ارجو المساعدة من حد بيفهم فى افالون موديل 2000

[H1N1]

السلام عليكم ورحمة الله وبركاته
انا مصرى مقيم بسلطنة عمان واشتريت سيارة تويوتا افالون موديل 2000 وارد امريكا 6سلندر 3000 سى سى ماشية 128 الف ميل وبحالة جيدة وقمت بعمل صيانة شاملة وغيرت الزيت والفلتر مرتين والبوجيهات وشيكت على السيور وباقى الزيوت الجير والباور والفرامل...المهم عندى مشكلة مش عارف احلها وذهقت من الباكستانيين والهنود اللى مش فاهمين حاجة...المشكلة ان العربية الصبح بتغلبنى على ماتدور ولازم ادوس بنزين لحد ما تلقط...ويفضل الار بى ام واطى على نص يعنى 500 لفة فى الدقيقة ولمدة دقيقتين او 3 والموتور يدور ببطء ثم فجاة الصوت يعلو ويرجع الار بى ام لطبيعته...لو مستعجل وبدات اتحرك بالعربية قبل ما يعلا..تبطل والتكييف يشتغل مروحة بس يعنى الكومبوريسر ميقومش...المهم غيرت البطارية الامريكى 55 امبير بواحدة اسيدلكو سعودى 75 امبير وغيرت فلتر البنزين وحطيت سائل صناعة كندى لتنظيف الانجيكتور...كل ده بدون فايدة ولازالت المشكلة قائمة...روحت التوكيل فنى هندى قالى العربية كويسة ومافيش مشكلة لماتدوس على دواسة البنزين كام مرة قبل ماتدورها الصبح...انا زهقت و خايف تكون طلمبة البنزين تكون بتودع وتعطل بيا فجاة فى طريق سفر ...ياترى حد ممكن يفدنى فى التشخيص

[DODGE2013]

من الواضح ان المشكله حلها كالاتي

- موبينه (كويلات) coil وشيك على الاسلاك الي طالعه منها ممكن عايزه تتبدل بردوا موديل 2000

- الدينامو

- غير الفيوزات ومتنساش كل فيوز نفس الرقم

- مضخة البنزين , الهوز بتاعه

- الانجكشن والبوابه والرشاشات الخ تنضيف

امشي مع الخطوات من الاول للأخر وانا متأكد مليون في الميه من اول نقطتين

[عبدالله برعى]

من الواضح ان المشكله حلها كالاتي

- موبينه (كويلات) coil وشيك على الاسلاك الي طالعه منها ممكن عايزه تتبدل بردوا موديل 2000

- الدينامو

- غير الفيوزات ومتنساش كل فيوز نفس الرقم

- مضخة البنزين , الهوز بتاعه

- الانجكشن والبوابه والرشاشات الخ تنضيف

امشي مع الخطوات من الاول للأخر وانا متأكد مليون في الميه من اول نقطتين

مظبوط

[H1N1]

شكرا على الاهتمام و الرد...اخيرا النهاردة لاقيت ميكانيكى مصرى وقالى طالما انت غيرت البطارية و فلتر البنزين والبوجيهات وحطيت سائل تنظيف الانجيكتور يبقى 90%المشكلة فى طلمبة البنزين ضعيفة ونصحنى اغيرها وقالى مش هتخسر كله فى مصلحة العربية...قلتلوه طيب ماتنظف الانجيكتورز الاول قالى بيتحطوا على مكنة والواحد بيتكلف 30 درهم يعنى 180 درهم وقالى غير الطلمبة الاول ونبقى نشوف...انا لاقيتها بمايعادل 1200 ج فى التوكيل وبره بحوالى 750 جنيه...اغيرها والا اعمل ايه؟