..:: تقرير عن vsc + الثبات الالكترونى الموجه للدركسيون للكورولا 2014 ::..

[abofandy]

بسم الله الرحمن الرحيم

تحيه طبيه لكل رواد منتدانا العظيم بصفه عامه

((( نيل موتورز )))

ورواد قسم تويوتا بصفة خاصة ومالكى الصقر

((( كورولا 2014 )))

النهاردة هنعمل تقرير عن VSC + وهى خاصية الثبات الالكترونى

يجب على طول فى بالك سوالين :...

1 - هو مش انتوا عملتوا تقرير قبل كدة عن ESP او الثبات الالكترونى اية لازمته ؟

* الجواب : يا فندم حضرتك عملنا عن الثبات الالكترونى الى اسمه ESP او VSC انما انا بقولك التقرير دة عن VSC + او الثبات الالكترونى الموجه للدركسيون .. اية الفرق .. دة الى هنعرفة فى تقريرنا اليوم

2 - هو انت بتقول كورولا 2014 يعنى دة موجود فى 2014 بس مش موجود ف 2015 ؟

* الجواب : انا اقصد ب 2014 من اول نزول الشكل الجديد ليس اكتر ولا اقل .. والخاصية دى موجودة فى الكورولا 2014 من اول فئة لانها استنادر

...:: نبدا التقرير بقى :::..

خاصية الثبات الالكترونى هى خاصية المساعدة بالتحكم بالعربية في كل الظروف الموجودة سواء السيئة او الجيدة و فاعليتة بتظهر اكتر عند الظروف السيئة كالأمطار والثلوج والطرق الرملية .

وتعددت اسمائه والمشهور هو ESP او VSC ولكن تويوتا تطورت منه واصبح VSC+ Vehicle Stability Control Plus

لمتابعه الموضوع الاول عن الخاصية الثبات الالكترونى للمهندس محمد هانى

http://www.nilemotors.net/Nile/413075-esp.html

* ما هو VSC+ Vehicle Stability Control Plus

VSC + نظام يعمل بطريقة مشابهة جدا لVSC ، ولكن عندما يكتشف ان هناك انزلاق او طبيعه غير عاديه فى الطريق زى رمل او اختلال فى انظمة الثبات الالكترونى او تمويج وترنح بالسياره وبدات السياره فى الانزلاق .....

تبدا السياره بفرمله العجله المناسبة حتى تسترد السياره مكانها تانى ومتعومش .. لحد دلوقتى كلنا عارفين ان دى خاصية الESp او VSC .. الاضافة بقى الى ضافتها الكورولا الجديدة هى ... الVSC + الذى يبدا دوره بالتوجيه الى حركه العجلات الاماميه الممثله فى الدركسيون ويقوم بالتوجيه الصحيح للمسار العجلات الاماميه وبالتالى تعديل وجه السياره بس كدة مما يسهل على السائق ل اتخاذ الإجراء الصحيح ... بس كدة ؟؟؟؟ لالالا

دة كمان بيمنع ان تحرك الدركسيون فى الاتجاه الخاطى للانزلاق حتى لا تتم زيادة الامور سوء والعربية تعوم اكتر ((( يعنى بيمنع ان تدخل غلط لو ادخلت بحركه دركسيون صح فهتلاقى كومبيوتر العربية سابقك فى الاتجاه الصحيح ولو غلط هيمنعك وكان الدركسيون مش مطاوعك فى الاتجاه الخاطىء دة )))

VSC+ feeds some corrective steering through to the front wheels, making it easier for the driver to take the correct action, and more difficult to apply incorrect inputs

بالعربى كدة تم التوجيه من قبل كومبيوتر السياره ... الدركسيون والعربية الى سايقة مش انت لحين استقرار الموقف وبعدين ابق سوق انت ..

نسهل الموضوع شوية بالصور

* اية الفائدة العائدة على السائق منه ....

تكمن الفائدة باضافة VSC+ الى الثبات الالكترونى ESP ان اتاح للسائق القدرة ع السيطره الصحيحه لمسار السياره من خلال حركه الدركسيون الصحيحه الموجه الى العجلات الاماميه للهروب من اى تصرف خاطأ ممن السائق يرتكبه نتيجة الارتباك او المفاجئه

* النظام دة موجود فى اى عربيات لتويوتا :...

• Auris
• Auris Hybrid
• Avensis
• Prius
• RAV4
• Verso
• Corolla 2014-2015

فى نهاية التقرير

اتمنى اكون قدرت اوصل المعلومه بشكل مبسط وتعم الفائدة للجميع

تحياتى للجميع

[Mohamed.Hany]

فعلا كل يوم يزيد اعجابي بالعربية الرائعة دي و تسلم علي التقرير و حلو اسم الصقر ده هههههه.

[blazer]

شكرا على المعلومه,, فعلا نظام متميز واتمنى تذكر الاجزاء الميكانيكة الى بتفعل النظام بتاع التوجية
وان كنت اعتقد ان كمبيوتر السيارده بيدى امر لل power steering انه يتقفل لو هتحود فى الاتجاه الخاطىء ويتعمله full activation لما تعمل steer للاتجاه الصحيح

[abofandy]

فعلا كل يوم يزيد اعجابي بالعربية الرائعة دي و تسلم علي التقرير و حلو اسم الصقر ده هههههه.

فعلا يا بش مهندس العربية دى كل يوم بنكتشف فيها حاجة جديدة وسواء الحاجة الجديدة دى كانت ميزة بنقولها ولو كانت عيب برضة بنقوله لان دى المصدقية فى نقل الخبر او الحدث

بالنسبة للتقرير فنتيجة النقاش الى حصل بينا اليوم ع الى حصل ليا النهاردة والحمد لله ربنا قدر ونجيت منه بفضلة فكان مفتاح السر هو vsc+ زى ما عملت يا هندسة قبل كدة تقرير عن esp تكتمل المنظومة اليوم بالثبات الالكترونى الموجه وفعلا اختراع ومحدش هيحس بيه الا لو كان فى الموقف الى انا كنت فية النهاردة
ويارب يسلم طريقنا كلنا ويحمينا

[abofandy]

شكرا على المعلومه,, فعلا نظام متميز واتمنى تذكر الاجزاء الميكانيكة الى بتفعل النظام بتاع التوجية
وان كنت اعتقد ان كمبيوتر السيارده بيدى امر لل power steering انه يتقفل لو هتحود فى الاتجاه الخاطىء ويتعمله full activation لما تعمل steer للاتجاه الصحيح

الشكر لله اخى الكريم
وشرح رائع فعلا للنظام لان دة الى بيحصل فعلا لما بيحصل اختلال فى نقطة معينه فى الاتزان بتلاقى حصل تفقيل للنظام وبيبان فى لوحة العدادت ان esp بدا ينور بس اكيد فى رعب الموقف والمفاجئة انت مش بتبقى مركز بس بتشوف ان فية ضوء فى التابلو نور يخطف عينه وبعدين بتركز ف الطريق

التفعيل للنظام زى ما وضحت لحضرتك اول حدوث الاختلال بيدا النظام يشتغل يبدا السينسور الى فى العجلات ينقل الحركات الى ع الارض للكومبيوتر وبيقوله مين العجله الى فية حركه ومين العجلة الى بتزلق وفى اى اتجاه يبدا يحلل الحركات وينقل الحركه للكبالن وعمود الدركسيون الى بدوره بيفعل النظام للتوجيه فى اتجاه او عكس العجلة المنزلقة ويمنع الحركه فى العجل الامامى للاتجاه الاخرة ان بيقفل ع الكوبلن التانى وعمود الدركسيون فى الحركه للاتجاه المعاكس حتى لا يزداد الامر سوء


الموضوع كبير اوى خصوصا فى الاجزاء الميكانيكه بس دى محتاجة حد متخصص فى الهندسة او الميكانيكا هيوضح فكره العمل او الشرح اكتر منى لان فى الهندسة مفيش ومش بحب افتى او ابوظ معلومات بس دة الى انا قدرت افهمه من فكره العمل المعقدة وابسطها ويارب يكون ربنا وفقنى فى ايصال المعلومه بسيطة

[AlGazar2]

اعتقد النظام ده شغال على علبة الدركسيون مش الطرمبة خصوصا ان التويوتا فيها بارك اسيست بيحرك العجل يمين و شمال بالكامل عشان يركن العربية

فالجزء المسئول عن البارك اسيست فى تحريك الدركسيون هوه الى بيوجه العجل فى الوقت ده مع نظام الفرامل عشان يتحكم فى العربية عن طريق ال vsc او ال esp

[ahmedelaraby]

في حاجة مهمة قد اكون اخطأت فيها وهي ان النظام ده ممكن يضرك اكتر في مواقف معينة

يعني مثلا بتجري ع الصحراوي وفجأة الطريق وقف ومفيش غير نص حارة بس هي اللي ممكن تعدي منها فبتنزل بعجلتين على الرملة وعجلتين على الاسفلت (النص حارة) لحد هنا نظام ال esp شغال و 100 % تمام انه خفض سرعة العجلتين اللي على الاسفلت عشان العربية متنحرفش

نيجي بقى للنظام +vsc طريقة عمله حسب فهمي انه هيحاول يعدل مسار العربية عشان تكون كلها على الاسفلت وفي الحالة دي هيروح ناحية العربية الموجودة على الاسفلت لانها ساعتها هتكون جانبك ومفيش مساحة كافية انك تطلع بعربيتك كلها على الاسفلت وهنا هتكون الكارثة


كلامي ده عن تجربة فعلية للسيراتو وانا مسافر بيها اسكندرية ان الطريق كان قفل عليا في كل الحارات ومفيش غير اني اعمل كدة وعديت بخير وسلامة الحمد لله

كلامي للتوضيح ليس اكثر ولا اعيب ف العربية اطلاقا انا بس مفهمتش النظام ده فكريته ايه لان ممكن يكون في نظام مفيد لدول تانية مش مفيد لينا

[Mohamed.Hany]

في حاجة مهمة قد اكون اخطأت فيها وهي ان النظام ده ممكن يضرك اكتر في مواقف معينة

يعني مثلا بتجري ع الصحراوي وفجأة الطريق وقف ومفيش غير نص حارة بس هي اللي ممكن تعدي منها فبتنزل بعجلتين على الرملة وعجلتين على الاسفلت (النص حارة) لحد هنا نظام ال esp شغال و 100 % تمام انه خفض سرعة العجلتين اللي على الاسفلت عشان العربية متنحرفش

نيجي بقى للنظام +vsc طريقة عمله حسب فهمي انه هيحاول يعدل مسار العربية عشان تكون كلها على الاسفلت وفي الحالة دي هيروح ناحية العربية الموجودة على الاسفلت لانها ساعتها هتكون جانبك ومفيش مساحة كافية انك تطلع بعربيتك كلها على الاسفلت وهنا هتكون الكارثة


كلامي ده عن تجربة فعلية للسيراتو وانا مسافر بيها اسكندرية ان الطريق كان قفل عليا في كل الحارات ومفيش غير اني اعمل كدة وعديت بخير وسلامة الحمد لله

كلامي للتوضيح ليس اكثر ولا اعيب ف العربية اطلاقا انا بس مفهمتش النظام ده فكريته ايه لان ممكن يكون في نظام مفيد لدول تانية مش مفيد لينا

النظام ده بيشتغل لما العربية تعوم فقط و انت مش عارف تسيطر عليها بيرجعها للمسار الصحيح اما الموقف اللي حضرتك بتتكلم عليه فانك نزلت في الرمل بتوجيه منك ماهو لو حضرتك معاكش esp و العربية معومتش فده برضو هيحصل فاللي فيها esp و مش هتعوم لان ال esp مش شغال ليل نهار هو بيشتغل في المواقف الخطرة القوية فقط و ده موقف ميستدعيش كدة و ال trc هيقون بالواجب و زيادة لان الموقف مش علي سرعة رهيبة و عجلتين فقط اللي في الرملة بجانب ال ebd و ال abs فهما كافيين جدا في الموقف ده
ثانيا لو الحدفة قوية جدا ليه هنفترض انها هتعوم علي العربية ليه مش العكس ده حسب الموقف و في كلا الحالتين ال vsc هيكون افضل لانه هيقلل الزحلقة و في اتجاه معين .
ثالثا النظام بيوجه الدركسيون و بيتقل فى الجهة العكسية و لو كسرت بقوة جامد النظام بيستجيب و لكن بصعوبة .
في النهاية لو فكرنا فيها سواء هيوجه العربية في العريية او في الرصيف ففي النهاية حادثة بس العواقب لو السرعة عالية جدا هتبقي اقل عشان الخبطة و العربية بتلف غير و هي لاما نفسها و لازم نعرف ان ده نظام من صنع اابشر ممكن يبقي فيه اخطاء زي بالضبط نظام ال abs ليه عيوب ان في مواقف معينة بيطول مسافة الفرملة و لكن في حالة حضرتك مدام العربية من غير esp و معومتش يبقي نفس الموقف هيحصل مع الل فيها esp المشكلة بقي لو موقف حصل فيه تصادم بعربية من غير esp و عمومت هيبقي الخسائر عاملة ازاي لو العربية فيها

[abofandy]

اعتقد النظام ده شغال على علبة الدركسيون مش الطرمبة خصوصا ان التويوتا فيها بارك اسيست بيحرك العجل يمين و شمال بالكامل عشان يركن العربية

فالجزء المسئول عن البارك اسيست فى تحريك الدركسيون هوه الى بيوجه العجل فى الوقت ده مع نظام الفرامل عشان يتحكم فى العربية عن طريق ال vsc او ال esp

كلام صحيح وتحليل رائع تشكر ع اية

[abofandy]

في حاجة مهمة قد اكون اخطأت فيها وهي ان النظام ده ممكن يضرك اكتر في مواقف معينة

يعني مثلا بتجري ع الصحراوي وفجأة الطريق وقف ومفيش غير نص حارة بس هي اللي ممكن تعدي منها فبتنزل بعجلتين على الرملة وعجلتين على الاسفلت (النص حارة) لحد هنا نظام ال esp شغال و 100 % تمام انه خفض سرعة العجلتين اللي على الاسفلت عشان العربية متنحرفش

نيجي بقى للنظام +vsc طريقة عمله حسب فهمي انه هيحاول يعدل مسار العربية عشان تكون كلها على الاسفلت وفي الحالة دي هيروح ناحية العربية الموجودة على الاسفلت لانها ساعتها هتكون جانبك ومفيش مساحة كافية انك تطلع بعربيتك كلها على الاسفلت وهنا هتكون الكارثة


كلامي ده عن تجربة فعلية للسيراتو وانا مسافر بيها اسكندرية ان الطريق كان قفل عليا في كل الحارات ومفيش غير اني اعمل كدة وعديت بخير وسلامة الحمد لله

كلامي للتوضيح ليس اكثر ولا اعيب ف العربية اطلاقا انا بس مفهمتش النظام ده فكريته ايه لان ممكن يكون في نظام مفيد لدول تانية مش مفيد لينا

زى ما البش مهندس محمد قال لحضرتك
الموقف الى حضرتك حكيته مفيش فية اختلال بالاتزان او الثبات علشان كدة التوجيه مش هيتشغل من االاساس
لازم الموقف يستدعى انه يعمل يعنى العربية بدات تخل اتزانها وبدات تعوم منك جامد وهتعرض ع الطريق هيبدا النظام يعمل مع التعزيز بالتوجيه للدركسيون فى الاتجاه الصحيح وغلق او لوك للاتجاه الخاطى الى هيزيد من الامر سوء

[semsem5144]

من يوم ماشتريت العربية وانا عاوز اعرف النظام ده بيشغل ازاي مع الفرامل المفاجئة وبالصدفه من كام يوم جربته , كنت ماشي بليل على سرعة 120 تقريبا ومره واحده لقيت الشارع مقفول وفيه تحويله بزاوية قائمه للشمال دوست فرامل للاخر ال abs اشتغل بس المسافه كانت قريبه جدا فلفيت الدريكسيون شمال للأخر العربيه فى اقل من ثانيه كنت وزعت الفرامل بطريقه غريبه لدرجة اني سمعت صوت كان حديد بيحتك ببعضه ووش العربيه اتظبط على الدريكسيون بالظبط ودخلت الشارع بسرعة 60 تقريبا ( العربية اوريون 2013 )
شكرا تويوتا

[abofandy]

فعلا نظام جميل جدا وبينقفذ فى المواقف الصعبة
ربنا يسترها يارب

[mostafa3000]

تقرير رائع

[abofandy]

اشكرك يا مصطفى بيه ع الرد والمرور الجميل دة
ويارب دايما منورنى فى القسم ع طول

[ahmedelaraby]

شكرا للافادة