العزل فى الكورولا ٢٠١٥

[Magdy abomazen]

انا مستلم العربية من فترة بسيطة ولسه مجربتهاش فى السفر بس لما بطلع على الدائرى او اى طريق سريع صوت الهواء بيبقى مش واطى علما بأن اقصى سرعة ليا بتكون ١١٠ او ١٢٠.. مش عارف انا اللى ببالغ فى توقعاتى بالنسبة للعزل ولا فى مشكلة .. يا ريت حد يوضح ليا الجزئية دى من ملاك العربية لانى بستغرب جدا لما بلاقى الناس بتقول ان مفيش اى صوت بيتسمع لغاية سرعة ١٦٠

[Hesham Alaa]

العزل فى العربية ممتاز بعد تجربة على طرق نضيفة بره مصر (قطر) لحد 180 ولكن فى مصر جودة الاسفلت السيئة هى السبب فى الصوت بدليل انى لما اسافر على طريق كويس زى الطريق الاقليمى الجديد الى فى الفيوم دة بيكون العزل حلو جدا

[Sameh samy]

بص العربية عزلها رائع جدا علي فكرة والي بتسمعو ممكن يكون لية كزا سبب
ممكن يكون في ازاز مهوي سنة صغيرة
ممكن تكون ماشي جنب فاصل خرساني او سور فالصوت بيرد ويرجع
ممكن يكون ريسيكل التكييف مفتوح والهوا داخل فرش جوة الصالون
ممكن تكون مشغل التكييف وهواسات التيكيف علي جنب وعلي فكرة حصلت معايا ولما عدلت الهواية الصوت راح

[Magdy abomazen]

شكرا على الردود .. انا فعلا شاكك فى موضوع الازاز انه يكون مهوى بس اتأكد ازاى ؟؟

[Magdy abomazen]

مفيش حد عنده اى تجارب فى الموضوع ده ؟

[abofandy]

الاستاذ سامح اسرد لحضرتك كل النقاط الى ممكن يتجى منها صوت الهوا
اغلق الزجاج جيدا واضغط ع كلاكس العرربية وشوف مدى سماع الصوت وقيمه من 0 الى 5
افتح الزجاج ع الاخر وليكن الزجاج السائق فقط واضغط ع الكاكس وشوف مدى سماع الصوت وقيمه 0..5
هتقدر توصل ع العزل بالارقام بالنسبة للزجاج
بكدة هتقدر تحصل ع قيمه والقيمه دى هى عزل الزجاج الى فى العربية للاصوات الخارجية الى منها الهواء
وساعتها هتقدر تقيم ازاى كان دة الزجاج بيبقى فية جزء فية تسريب ولا لا علشان بتسمع الهواء منه ...




بقى النقاط الى تقدر تقيم منها زى الهواية فى التكييف او الرسيكل او غيره دى سهلة ممكن تجربها وتحكم بنفسك ومتنساس تتطمنا وصلت لاية

تحياتى لحضرتك

[Sameh samy]

الاستاذ سامح اسرد لحضرتك كل النقاط الى ممكن يتجى منها صوت الهوا
اغلق الزجاج جيدا واضغط ع كلاكس العرربية وشوف مدى سماع الصوت وقيمه من 0 الى 5
افتح الزجاج ع الاخر وليكن الزجاج السائق فقط واضغط ع الكاكس وشوف مدى سماع الصوت وقيمه 0..5
هتقدر توصل ع العزل بالارقام بالنسبة للزجاج
بكدة هتقدر تحصل ع قيمه والقيمه دى هى عزل الزجاج الى فى العربية للاصوات الخارجية الى منها الهواء
وساعتها هتقدر تقيم ازاى كان دة الزجاج بيبقى فية جزء فية تسريب ولا لا علشان بتسمع الهواء منه ...




بقى النقاط الى تقدر تقيم منها زى الهواية فى التكييف او الرسيكل او غيره دى سهلة ممكن تجربها وتحكم بنفسك ومتنساس تتطمنا وصلت لاية

تحياتى لحضرتك

اشكرك يا باشا جدا وحضرتك معرفة قديمة من صفحة تويوتا
انا معنديش المشكلة دي واهدي رد حضرتك لصاحب الموضوع