 2015 هاي لاين

[ahfarouk]

السلام عليكم .
الحمد لله أنا استلمت تويوتا كورولا 2015 هايلاين بعد قراءة المعلومات العظيمة من الاخوة بالمنتدى.

ولكن لدي عدة استفسارات , أرجو المساعدة :

1. هل من الممكن تركيب كسوة للكراسي و أرضية السيارة , يعني الكراسي تتخلع و تتركب تاني , ومفيش مشكلة في السينسور أو مشاكل بعد تركيبهم ؟ و فين أفضل مكان ؟

2. هل ممكن صيانة 1000 ك عند 1500 ولا دا يأثر على الموتور .

3. هي فيها انذار ؟ أنا سمعت ان الانذار بيتركب في التوكيل ؟ هل هو مهم تركيبه ؟ و ايه فايدته

4. بالنسبة لل GPS هل من الممكن اضافة software لتشغيله ولا لا ؟

وشكرا لعمالقة الكورولا.

[m_k_elhosiny]

السلام عليكم .
الحمد لله أنا استلمت تويوتا كورولا 2015 هايلاين بعد قراءة المعلومات العظيمة من الاخوة بالمنتدى.

ولكن لدي عدة استفسارات , أرجو المساعدة :

1. هل من الممكن تركيب كسوة للكراسي و أرضية السيارة ( نعم ممكن , أنا مركب دواسة جلد كاملة , لكن تركيب فرش جلد على الفرش الأصلي صعب و يبهدل الكراسي الأصلية لأن تركيب الفرش الجلد بيتظبط بخياطته في الفرش الأصلي , ممكن تركب كسوة قماش لكن طبعا مش هاتكون بشياكة الفرش الأصلي ) , يعني الكراسي تتخلع و تتركب تاني , ومفيش مشكلة في السينسور أو مشاكل بعد تركيبهم ( ممكن أيضا و لكن يتوقف عل مهارة الصنايعي ) ؟ و فين أفضل مكان ؟ ( للأسف مش هاقدر أفيدك لأني من دمياط و عامل الشغل ده هناك ).

2. هل ممكن صيانة 1000 ك عند 1500 ولا دا يأثر على الموتور . (ممكن جدا لأن صيانة الألف فيها فقط تربيط عفشة و تشييك على السوائل و كشف كمبيوتر و تنظيف فلاتر الهواء و التكييف و مش فيها غيار زيت و فلتر - دول في صيانة 5000 كم )

3. هي فيها انذار ( لا ) ؟ أنا سمعت ان الانذار بيتركب في التوكيل ( نعم و أنا ركبته هناك مع وحدات رفع الزجاج + ضم المرايات ) ؟ هل هو مهم تركيبه ( ده شيء يرجه لتقديرك ) ؟ و ايه فايدته ( الإنذار بيشتغل مع غلق السيارة سواء بالريموت أو بالبصمة و له حساس صدمات و شغال مع الكلاكس الأصلي للسيارة )

4. بالنسبة لل GPS هل من الممكن اضافة software لتشغيله ولا لا ؟ ( للأسف لحد دلوقتي لأ )

وشكرا لعمالقة الكورولا.

[DEVIL333]

حرام انك تلعب فى العربية و تفك الكراسى و التابلوة و هى لسة جديدة

[DEVIL333]

و على العموم الف مبروك

[Mohamed.Hany]

السلام عليكم .
الحمد لله أنا استلمت تويوتا كورولا 2015 هايلاين بعد قراءة المعلومات العظيمة من الاخوة بالمنتدى.

ولكن لدي عدة استفسارات , أرجو المساعدة :

1. هل من الممكن تركيب كسوة للكراسي و أرضية السيارة , يعني الكراسي تتخلع و تتركب تاني , ومفيش مشكلة في السينسور أو مشاكل بعد تركيبهم ؟ و فين أفضل مكان ؟

2. هل ممكن صيانة 1000 ك عند 1500 ولا دا يأثر على الموتور .

3. هي فيها انذار ؟ أنا سمعت ان الانذار بيتركب في التوكيل ؟ هل هو مهم تركيبه ؟ و ايه فايدته

4. بالنسبة لل gps هل من الممكن اضافة software لتشغيله ولا لا ؟

وشكرا لعمالقة الكورولا.

1.لا يمكن تركيب كسوة للكراسي عشان الكراسي فيها ايرباج مش هيفتح بصورة سليمة اوعي تعمل كدة .
2.ممكن ان شالله علي 4000 كم
3. مفيهتش . بيركب في التوكيا . فايدته ينبهك لو ااعربية اتخبطت
4. لا

[ahfarouk]

شكرًا على الردود الرائعه ، خلاص أنا هاسيب الفرش الأصلي زي ماهوه بس المشكلة انه لونه بيج فاتح وخايف يتوسغخ من الأطفال وأنتم عارفين

[sonaeg]

شكرًا على الردود الرائعه ، خلاص أنا هاسيب الفرش الأصلي زي ماهوه بس المشكلة انه لونه بيج فاتح وخايف يتوسغخ من الأطفال وأنتم عارفين

ربنا يخليلك اطفالك يعيشوا ويبهدلوا ... لو الكراسي جلد سهبة جدا بمنظف ترجع زي الاول مهما كانت ... ولو قطيفة او مخملية او قماش برده ليها منظفات ترجع زي الاول

ربنا يباركلك في عربيتك ويديك خيرها

[80_Racing]

لا يوجد هاي لاين

لا يوجد 1500 2015 هاي لاين علي ما أظن .... هي فئه واحدة بس ...

[S O P H O S]

الكسوة مش هينفع والاخوة وضحوا
الانذار شايف ان العربية فيها سفيتي كفاية

[عمر حمدي]

الف مبروك أخي الكريم
أرجوك أن تخربرني بسعر السيارة؟

[M.Mokhtar]

باشا بما اننا دمايطة زي بعض
اشتريت منين
وهل في فرق كماليات بين ٢٠١٤ و ٢٠١٥

[amaka]

متابع

[mzowail]

استمتع بالفرش الاصلي. انا كل الي عملتو اني حتت كليم علي الكنبه الوره علشان الولاد. و بصراحه مفيش فرش هايدك شياكة الفرش الاصلي. انا القرش عندي اسود.