سبب وجود كورولا الشكل الجديد كتير جدا كسر زيور للبيع؟؟!!

[yasser100]

الموضوع ببساطه و ده بيحصل فى العربيات اللى بتبيع كويس فى السوق . انه الناس بتاخد قروض شراء سياره او شرا عربيه بالتقسيط بضمان المرتب و يروح على ماركه تكون بياعه و يتعاقد و يشتريها و يعرضها بيع كسر زيرو و يسيل الفلوس كاش و يكمل تقسيطها مع البنك و خصوصا فيه بنوك كتير دلوقتى مش عامله حظر بيع ضمان شيكات بنكيه . طبعا مش هايروح يشترى عربيه تقيله فى بيعها و شوفت ناس كتير بتعمل كده . من
الاخر تجاره .

[shifoo68]

ايه يا جماعة سر وجود عدد كبير جدا من كورولا الشكل الجديد معروض للبيع كسر زيرو كيلوات اقل من 20 الف كم؟؟؟

حضرتك انا سالت السوال دة ميت مرة ومافيش رد نافع الكورولا والسيراتو 2014 و 2015 كل واحد حجة هايفة قوى دواعى السفر طبعا دة رد اهبل قوى لان فى ناش اشترت باوفر برايس كمان ولازممممممممم حيخسر جزء من الفلوس بس هيا سمعة على العربية مش حلوة ومحدش يقول قطع غيار مبالغ فيها جميع توكيلات مصر حتى الصينى قطع غيار مبالغ فيها جدا وفى عربيات منتشرة وتركى برضة وباشوفها فى الشارع كتير ومافيش منها كسر زيرو للبيع وبصراحة تقفيلها انظف من الكورولا بمراحل وهيا الهوندا سيفيك 2014 او 2013 اكيد فى سبب بخصوص الكورولا والسيراتو يا ريت نعرفة

[S O P H O S]

فرأي دي حركة سوق دايما كده
مش لمشكلة فالعربية
والله اعلم

[mzowail]

السؤال هو في حد اشتكي و في اي شكوي عامه علي العربية (غير الارتفاع و تم حله) ؟

في الواقع هي عربيه العام بجميع المقايس

انا كان اختياري 508 2013 و بحمد ربنا اني جبت الكورولا

انتو بتكلمو في ايه يا جماعه الكورولا علمت علي السوق و خلاص

ملقوش في الورد عيب..............كملو انتو

[mzaher]

السؤال هو في حد اشتكي و في اي شكوي عامه علي العربية (غير الارتفاع و تم حله) ؟

في الواقع هي عربيه العام بجميع المقايس

انا كان اختياري 508 2013 و بحمد ربنا اني جبت الكورولا

انتو بتكلمو في ايه يا جماعه الكورولا علمت علي السوق و خلاص

ملقوش في الورد عيب..............كملو انتو

طيب ويا تري ليه حضرتك فضلت تجيب كورولا عن 508؟؟

[hany63]

طيب ويا تري ليه حضرتك فضلت تجيب كورولا عن 508؟؟

تقدر تقول فلكلور شعبي
بمعنى ثقافة السوق المصري
الكورولا تعتبر فعلا على مر السنين سيارة الشعب و انا عندي واحده ٢٠٠٦ استحاله افرط فيها عشان بتستحمل هري المدام و الاولاد
انما لما نييجي نقارن الصراحه كركوبه الكورولا في منطقه و ال٥٠٨ في منطقه تانيه خالص شكلا و موضوعا

[mzowail]

طيب ويا تري ليه حضرتك فضلت تجيب كورولا عن 508؟؟

1- طيب انا كان معايا الميجان الهاي لاين, عربيه تحفه بس لازم تاخد بالك من كل حاجه (طريقة السواقه - الفتيس - يعني العربيه حساسه في كل حلجه (طب ليه وجع الدماغ) - و بعدين قعدت 6 شهور علشان اعرف ابيعها!! علشان عايز سعر يناسبني

نيجي للكورولا ( شكل - اوبشنز كل الي انت عايزو و اكتر - توكيل محترم - سلاسه في النقلات مش موجوده في الـ508 و دي حاجه مهمه جدا في الطرق المصريه - اعادة بيع - موتور اديلو بنزين 50 هايمشي بردو )

ال508 اركبها في دبي المانيا كده

انما هنا في بلدك اركب تويوتا و ده راي الشخصي.

و بعدين الكورولا اوسع من ال508 في الكنبه الي ورا :) علشان العيال و كده.

ممكن اكون متحيز شويه بس مش قوي و صباح الفل علي كل الناس

[hany63]

1- طيب انا كان معايا الميجان الهاي لاين, عربيه تحفه بس لازم تاخد بالك من كل حاجه (طريقة السواقه - الفتيس - يعني العربيه حساسه في كل حلجه (طب ليه وجع الدماغ) - و بعدين قعدت 6 شهور علشان اعرف ابيعها!! علشان عايز سعر يناسبني

نيجي للكورولا ( شكل - اوبشنز كل الي انت عايزو و اكتر - توكيل محترم - سلاسه في النقلات مش موجوده في الـ508 و دي حاجه مهمه جدا في الطرق المصريه - اعادة بيع - موتور اديلو بنزين 50 هايمشي بردو )

ال508 اركبها في دبي المانيا كده

انما هنا في بلدك اركب تويوتا و ده راي الشخصي.

و بعدين الكورولا اوسع من ال508 في الكنبه الي ورا :) علشان العيال و كده.

ممكن اكون متحيز شويه بس مش قوي و صباح الفل علي كل الناس

واضح انك مريت بتجربه صعبه مع الميجان و انا نفسي مريت زمان بتجربه زفت مع بيجو ٢٠٥
بس معظم العناصر اللي حضرتك ميزتك فيها الكورولا للاسف الحقيقه عكس كده و دي حقايق مش راحه شخصيه ماعدا يمكن موضوع التوكيل و اعادة البيع بس برضه عايز اقول لك ان لو العربيه حلوه و مفيهاش مشاكل هتحس ان التوكيل زي الفل و العكس تماما و عندك مواضيع بالهبل بتسب و تلعن في توكيل تويوتا ايام الفتيس ال mmt و حاليا لما الشركه الام نزلت بالفتيس الجديد التوكيل بقى اكثر من رائع
احسن حاجه في حضرتك انك قلت انك متحيز و انا كنت زيك بالمناسبه لما قلت قبل كده ان الهوندا برقبة الباسات بس انا الصراحه كان عندي حق و مش تحيز عشان كنت غيرت ٢ فتيس و بعت بخساره ٧٠ الف جنيه
و عموما الكورولا تعتبر الاختيار الامثل للشخص اللي عايز حاجه عمليه للمشاوير اليوميه
تحياتي

[Sameh samy]

سعرها مبالغ فيه بالنسبة لامكانيتها

بالنسبة للسوق المصري السعر غير مبالغ فية بالنسبة لامكانياتها

بالنسبة لامكانياتها تعالي نشوفها سوا وطلعلي عربية فيها الامكانيات دي ارخص

انظمة ثبات trc vsc
فرامل abs abd ba
تكييف dual zone
جنوط اسبور
فتيس cvt وغير اي فتيس cvt في مصر
hill assistant
dvd +blutooth
تارة مالتي
مثبت سرعة
كروز كونترول وشاشة اعطال
مرايات ضم
7 ايرباج
عفشة رياضية
باور كهربا متغير مع السرعة
موتور ناعم بكاتينة جنزير
كاوتش بردجستون تورانزا
اوتوبارك
حساسات ورا وقدام وجناب وكاميرا خلفية
حساسات مطر واضاءة وسمارت كي
نظام صوتي رائع موش موجود في اي عربية مماثلة
حلت معادلة الارتفاع مع الثبات
سبورت مود وكمان ستبترونيك
اوسع صالون 1600 تركبو
تابلوة فخم جدا
ايريال مدمج وسخانات ازاز خلفي ومرايات
مراية زاتية التعتيم
واللة من كتر الامكانيات معدتش فاكر حد يكملي

هات الامكانيات دي في عربية ياباني (بالسعر دة ) ومتقوليش لا فرنساوي ولا بتاع عشان محبش العربيات المشاكل

[Sameh samy]

بدون تحيز واللة يا جماعة الكورولا محدش طلع فيها عيب جوهري كموتور او فتيس او عفشة لحد دلوقتي وعربيها سمعتها فل علي مدي السنين وانا كان معايا كرولا 94 ولما جبت نوبيرا زيرو كنت قرفان منها الاول وبعدين رجعت جبت كرولا تاني وانا في رايي العربية دي تتفوق علي اي عربية كوري او فرنساوي او حتي ياباني في السوق المصري (فئة 1600) في الفئة لحد 240 الف جنية

[hero]

انا بقالي فترة متابع اخبار السيارات الجديدة....و خصوصا الاوكتافيا الـ a7 الجديدة لان شكلها عاجبني و تحفة...

بس لما تشوف ازاي عربيات زيرو ما كملتش 1000 كم...و بيطلع فيها كوارث اعطال و تغيير فتيس..و طرمبة بنزين تضرب علي الطريق الدولي .... تحس انك هاترمي فلوسك علشان الشكل و الاسم و الموديل...لا و العربية ايلي سعرها قرب من الربع مليون ممكن تموتك علي الطريق....

بصراحة تويوتا...مالهاش حل....سيبكوا من اي كماليات او شكل ....العربية دي كفاية انها ما بتعملش معاك موقف يحرجك او يعرضك للخطر....

يكفي الكورولا اعتماديتها....حتي لو من غير اي اوبشن....عربية ما تقفش علي طريق و لا تعطل معاك...حتي لو كنت مهمل في صيانتها و التعامل معاها.....

ربنا يمتع كل ملاكها بيها و يعطيهم خيرها و يكفيهم شرها....و يرزقنا و يفتح علينا و نجيب واحدة....:)

[hamo81]

الموضوع ببساطه و ده بيحصل فى العربيات اللى بتبيع كويس فى السوق . انه الناس بتاخد قروض شراء سياره او شرا عربيه بالتقسيط بضمان المرتب و يروح على ماركه تكون بياعه و يتعاقد و يشتريها و يعرضها بيع كسر زيرو و يسيل الفلوس كاش و يكمل تقسيطها مع البنك و خصوصا فيه بنوك كتير دلوقتى مش عامله حظر بيع ضمان شيكات بنكيه . طبعا مش هايروح يشترى عربيه تقيله فى بيعها و شوفت ناس كتير بتعمل كده . من
الاخر تجاره .

أنا رأي زيك بالظبط