سؤال ضرورى ورجاء سرعة الرد للاهمية

[khaledazizeg]

يا جماعة انا معايا 90 الف وعايز اشترى عربية كويسة وتكون جديدة فأنا محتار وناوى ان شاء الله اجيب الياريس فليا سؤالين من اهل الخبرة
1-عفشتها اخبارها اية؟ (لانى عايش فى منطقة شوارعها متكسرة فعايز عربية عفشتها كويسة)
2-اخبار ثباتها فى السرعات العالية؟(لانى بسافر كل يوم وبمشى سرعات تتراوح بين 120-150 باللانوس)
فبرجاء الرد وياريت لو فية حاجة احسن تقولولى

[algo2000]

Regarding, Elthabaat,at a speed of 120-150 Km/hour, it is good and stable, howevere, at this speed you must drive carefully (same situation when you drive your lanos)

Regarding, El3afshaah, the Egyptian streets are very bad, apart from high-way streets, so that you must drive carefully even if you drive a military Tank.

[محمد يوسف]

أنا معايا ياريس..بس النصيحة لله بأمانة :

1- العفشة مشمريحة قوى زى ما بيتقال فيها شعر

2- الثبات ابتداء من سرعة 120 زى الزفت...يستحسن تدخل بيها مسابقة رقص

[Sharky]

1- عفشة الياريس بحتاج كل شوية تتربط و طالما عمدك الشوارع مكسرة لا أنصحك بيها
2- الثبات لحد 140 معقول لكن بعد كده مش حلو

[KHKHKH23]

الاخوة الكرام
موضوع ثبات السيارات على الطرق أثناء القيادة بسرعات عالية موضوع كبير لانه متعلق بالاتى :
1- حالة الطرق (مستوى الرصف-العلامات الارشادية- حدود الطريق الوسطى و الجانبية-التقاطعات على الطريق-إلتزام الاخرين)
2- طريقة القيادة ذاتها(هادئة-متزنة-مستهترة)
3- إمكانيات السيارة(وزن-إتزان - نظام التعليق .....)
لذلك يكون الحكم على سيارة ما بأنها تحظى بمعدلات ثبات عالية أو غير ذلك دون أخذ المعايير السابقة بعين الاعتبار غير سليم
و حتى لا أطيل انصح نفسى و إياكم بعدم تجاوز سرعة 120 كم فهذه أكثر سرعة امنة بالنسبة لمستوى الطرق فى مصر أيا كانت نوع السيارة .

[khaledazizeg]

طيب ماشى اجيب اية بدل الياريس

[khaledazizeg]

مع العلم انى معايا دايو لانوس وبجيب بيها ال140-180

[limo]

على فكره انا شايف ان اى عربيه هتجبها هتتأثر بالطرق المكسره الى انت بتمشى عليها مش الياريس بس
وبعدين مين قال ان الياريس عفشتها مش هتستحمل الطرق لا طبعا اكيد هتعيش على الاقل اكتر من الانوس
كل ما فى الموضوع انك هتحتاح تربط عفشه كل شويه
ممكن برضو تفكر فى الصنى ولانسر 1300 ممكن الانسر وعفشتها تستحمل عن الياريس شويه
ميزه الانسر والصنى انهم برضو اكثر ثباتا عن الياريس

[boing]

بص ياباشا
انت معاك 90 الف وعاوز تجيب عربيه جديده
المبلغ ده اولا مش هيجيبلك طبعا العربيه الوهميه اللي فخيالك
بالنسبه للياريس انا مختلف مع بقية الاعضاء في موضوع الثبات بتاعها
هيا اه خفيفه فعلا وهتخاف تجري بيها بس الكلام ده والله على الزراعي مثلا لان رصفو زي الزفتتتتتتتت
اما لو انت على المحور بتاع اكتوبر مثلا الساعه 3 بالليل هتقفل بيها 200 مرتاح
فسيبك من موضوع الثبات اللي المصريين هيصدعوك بيه
لو ركبت لومينا او كامري ا وماكسيما هنا ومشيت عالزراعي هتخاف تمشي بيها اكتر من 140 والله
يبقا دلوقتي فكك من حوار الثبات لان حتى الانسر اللي بيتحاكو بيها ثياتها عادي مش الخيالي مهياش مرسيدس او مكلارين يعني وزيها زي الياريس في الثبات

ثانيا الياريس هتديك مرونه في المناورات ملهاش حل جوا البلد باذات وبرا كمان
والمرونه دي بخبرتي في العربيات مش موجوده في ارعبيه تانيه حتى النيو اكسنت

ثالثا التوفير في استهلاك البنزين ما شاء الله هتفول 50 لتر تانكها كلو ب 75 جنيه هيعمل معاك 700 كم لو انت مشيك ما بتعديش الار بي ام عن رقم 3

رابعا عندك الاوتو منها فيها جنب الدي نقله اسمها دي 3 بتحرق بيها على الغيار التالت لحد 160 تقريبا على ما اعتقد

المانيوال بقا السحب بتاعها ملوش حل كفايه عشان حجم ووزن العربيه وعشان الموتور تويتا دي كفايه وهوا هوا نفسو موتور الكورولا 2007

الصالون عملي جدا بس هما بقا في الياريس بيحاربو المدخنين مش هتلاقي طفايه
طيب انا بقا نفسي اعرررررررف ليه حطو ولاعه؟؟؟؟؟ سوال محيرني من مده

عندك في الكنبة ورا مفيش الكرف العالي اللي في نص العربيه بتاع عمود الكردانه دي مختفي في اياريس بتدي مساحه جيده للركاب الخلفيين

يعني من الاخر ال 90 الف هتحطهم في الياريس وانت مطمن تماما
مش لازم تجيبها فل اوبشن لان كل ده كلام فاضي الياريس الفل الاوبشن اللي فيها مش حكايه يعني
سيبنا من الياريس قولي هتحط فلوسك في ايه مثلا في جديد وانت مطمن

لانسر بوما 1300 مانيوال مثلا هقولك الياريس برقبتها
هوندا سيتي مثلا مش عمليه زي الياريس وكفايه سعر ما بعد البيع بتاع التويوتا عموما
بروتون جين عربيه عامله ضجه عالفاضي اصبر عليها سنتين كمان واتفرجح عليها
الصني كفايه انها متجمعه محليا وبردو الياريس عمليه عنها
الاكسنت كفايه انها هيونداي كذلك بنت عمها الفيرنا

يعني من الاخر ال 90 الف يعني ياريس لو هتزود 10 بردو مش هتتحل المعادله غير بالياريس
ولو اكتر من 100 الف ابقا اسالني وانا اقولك تجيب ايه وصدقني انا مش هخيب ظنك واضحك عليك ان ابكلمك بالمنطق
فيه ناس قالت عني في منتديا تتانيه اني عميل لتويوتا وببوز سمعة الشكرات التانيه
انا راجل دكتوووووووووووور اساسا ياناس مليش في الكلام ده طبعا
Lol

[pharonicking]

انا فعلا بفكر فى اليارس ومش عايز عربية تعدى ال100 الف جنيه لان انا شايف ان دة كتير قوى فى عربية بتمشى فى شوارع المحروسة "" بس اللى مش عاجبنى فيها العدادات اللى فى النص بتاعتها ؟؟؟ ايه رايك فيها ؟

[M.Abdelshafi]

الصالون عملي جدا بس هما بقا في الياريس بيحاربو المدخنين مش هتلاقي طفايه
طيب انا بقا نفسي اعرررررررف ليه حطو ولاعه؟؟؟؟؟ سوال محيرني من مده

حضرتك فى طفايه فى العربيه

[asamir82]

انا بس عاوز اقول حاجة انا اعرف ناس معاهم مرسيدس والعربية بتعوم منهم على الطرق في مصر هم عايشين في الخيج وبيقولوا اصلا هناك الواحد بيمشي على ال 200 كم وهو سايب قيده لكن هنا وهم على ال 100 بيكلبش في الدركسون ياجماعة الكورولا عربية محترمة جدا وكاية بس عليها نسبة الامكان اللي فيها اللي في اوقات بتتخطى ال BMW واللي مش مصدق يدخل على السيت بتاع crach test بتاع الاتحاد الاوربي ويشوف النتائج بتاعت كل عربية ويقولي رايه
بلاش بس كل واحد يعملي فيها ابو العريف ويقولي اصل ثباتها مش عارف ايه وهي عربية ايه وعفشتها ايه اعتقد ان مش اي عربية بتدخل الاتحاد الاوروبي وكمان مش اي عربية ممكن تاخد rate كبير كدا من الفاضي ... وبعدين هي اصلا الطرق اللي في مصر دي يادوب تمشي عليها على 40 ... سلام يارجالة

[Sharky]

انا بس عاوز اقول حاجة انا اعرف ناس معاهم مرسيدس والعربية بتعوم منهم على الطرق في مصر هم عايشين في الخيج وبيقولوا اصلا هناك الواحد بيمشي على ال 200 كم وهو سايب قيده لكن هنا وهم على ال 100 بيكلبش في الدركسون ياجماعة الكورولا عربية محترمة جدا وكاية بس عليها نسبة الامكان اللي فيها اللي في اوقات بتتخطى ال BMW واللي مش مصدق يدخل على السيت بتاع crach test بتاع الاتحاد الاوربي ويشوف النتائج بتاعت كل عربية ويقولي رايه
بلاش بس كل واحد يعملي فيها ابو العريف ويقولي اصل ثباتها مش عارف ايه وهي عربية ايه وعفشتها ايه اعتقد ان مش اي عربية بتدخل الاتحاد الاوروبي وكمان مش اي عربية ممكن تاخد rate كبير كدا من الفاضي ... وبعدين هي اصلا الطرق اللي في مصر دي يادوب تمشي عليها على 40 ... سلام يارجالة

مرسيدس إيه إللى بتعوم على 100 كم /ساعة !!!!
ياريت الموديل و سنة صنع المرسيدس دى

ثم العيب دلوقتى بقى على الطرق المصرية مش على الكرولا :k20: