فضيحة تويوتا كورولا 2015

[OmarAdel98]

السلام عليكم دية النيو كورولا في اختبار السلامة الاوروبية مش جايب حاجة من عندي اهو

https://www.youtube.com/watch?v=kesdp7WXahM

طبعا مع احترامي للعربية دية و لملاكها و لعلامتها
ولكن العربية دية لا تليق بإسم تويوتا
انا مش داخل اعقد حد من عربيتة دة اختبار سلامة اوروبي مش جايبة من تحت بير السلم لأن في اعضاء بتخش تقول انت بتعقد ملاك العربية دية منها ابدا والله
اسف على الاطالة

[Sameh samy]

اولا الفيديو لعربية مواصفات امريكية
ثانيا الاختبار علي اصطحام نصفي
ثالثا الماكيت مدهون دهان حديث علشان يشوفو هايعلم علي الاير باج فين
رابعا مافيش اي تعليق في الفيديو علي التقييم بتاع العربية واي عربية هتاخد خبطة زي دي هاتطلع سليمة ؟
السرعة 40 ميل يعني حوالي 65 كيلو والصدمة متحملة كلها علي جنب السواق
لو حضرتك شايف ان دي فضيحة وان المفروض لما عربية تخيش بالسرعة دي تطلع محكوكة مثلا هاتلنا نفس الاختبار إلي عربية تانية بنفس الاصطدام الجانبي بنفس السرعة
كمان اللي قدامك في العربية عروسة موش ماسكة نفسها خالص ومافيهاش عضم عشان كدة ياريت تعملنا صور الاشعة بتاعة العروسة الماكيت
وبعدين من برفايل حضرتك سواء كان معاك لانوس او في فيرنا موش هتلاقي ليها اختبارات من دي لان في اوروبا وامريكا مبيعترفوش انها عربيات اصلا ولا بيدخلوها عندهم كمان
واحب اقولك ان اي عربية تاخد خبطة زي دي بدون فرامل علي سرعة 65 هاتتدغدغ تماما ولو عاوز تقول انها فضيحة تجيب فيديو فية تقييم السلامة كم نجمة للعربية

[Sameh samy]

ياريت سعدتك تراجع معلوماتك عن تقنية نقط الانهيار للسيارات الحديثة
انا شخصيا شايف الاير باجز فتحت وحمت السواق تمام وهي دي السلامة موش العربية تتكسر
ناقص تقولنا كمان العربية تخيش والسواق بيشرب شاي ميدلقش
وهات لو يمحت فيديو مماثل او تقييم العربية في السلامة من الخبراء موش من دماغك

[ahmed sa3ed]

محدش يشتريها يجدعان خلاص علشان الواحد بيلبس في حيطه كل يوم

صلى على النبي ياباشا فضيحه ايه وكلام ايه الى بتقولوا دا

[abofandy]

انا عايزك تشوف المرسيدس اخدت كام فى الاختبار دة
والفولفو وغيرها من العربيات المحترمه وانت هتعرف ان الاختبار دة فتك بكتير من السيارات لان الاختبار معمول للارتطام بجانب السائق بسرعه معينه

[abofandy]

هههههه فضيحه اية يا عم الحاج
انت ماسك النيسان فضيحة
والتويوتا فضيحة
والمرسيدس جابت تقريبا نفس التقديرات هتقول فضيحة برضة هى والفولفو ولا اية نظامك معاهم
ههههههههه


حلوة اسف لا تليق بنيسان دى ( ملعوبة )

العربيات دى لما تجيب 4 من 5 فى التقديرات وتقول عليها فضيحة يبقى فعلا فضيحه لحضرتك
لو عايز تعرف لية العربيات معظمهم قلت فى الاختبار دة دور على كل العربيات وقارنها بالايوركاب

[sanhory]

بص ياباشا ده اختبار اسمه small overlap crash test دا نوع جديد من اختار الامان بيجبوا العربية من طرف المقدمة و يلسعوها زي ما انت شايف و بالمناسبة اجعص الماركات من الاوروبي و الامريكي و الياباني معظمها فشل في الاختبار ده

Crash Test IIHS: Small Overlap Test Results for Small Cars - YouTube

[OmarAdel98]

اولا الفيديو لعربية مواصفات امريكية
ثانيا الاختبار علي اصطحام نصفي
ثالثا الماكيت مدهون دهان حديث علشان يشوفو هايعلم علي الاير باج فين
رابعا مافيش اي تعليق في الفيديو علي التقييم بتاع العربية واي عربية هتاخد خبطة زي دي هاتطلع سليمة ؟
السرعة 40 ميل يعني حوالي 65 كيلو والصدمة متحملة كلها علي جنب السواق
لو حضرتك شايف ان دي فضيحة وان المفروض لما عربية تخيش بالسرعة دي تطلع محكوكة مثلا هاتلنا نفس الاختبار إلي عربية تانية بنفس الاصطدام الجانبي بنفس السرعة
كمان اللي قدامك في العربية عروسة موش ماسكة نفسها خالص ومافيهاش عضم عشان كدة ياريت تعملنا صور الاشعة بتاعة العروسة الماكيت
وبعدين من برفايل حضرتك سواء كان معاك لانوس او في فيرنا موش هتلاقي ليها اختبارات من دي لان في اوروبا وامريكا مبيعترفوش انها عربيات اصلا ولا بيدخلوها عندهم كمان
واحب اقولك ان اي عربية تاخد خبطة زي دي بدون فرامل علي سرعة 65 هاتتدغدغ تماما ولو عاوز تقول انها فضيحة تجيب فيديو فية تقييم السلامة كم نجمة للعربية

دة نفس الاختبار مع اللانوس

https://www.youtube.com/watch?v=Z_dC0psqJLo

اما الفيرنا (انا تعبان و عايز انام بكرة انشاء الله هجيب ليها فيديو)
ملحوظة سريعة
والدتي كان معاها لانوس ثم الفيرنا
والدي معاة صني سوبر صالون (بس دة بيني و بينك)

[mahmoud bakr]

روح يا حبيبي نام عشان وراك مدرسة بكرة الصبح انت مش عارف تقول حاجة وبتدخل الاختبارات في بعضها

[abofandy]

انت حاجة من اتنين
1 - يا مش فاهم اى حاجة فى اى حاجة
2 - يا داخل بتهزر وتفتى فى اى كلام

اولا الاختبار overlap crash test الى سيادتك عارضة للكورولا دة بتعمل ف iihs
الاختبار التصادم الانوس دة body crash test ودة تبع Euroncap


يعنى اختبار غير الاختبار تماما ... ومنظمة غير المنظمة دى اختبارات اوروبية ودى امريكيه
واضح من كلامك ان لسة صغير فى السن بس لازم تبقى عارف لما تعمل مقارنه توحد اوجه المقارنه
هى العملية مش مسالة عربية بتتخبط ونشوف اية الى اتكسر هنا والى اتكسر هنا وخلاص

[Omar2017]

اية يا جودعان انتم متحامللين على الراجل كدة لية دية حتة حديدة لا طلعت ولا نزلت

[amgomaa]

عنوان غريب الصراحة

Sent from my GT-S5282 using Forum Runner

[mido_soliman]

ههههههههههههههههههههههههههههههههههه .............. انت حقيقي ؟!!!!

[yasser100]

اهدوا شويه يا جماعه . كل العربيات فى اختبارات الامان سواء الاوربيه او الامريكيه واخده تقديرات اقل من قبل كده . علشان دخلوا تعديلات و قواعد جديده . العربيه اللى كانت بتاخد 5 نجوم قبل كده هيه هيه نفسها بتاخد 3 او 4 دلوقتى . كل سنه القواعد بتختلف . و اكتر مثل الرينو ميجان كانت واخده 5 نجوم فى اختبار ال euroencap قبل كده . السنه دى 3 نجوم برغم انها نفس العربيه بكل تجهيزاتها . علشان القواعد و القوانين اتغيرت

و ان كان الراجل صغير و مش فاهم فهموه بهدوء

[Sameh samy]

دي اختبارات لقياس امان الركاب وبتتقاس بمعايير مختلفة من جوة العربية
العربية كدة كدة هاتتكسر المهم اللي جوة ولو موش عاجبك انها تتكسر اشتريلك دبابة
تكنولوجيا العربيات النهاردة اختلفت واثبتو ان الصدمات الشديدة لو في عربية جامدة زي الادا مثلا بتصيب الركاب باضرار بليغة
دلوقتي العربية مصممة بنظام نقط الانهيار بحيث تمتص الصدمة بعيد عن الركاب يعني ممكن اختبار الانوس يكون اصابات القائد اعلي
انما نبص علي شكل العربية ونقول سقطت من غير حتي متنشوف تقييم الخبراء دة اسمو جهل فعلا