تويوتا كورولا 2006 حالة ممتازة

[osoo22]

السلام عليكم ،،،،رجاء المساعدة فى بيع عربية كورولا 2006 بالمواصفات التالية :.1. 1600 cc2. فابريكة برة و جوة.3. ABS4. Airbags5. جنوط اصلى.6. سبويلر.7. 120000 km.8. DVD.يا ريت يا جماعة تقولولى تجيب كام ، الناس الى ليها خيرة و متشكر قوى .

[ENG.MaRk]

125000

[osoo22]

متشكر جدا عل ردك يا باشا . ممكن اخد رايك هل تستاهل الملغ ده لو حضرتك ركبتها قبل كده ؟

[ENG.MaRk]

بص يا باشا حضرتك أنا أسف لو كلامي هيزعلك بس أنا شخصيا مادفعش فيها و لا 80000 أصلا ... العربية واخدة سمعة علي الفاضي و بصراحة ماعجبنيش فيها غير عفشتها !!!
-مش أنا اللي أحكم و أقول هي تستاهل كام ... ديه حالة السوق عامة ... أتمني لك التوفيق و لو عندك أي استفسار أنا موجود و تحت أمر حضرتك في أي وقت ... ممكن كمان تعرضها علي 130000

[J A G U A R]

مانيوال ولا اوتو

[osoo22]

Automatic ya basha

[J A G U A R]

حدود 115

وممكن تلاقى اللى بيطلب فيها 140 الف عادى

وهيا متساويش 80 الف

[S O P H O S]

من 110 الي 115 لو بتشتري مش بتبيع
وده لو فعلا حالتها ممتازة وواقفة مش محتاجة مصاريف
ولو عرفت تجبها اقل من كده يبقي خير طبعا
ومسألة تستحق ولا لا دي وجهات نظر
فالسوق هتشوف عربيات كتيرة بتتباع بنفس سعرها واغلي بعد الناس ما استعملتها 5 و6 سنين
ومش بعيد عالكورولا تبقي كده قصاد العربيات الي بتوصل احيانا ان مفيهاش ايرباج
مع اني شايف اسعار الكورولا عموما غالية بزيادة
ولكن احنا الي بنتشري كل ما التجار يغـــلو الاسعار وكل ما يغلو اكتر نشتري اكتر
ودي النهاية

[منعم]

ممكن تعملى خدمة وتجيبهالى وانا هشتريها فورا لو تكرمتم

[egytamer]

العربية دي مطلوبة جدا في مصر ودا الي مخلي سعرها غالي جدا علي الفاضي هي عربية كويسة بس عادية متستاهلشي السعر الهلامي دا ودا عيب ثقافة الشعب المصري.
ربنا يكرمك وتبيعها باحسن سعر وتجيب احسن منها

[mody112]

ربنا يحسن لك بيعها
بصراحة العربية حلوة بس سعرها فى السوق مبالغ فيه جدا وانت طبعا هتبيع حسب السوق

[منعم]

ممكن تليفون حضرتك لانى محتاج عربية زيها لوتكرمتم