الحمد لله استلمت الكورولا الجديده

[hossamgh1312]

الحمد لله استلمت الكورولا الجديدة بعد تفكير كتير و المقارنة بينها و بين نفس العربيات اللي ف نفس الفئه و الحمد لله وقع الاختيار عليها و بشكر جدا منتداكم المحترم اللي ساعدني كتير ف المقارنه
لحد دلوقتي عملت بيها 320 كم تقريبا و كل يوم بيزيد اقتناعي بالعربيه و الحمد لله
أنا لما جبت العربيه كان الايكو شغال علطول عملتلو أوف دا عادي و لا اخليه شغال علطول
الاتو بارك مش عارف بيشتغل ازاي و هل هو متفعل و لا لأ مش،عارف
كنت عايز استخدم مثبت السرعة بس مش،عارف بيشتغل ازاي

[temoinlove]

مبروك عليك السيارة وربنا يديك خيرها ويكفيك شرها آمين يارب

[beshoyyy]

مبرووك عليك و علي فكرة انا اخويا لسه حجزها و مستني التسليم
مبرووووك

[abofandy]

الف مبروك الاستلام ربنا يبارلك فيها
بالنسبة للايكو فهو indicator فقط يعنى زى موشر .. يعنى لما انت تلغية مش معنى كدة انك شغال من غيره ولكن هو موشر فقط بيوريك اذا كنت بتوفر بنزين ولا لا


بالنسبة لاوتو بارك علشان تعرف انت متفعل ولا لا .. والعربية دايره هتغضط على زرا الاوتو بارك لو طلعت رسالة فى امام فى العدادت يبقى عايز يتفعل والطريقة هقوللك .. لو مطلعش رساله وشوفت صورة سياره يبقى متفعل وهتبدا تتحرك بالسياره لما الحسسات تستكشف ان فيه ركنه مناسبة وتقولك

بالنسبة لطريقه التفعيل :
1* دور السياره
2* اضغط ع زرار الاوتو بارك
3* حرك الدركسيون لاقصى الشمال ثم الى اقصى اليمين ثم الى المنتصف تمام
4* مبروك تم التفعيل

[S O P H O S]

الف مبـــروووك يا باشا

[mnashat77]

الف مبرووووك عليك ،،و دكتور ابو فندي قام بالواجب وجاوب ع الاسئله ؛)

[Optiplex]

مبرووك عليك و ربنا يحفظهاللك

[hany_land]

ممكن حضرتك تقولي استلمت بعد اد ايه من الحجز و كان معاك وسطةفي التوكيل وﻻ عادى

[sonaeg]

الف مبروك ربنا يديك خيرها ويكفيك شرها

[hossamgh1312]

ألف مليون شكر على المرور الكريم لحضراتكم و شكر خاص لأبو فندي هجرب اللي حضرتك شرحته و اعرفكم
بالنسبه أنا مش جايبها من التوكيل أنا جايبها من أحد الموزعين الكبار و معمول معايا فيها واجب ف الاستلام و ف الأوفر برايس

[man1974]

ألف مبروك، ربنا يعطيك خيره، ويكفيك شرها.

[ahm.mega007]

الف مبروك يا باشا وربنا يكفيك شرها ويبعد عنك العين

[hossamgh1312]

شكرا لأبو فندي الحمد لله تم تفعيل الاوتو بارك بس ناقص يتجرب