تفتكرو ايه احسن طريقه لتلين السياره في الزيرو (موضوع مناقشه )

[Hossam Rady]

اولا انا حبيت اعمل الموضوع دا في التويوتا عشان انا كان معايا تويوتا و عملت التجربه دي علي تويوتا كورولا ٢٠٠٨ خليجي منيوال
اول مشتريت العربيه سئلت اعمل ايه ولاد الحلال افتولي كتير فيه الي قالي الخواجه مبينزلهاش غير ملينه و فيه اليقالي اول الف كبلو متمشيش اكتر من ١٠٠ كيلو و في الي قالي متعديش rpm تلاته
و كثرت الاقاويل و الناتيجه واحده
كلو بيفتي او قله درايه الله اعلم
انا شخصيا ليا رأي شخصي و نفسي يكون محور نقاش عشان كلنا نستفيد من غير محد يأوح انا نفسي استفيد
انا شخصيا هقولوكو انا عملت ايه هي مجرد تجربه
في اول ٥٠٠ كيلو مكنتش بعدي ١٢٠بس تدريجي يعني ٨٠ ٩٠. ١٠٠ ١١٠ و هكذا
و تاني ٥٠٠ كيلو بقرص علي العربيه rpm 5 لحد تاني ٥٠٠ كيلو ناس قالولي انت مجنون هترزع المكنه بس انا قولت اجرب
قريبي كان جايب واحده معايا المهم فضل يحسس عليها في الاخر عربيتو سحبها متفهمش ضعيف ولا ايه الميكانيكي قالنا من التالين
عاوزين نخلي الموضوع دا محور مناقشه عشان كلو يستفيد

[Adnfalcon]

الموضوع بسيط ومش معقد . . .
يفضل فعلا عدم التسارع أو الفرمله المفاجأه في فتره التليين
عدم الحرق علي عدد لفات اعلي من 3000 لفه
التكييف شغله عادي جدا مفيش مشكله
متنساش ان زيوت الموتور الفابريكه غالبا ما تكون مواصفاتها خاصه شويه بمعني انها زيوت تخزينيه أكثر منها للأداء وعشان كده معظم التوكيلات دلوقتي بتغير زيت ف صيانه ال 1000 كم والمشتري فعلا بيحس بفرق فالاداء والنعومه وصوت الموتور واستهلاك الوقود
الكلام دا مش فتي دا كلام كتالوجات كتير وخبره شخصيه
بالنسبه لصاحبك . . لو عربيته حديثه خليه يعمل ريسيت ل وحده التحكم الالكتروني وبعدين يسحب جامد فترات طويله العربيه هتبرمج نفسها علي الاداء الجديد دا
الاهمال ف فتره التليين دا خطأك و هتتحمل نتيجته عاجلا أم أجلا

[ahmed.Elashy]

الموضوع بكل بساطه لما تشتري عربيتك افتح المنيوال قسم التليين
واشتري دماغك من كل الاراء المختلفه
المانيوال قايل كل حاجه بالتفصيل حتي تليين الكاوتش

[Hossam Rady]

الموضوع بسيط ومش معقد . . .
يفضل فعلا عدم التسارع أو الفرمله المفاجأه في فتره التليين
عدم الحرق علي عدد لفات اعلي من 3000 لفه
التكييف شغله عادي جدا مفيش مشكله
متنساش ان زيوت الموتور الفابريكه غالبا ما تكون مواصفاتها خاصه شويه بمعني انها زيوت تخزينيه أكثر منها للأداء وعشان كده معظم التوكيلات دلوقتي بتغير زيت ف صيانه ال 1000 كم والمشتري فعلا بيحس بفرق فالاداء والنعومه وصوت الموتور واستهلاك الوقود
الكلام دا مش فتي دا كلام كتالوجات كتير وخبره شخصيه
بالنسبه لصاحبك . . لو عربيته حديثه خليه يعمل ريسيت ل وحده التحكم الالكتروني وبعدين يسحب جامد فترات طويله العربيه هتبرمج نفسها علي الاداء الجديد دا
الاهمال ف فتره التليين دا خطأك و هتتحمل نتيجته عاجلا أم أجلا

كلامك منتقي جدا و شكرا علي الافاده

[Hossam Rady]

الموضوع بكل بساطه لما تشتري عربيتك افتح المنيوال قسم التليين
واشتري دماغك من كل الاراء المختلفه
المانيوال قايل كل حاجه بالتفصيل حتي تليين الكاوتش

تسلم

[ashouhdy]

تليين !

اخر مرة سمعت الكلمة دة كانت لما الحج عمل عمرة في ماتور ال 132 من 15 سنة :)

الموتور نازل متلين جاهز

اانت بس متأمركش و متشدش حد بحبل وراك مثلا وخلاص

[yasser100]

ﻻ يفضل فعلا القرص و الشد على العربيه فى اول 1000 كم . ما تعديش rpm 3 . الزيت اللى بتنزل به العربيه مش زيت كفاءه عاليه و فى الغالب لزوجته مرتفعه علشان التخزين و شدة الاحتكاك بين اجزاء الموتور الجديد و تطبيعها مع بعضها و يفضل تغييره بعد ال 1000 كم .

تجنب فى فترة ال 1000 كم القياده فى الزحمه . حاول يكونوا على طرق مفتوحه نسبيا . السرعه المثاليه لاى عربيه 90 كم و حاول ما تمشيش على سرعه واحده فتره طويله يعنى كل فتره هدى و ارجع ل 60 و اطلع تانى على 90 او 100 .

التكييف لا يفضل فى اول 1000 كم لانه بيزود عدد لفات الموتور .

كل المقصود من فترة التليين هو تطبيع اجزاء الموتور مع بعضها بافضل طريقه مثاليه خصوصا حركة البساتم و ما يحصلش داخلها دواير تحزيز فى المعدن او مش عارف بالظبط اسمها ايه .

تحياتى

[ashouhdy]

استاذ ياسر و الله المواتير طالعة متلينة جاهزة :)

الكلام دة من جوة المصانع مش التوكيلات

[yasser100]

استاذ ياسر و الله المواتير طالعة متلينة جاهزة :)

الكلام دة من جوة المصانع مش التوكيلات

كل عربيه و لها تعليماتها . احنا عندنا فى الرينو دى تعليماتهم . طيب ايه معنى العربيه متلينه جاهزه من المصنع ؟ هل شغلوها لالف كم مثلا ؟ خلينا فى الاحتياطى افضل . تليين 1000 كم مش ازمه .

[J A G U A R]

لو العربيه فعلا متلينه جاهزه
من مبدأ الامان برضه تتبع التعليمات مش هانخسر حاجه

[Adnfalcon]

استاذ ياسر و الله المواتير طالعة متلينة جاهزة :)

الكلام دة من جوة المصانع مش التوكيلات

الكلام دا عكس الكتالوج تماما

[ashouhdy]

الكلام دا عكس الكتالوج تماما

صديقي مراقب جودة بالمانيا بمصانع فولكس وهو اللي قاللي علي بيزول الزيت

وهو اللي اكدلي ان كل الشركات بتطلع المواتير متلينة

الحاجة اللي لا يفضل تعملها انك تقطر سيارة قبل اول الف وانك تفضل معلي ال rpm طول الوقت

غير كدة امشي وعيش وشغل تكييف عادي

انا عمري ما عملت حوار التليين دة في اي عربية جبتها والحمد لله ببعهم تقريبا مواتير زيرو

Sent from my SM-C115 using Forum Runner

[Adnfalcon]

صديقي مراقب جودة بالمانيا بمصانع فولكس وهو اللي قاللي علي بيزول الزيت

وهو اللي اكدلي ان كل الشركات بتطلع المواتير متلينة

الحاجة اللي لا يفضل تعملها انك تقطر سيارة قبل اول الف وانك تفضل معلي ال rpm طول الوقت

غير كدة امشي وعيش وشغل تكييف عادي

انا عمري ما عملت حوار التليين دة في اي عربية جبتها والحمد لله ببعهم تقريبا مواتير زيرو

sent from my sm-c115 using forum runner

أنا معاك بس افرض ان دا بيحصل فألمانيا فقط ؟؟
انا ملزم بكل كلمه مكتوبه ف "كتالوج الصانع" عشان هو اللي أدري بشغله

[ashouhdy]

انت فاكر انك مثلا حتقعد الف كيلو متعليش ال rpm عن 3

;)

و فاكر مثلا ان بلاد درجة الحرارة فيها 50 و طالع و -20 ونازل حيقعدول الف كيلو ميشغلوش تكييف :)


يا راجل :)

[Adnfalcon]

انت فاكر انك مثلا حتقعد الف كيلو متعليش ال rpm عن 3

;)

و فاكر مثلا ان بلاد درجة الحرارة فيها 50 و طالع و -20 ونازل حيقعدول الف كيلو ميشغلوش تكييف :)


يا راجل :)

علي فكره مفيش كاتالوج بيقول متشغلش التكيف في فتره التليين دي أول معلومه ناس كتير فاكره ان ممنوع تشغله بس دا غلط
تاني معلومه أه لازم تلتزم انك متعديش rpm 3000 اول 1000 كم ولو حبيت تعديها بلاش لفتره طويله وترجع عندها تاني وبكرر كلامي ان دا توصيه "الصانع" ولو مش عايز تسمع كلامه دا طبعا حريه شخصيه انت لوحدك هتشيل المسؤليه . . دا حتي الكاوتش له تليين !