استفسار بخصوص كورولا ٢٠١٣ ارجو المشاركة

[mohamed ahmad]

انا معايا كورولا ٢٠١٣ خليجي من شهرين نزلت لقيت حد خبط الاكصدام الخلفي و الاكصدام شبه ساقط روحت لسمكري عملوا علي البارد الحمد لله و رجع زي الاول و خد مني ٢٣٠ جنيه من كام يوم مشي في شارع مكسر ماشي ٢٠ واحد خبطني مش عارف ازاي المهم الحمد لله الاكصدام اتشرخ حوالي ٢٠ سنتي من النص كدا و الخبطه سمعت في الشنطة عمله فرق روحت لواحد قالي ٥٠٠ جنيه في البداية لحد ماشوف الشاسيه مخبوط ولا فقلت لو تكلفه بتكلفه اجيب اكصدام جديد سالت عند احمد جابر قالي ٤٠٠ جنيه و انت ترشه و سالت في البرجيسي قالي ١٢٠٠ و انت ترشه و كلمت كذا مره تويوتا ايجيبت مبردوش فانا مش فاهم اي حاجه الاكصدام الجديد لازم يترش كدا مش هيبقي فبريكا ولا ايه ياريت تسعدوني يا جماعة معلش طولت عليكو

[eng.salama93]

الإكصدام الجديد هيجي بلون الفيبر ( لون اسود مطفي غير لون العربيات السودة ) و انت هترشه عشان يبقي نفس لون عربيتك

[mohamed ahmad]

طيب ده يبقي اكصدام فبريكا ولا ؟

[hany63]

انا معايا كورولا ٢٠١٣ خليجي من شهرين نزلت لقيت حد خبط الاكصدام الخلفي و الاكصدام شبه ساقط روحت لسمكري عملوا علي البارد الحمد لله و رجع زي الاول و خد مني ٢٣٠ جنيه من كام يوم مشي في شارع مكسر ماشي ٢٠ واحد خبطني مش عارف ازاي المهم الحمد لله الاكصدام اتشرخ حوالي ٢٠ سنتي من النص كدا و الخبطه سمعت في الشنطة عمله فرق روحت لواحد قالي ٥٠٠ جنيه في البداية لحد ماشوف الشاسيه مخبوط ولا فقلت لو تكلفه بتكلفه اجيب اكصدام جديد سالت عند احمد جابر قالي ٤٠٠ جنيه و انت ترشه و سالت في البرجيسي قالي ١٢٠٠ و انت ترشه و كلمت كذا مره تويوتا ايجيبت مبردوش فانا مش فاهم اي حاجه الاكصدام الجديد لازم يترش كدا مش هيبقي فبريكا ولا ايه ياريت تسعدوني يا جماعة معلش طولت عليكو :copy of new:

سيبك من الاكصطدام خالص لو اتغير و اترش بنضافه بنفس درجة اللون العربيه هتفضل بقيمتها
خلينا في الخبطه اللي خلت الشنطه مفارقه
المفروض بيبقى فيه صاجه ضعيفه ورا الاكصطدام هيا اللي بترحل مش شاسيه ولا حاجه و ملهاش دعوه بالدواخل و بتاخد معاها كالون الشنطه و بتعمل فرق في الفوانيس
دي امرها سهل جدا و حصلت معايا تلات مرات من البهايم اللي بتخش في العربيه و هيا واقفه في الزحمه و بتتعمل و انت واقف و الاكصطدام بيركب و اخر مره عملتها عند سمير علي في الحرفيين بجهاز فرد الشاسيه بالكومبيوتر اللي عنده من غير ما يفك مسمار واحد في عشر دقايق
ولو لاقدر الله في حاجه كبست في الشاسيه برضه هيرجع لك كل حاجه فابريقه بكسر المللي بنفس الجهاز المهم ان مفيش حد يعمل عليك شغل و يعيب لك العربيه

[mohamed ahmad]

طيب بعد اذنك ممكن تقولي تتكلف كام اكصدام و رشه و استعدال صاجه دي و ايه الفرق بين ٤٠٠ جنيه اكصدام ل عند احمد جابر و ١٢٥٠ بتاع البرجسي ؟

[M.ABDOU]

سيبك من الاكصطدام خالص لو اتغير و اترش بنضافه بنفس درجة اللون العربيه هتفضل بقيمتها
خلينا في الخبطه اللي خلت الشنطه مفارقه
المفروض بيبقى فيه صاجه ضعيفه ورا الاكصطدام هيا اللي بترحل مش شاسيه ولا حاجه و ملهاش دعوه بالدواخل و بتاخد معاها كالون الشنطه و بتعمل فرق في الفوانيس
دي امرها سهل جدا و حصلت معايا تلات مرات من البهايم اللي بتخش في العربيه و هيا واقفه في الزحمه و بتتعمل و انت واقف و الاكصطدام بيركب و اخر مره عملتها عند سمير علي في الحرفيين بجهاز فرد الشاسيه بالكومبيوتر اللي عنده من غير ما يفك مسمار واحد في عشر دقايق
ولو لاقدر الله في حاجه كبست في الشاسيه برضه هيرجع لك كل حاجه فابريقه بكسر المللي بنفس الجهاز المهم ان مفيش حد يعمل عليك شغل و يعيب لك العربيه

هوا سمير على ااوحيد اللى عنده الجهاز ده ولا فى حد تانى؟؟؟؟

وياريت عنوانه بالتفصيل او رقم تليفونه علشان الفائده للجميع لو حد حصله نفس الموقف ده تانى

[hany63]

هوا سمير على ااوحيد اللى عنده الجهاز ده ولا فى حد تانى؟؟؟؟

وياريت عنوانه بالتفصيل او رقم تليفونه علشان الفائده للجميع لو حد حصله نفس الموقف ده تانى

هوا زي ما قلت في الحرفيين قبل ما تحصل الثلاثي لو داخل من ناحية جسر السويس و بالمناسبه اي حد هناك هيدلك على مكانه لانه من اشهر السمكريه في مصر و معظم اللي عنده مرسيدس وبي ام

[amaka]

متابع

[mohamed ahmad]

فين يا جماعة وحوش تويوتا يفيدوني