اسفسار قبل حجز كورولا 2015

[megaarts]

السلام عليكم ورحمة الله
عندي سؤال لملاك الكورولا الجديدة انا بفكر اتوكل علي الله واشتريها ونزلت فعلا اتفرجت عليها
هيا ما شاء الله تحفة فى التصميم من جوة وبرة بس لاحظت ان خامات الطابلوة من حلوة قوي فهل فعلا بعد الاستخدام الخامات مش كويسة؟؟

وسؤال تاني لو سمحتم
البياع الي كنت معاه في المعرض قلقني منها وقالي ان فيها مشاكل عشان التقفيل التركي وقعد يقنعني بالسيراتو فهل فعلا فيها مشاكل زي ما بيقول ولا دة مجرد كلام عشان يقنعني بالسيراتو ؟؟

وهل يا جماعه الفتيس في مشاكل ولو جبت المانيول هيبقى افضل ؟
ولكم جزيل الشكر

[bassem.naguib]

السلام عليكم ورحمة الله
عندي سؤال لملاك الكورولا الجديدة انا بفكر اتوكل علي الله واشتريها ونزلت فعلا اتفرجت عليها
هيا ما شاء الله تحفة فى التصميم من جوة وبرة بس لاحظت ان خامات الطابلوة من حلوة قوي فهل فعلا بعد الاستخدام الخامات مش كويسة؟؟

وسؤال تاني لو سمحتم
البياع الي كنت معاه في المعرض قلقني منها وقالي ان فيها مشاكل عشان التقفيل التركي وقعد يقنعني بالسيراتو فهل فعلا فيها مشاكل زي ما بيقول ولا دة مجرد كلام عشان يقنعني بالسيراتو ؟؟

وهل يا جماعه الفتيس في مشاكل ولو جبت المانيول هيبقى افضل ؟
ولكم جزيل الشكر

مبدئياً شوف أراء الناس في العربية أيه .. وشوف أنت ميال لأيه .. وأعمل استخارة وتوكل على الله

سيبك من كلام البياعين لسبب بسيط لأنه بيبقى ليه نسبة مكسب أكتر في بيع نوع معين .. وبالتوفيق إن شاء الله .

[megaarts]

شكرا يا استاذ باسم علي سرعه الرد و ارجو من باقي الاعضاء افادتي بتجرتهم للعربيه

[sas5]

قل للبياع بونص البيع للسيراتو كام سوف تجده ضعف البونص بتاع تيوتا وبالتالى الاكسب له بيع السيراتو

[Sameh samy]

الكورولا افضل من السيراتو مافيش كلام

[Mohamed.Hany]

بمنتهي البساطة ليه السيراتو موجودة عنده تسليم فوري و بسعر اقل من سعر الوكيل و ليه الكورولا عند نفس المعرض بححز و بتتباع بسعر اعلي اوفر برايس ؟
من الجملة دي تقدر تعرف هو ليه بيقولك سيراتو عشان هو ضامن كدة كدة يبيع كورولا و بسعر اعلي و لكن الاقبال علي السيراتو اقل من الكورولا .

[megaarts]

الف شكر يا جماعه علي الردود بس محدش جاوبني بخصوص خامه الطابلة واجزاء البلاستيك الداخلية عموما
وبرضو بخصوص الفتيس الاوتوماتيك ليه مشاكل ولا لأ وهو افضل ولا المانيول من حيث الصيانه

[pharonicking]

الخامات كويسة """ والاوتوماتيك احسن طبعا""

[Hunting_Eagle]

الكورولا افضل من السيراتو مافيش كلام

ليه ؟

الف شكر يا جماعه علي الردود بس محدش جاوبني بخصوص خامه الطابلة واجزاء البلاستيك الداخلية عموما
وبرضو بخصوص الفتيس الاوتوماتيك ليه مشاكل ولا لأ وهو افضل ولا المانيول من حيث الصيانه

الخامات فعلا سيئة .. وده كان سبب من الاسباب اني ما اشترتش كورلا و اشتريت سيراتو

الخامات في السيراتو مش حلوة اوي لكنها افضل من الكورولا

الفتيس المانيوال اكيد افضل في الصيانة و الاعتمادية .. بس هو حد بيركب مانيوال في الزحمة بتاعة مصر .. و حتى لو اشتريت المانيوال العربية هتبقى مفيهاش كماليات زي الاوتو

[Mohamed.Hany]

ليه ؟



الخامات فعلا سيئة .. وده كان سبب من الاسباب اني ما اشترتش كورلا و اشتريت سيراتو

الخامات في السيراتو مش حلوة اوي لكنها افضل من الكورولا

الفتيس المانيوال اكيد افضل في الصيانة و الاعتمادية .. بس هو حد بيركب مانيوال في الزحمة بتاعة مصر .. و حتى لو اشتريت المانيوال العربية هتبقى مفيهاش كماليات زي الاوتو

الخامات مش سيئة يعني مشفناش حاحة شققت و لا حاجة قشرت و لا حاجة اتكسرت .
الفتيس الاوتوماتيك ال cvt عالمي و موفر جدا للبنزين و بدون مشاكل غيار الزيت بتاعه كل 100 الف كم .
بالنسبة بقا ليه الكورولا احسن من السيراتو عشان سيراتو عربية بتزل عوامل الامان كاوبشن زي abs ebd bas airbags و بتدفع فلوس عشان تشتري عوامل امان بعكس الكورولا فيها كل الكلام ده ستاندرد و طبعا غير الثبات الالكتروني vsc+ و نظام المساعدة في التلال hac و نظام المساعدة في الجر trc و نظام ebl كلها مش موجودة في السيراتو حتي الهاي لاين و موجودة ستاندرد في كل فئات الكورولا و طبعا دي كلها عوامل امان اساسية لتويوتا .
و عيب السيراتو القاتل هو الجنط ال 17 اللي منشف ااعفشة و صديقي لسة مغير فردتين جابو باللونة بسبب جنط 17 .
غير طبعا مأساة غلو قطع غيار السيراتو الناااار اللي تخلي سعر الفانوس ب 6500 جنيه و الفاونس الخلفي 5300 جنيه و سعر الرفرف 4000 جنيه الاسعار دي مش بنشوفها حتي في الاوروبي و اسعار الكورولا نصف الاسعار دي او اقل

[megaarts]

الف شكر يا جماعه والله فعلا استفدت من الردود كتير وان شاء الله هستخير ربنا واتوكل على الله واحجزها
انا بس ليا سؤال اخير بخصوص اسعار قطع الغيار الاساسية الي بتتغير فى الصيانات العاديه زي التيل والبوجيهات والسيور الخ....

[Optiplex]

الاستاذ الفاضل صاحب الموضوع بلاش تتوة نفسك شوف انت مستريح لاسم مين الاول و اعتقد ان اسم تويوتا لوحدة كافى بالنسبة لخامات الداخلية فهى مش جيدة جداا و ليست سيئة للدرجة و فتيسها من احسن ما نزل فى كرولا و ليس بة اى مشاكل عالاطلاق و دة مش من كلامى فقط فى اعضاء افاضل فصصوى و شرحوة بالتفصيل الملل عارف يا هندسة من حبى فى العربية دة جبت واحدة تانية و كل لما اجى افكر فى عربية اعلى منها مش مثلا سيراتو لا بقول اعلى منها احس انى هافرط فى عيل من عيالى و بقول عربيتى احسن من الى هاغيرها و فرق السعر انا اول بية و شوف انت مستريح لاية و بالتوفيق