استفسار سريع بخصوص الاستلام

[Bmember]

انا حاجز فى التوكيل
هما كلمونى علشان استلم
بس بيقوللولى المفروض اروح اكمل باقى تمن العربية و يتحدد لى عربية معينة يعنى رقم شاسية و موتور محددين علشان العربية تتشحن من اسكندرية للقاهرة هيه و عربيات تانية
وقالولى تقريبا بعد الدفع بيومين ممكن العربيه تكون وصلت
انا كنت فاكر انى هعاين العربية الاول و اتاكد ان مفيهاش حاجة و لا خبطات و لا عيوب ظاهرة مثلا و بعدين يبقى يتحدد لى ان العربية دى تحديدا بقت تبعى برقم الشاسيه و الموتور بتوعها و ادفع باقى سعر العربية وقتها
انا عايز اتاكد هل هو ده النظاماللى فعلا متبع ؟
انا قالقنى انهم كانوا قايلين لى هنكلمك خلال عشر ايام و بعدين كلمونى فجأة
شكرا

[80_Racing]

أيوه هو ده نظام التوكيل فعلا ... وبعدين هم علي طول بيعملوا حركة إن هما يدولك معاد بعيد شويه ويكلموك بدري .
وبالنسبة للإستلام إفحص العربيه علي أقل من مهلك أهم حاجة متمضيش علي الإستلام غير لما تكون مطمن تماما ولو لقيت حاجة أو حتي خربوش صغير متمضيش ومتستلمش وهما غصب عنهم هيغيروهالك طالما ممضيتش بس بمجرد ما تمضي العربية بتاعتك .
وعلي فكرة لو بعد ما دفعت الفلوس والعربية إتأخرت عن يومين .. في الحالة دي لازم تاخد بالك أوي لأن كده ممكن يكون حصلها حاجة وهي جاية في السكة وإتخبطت خبطة خفيخه لما كانت طالعة أو نازلة من علي حاملة السيارات وبياخدوا وقت يومين أو تلاته علشان يظبطوها كويس في التوكيل بعد وصولها ..
وإن شاء الله مايحصلش أي حاجة من كل ده وتستلم عربيتك علي ألف خير ومبروك مقدما .

[Sameh samy]

انا سالت نفس سوالك وانا بستلم
اطمن طول مالعربية ماطلعتش من التوكيل لو فيها حاجة بتاعتهم

[عمر حمدي]

العربية طالما لم توقع باستلامها في ما زالت في حوزة التوكيل

ممكن يا أخي أعرف نوع السيارة و فئتها (الأول/ الثاني/ الثالث) و سعرها؟ افادكم الله و مبروك مقدما

[Bmember]

العربية كورولا الفئة التانية
طيب استلم العربية قبل ما ييجى الورق و الا استنى
كلمونى النهارده و قالولى العربية فى ابو رواش
و الورق هييجى اخر الاسبوع على الخميس
هو التاخير ده طبيعى و الا هما بيظبطوا فيها حاجة و الا انا اللى قلقان زيادة عن اللزوم

معلش بقى هما المهندسين اللى زى حالاتى دماغهم بتور على طول

[abofandy]

لا عادى يا فندم مفيش مشاكل متقلقش خالص
ومتضيعش فرحه العربية بقلقك وانزعجك كدة

العربية ممكن تيجى والورق يتاخر مفيش فية مشكلة علما يخلص الافراج الجمركى وورقة شهادة البيانات مختومه من المرور وكدة فكل دة بياخد وقت خصوصا لو العربية كانت لسة فى الميناء فى اسكندرية

راجع ع العربية كويس وطالما تقرير الاستلام متمضاش عليه مفيش مشاكل
ولو حتى مضيت ع العربية ولسة مخرجتش بيها من بوابه التوكيل ولحظت حاجة ف العربية بتاعتهم ولو حتى خرجت وكان فية شك فى لقدر الله فية اى حاجة زى بوهيه او حاجة مرشوشه فتوكيل تويوتا من التوكيلات المحترمه ولو ليك حق هتاخده وتتبدل العربية او حتى تسترد فلوسك


لا تقلق وافرح بالعربية وادبح حاجة او خرج حاجة لله
وربنا يكيفك شر العين والطريق

[Bmember]

هو انا كملت تمن العربية يوم الاحد
لكن لسة شهادة البيانات مطلعتش
و لسه هنشون هتطلع بكره و الا لأ
بتاخد كل ده ؟؟

[abofandy]

ممكن طبعا تاخد وقت ع حسب المرور
خصوصا لو كانت 2015 واحنا لسة فى 2014 بيبقى ليها لعبه فى المرور وكدة
وهما بيجمعوا اكبر كميه يعملوها مره واحدة مش هيروحوا المرور على شهادة او اتنين بيجمعوا اكبر قدر ممكن من الدفعة الى داخله ويتعمل ويتختم مره واحدة