هل يوجد حل لإحتكاك تويوتا كورولا 2015 بالمطبات

[shadymfm]

زملائى الإعزاء أرجو المساعدة
أنا لسه مشترى سيارة تويوتا كورولا 2015 الفئة الثانية، و أواجه مشكلة معها
فعندما أسير بها و معى ركاب آخرون (واحد بجوارى و إثنين خلفى) و حقيبة السيارة فارغة تماماً يحدث إحتكاك بين السيارة و بين بعض المطبات الصناعية و لا يحدث هذا عندما أقود السيارة منفرداً.
فهل يمكن حل هذه المشكلة؟
مع العلم أنى مقيم فى سفاجا بالبحر الأحمر و لسه السيارة على الزيرو.
و لكم خالص الشكر و التحية

[john55]

العيب مش منالعربيه العيب فياللي عمل المطبات زي الجبال مفيش بلدفي العالم بيعمل مطبات زي الجبل انا نفس مشكلتك الحل حاول تاخد المطبات بزاويه بنسبه90% مش حتحك تحياتي

[Mohamed.Hany]

اتاكد من ضغط الكاوتش الموصي بيه علي ٣٣
خد المطب براحة

[shadymfm]

كل الشكر للإخوة الأفاضل على الإستجابة و النصائح.
لكن أكيد لا يوجد مشكلة فنية فى السيارة سبب هذه االظاهرة ؟
و ما هو تأثير هذه الإحتكاكات على السيارة ؟

[john55]

اغلبيه حك العربيه في الشكمان او السنون اللي بترفع منها العربيه بتتعوج من الحك والله العيب من المطبات مش من العربيات خالص

[aboghazalla]

يا جماعة العربية واطية جداااا ودا من وجهة نظرى عيييييييييييييييييييييييييب صناعة كبير اوى عيب شركة محترمة زى تويوتا تغلط غلطة زى دى انا معايا عربية هوندا و تويوتا 2015 مع ان الناس كلها بتقول الهوندا واطية بس مفيش مقارنة بين الاتنين التويوتا مينفعش تكون كدااا العربية واطية جدا

[ashouhdy]

التوكيل بيعليها في الضمان

[Hany Saad]

التوكيل بيعليها في الضمان

اللى معاه نازلة متعلية جاهزة....دى موديل 2015
اللى التوكيل بيعليها هى أول دفعات من 2014

تحياتى

[ashouhdy]

اللى معاه نازلة متعلية جاهزة....دى موديل 2015
اللى التوكيل بيعليها هى أول دفعات من 2014

تحياتى

يبقي يغير مقاس الكاوتش ب بروفايل اعلى 5 درجات حتبقي في المسموح و حترفع العربية حوالى سنتى ونص

[shadymfm]

اتاكد من ضغط الكاوتش الموصي بيه علي ٣٣
خد المطب براحة

بعد الأخذ بنصيحة الأخ الفاضل محمد هانى، أصبحت أدخل على أى مطب عنيف واحدة واحدة على أقل من مهلى، فإختفت معايا ظاهرة الإحتكاك بالمطبات العنيفة.
فهل بذلك لم تعد هناك حاجة لطلب تعلية السيارة فى التوكيل؟
ولا الأفضل أننى أطلب تعليتها؟ خاصة أننى أخشى عند زيادة تحميل السيارة بالأشخاص و الحقائب تعود تانى هذه الظاهرة.
و لكم جميعاً خالص الشكر و التحية

[yasser100]

ده معناه انه تعلية التوكيل كانت افضل لموديلات 2014 عن اللى نازله عالى من المصنع موديل 2015 ؟؟

ما فيش حد اشتكى من الاحتكاك من ملاك موديل 2014 بعد التعديل .

[sameh saker]

انا معى كرولا 2015 الفئة الاولى وبرده عندى مشكلة الحك فى المطبات لما اكون محمل وبالسؤال التوكيل قالولى ان الموديل بتاعك متعدل فعلا والمشكلة فى المطبات العشوائية الصنع والعربية مصفحة من اسفل ولما حكيت كتير قلت لنفسى لازم انزل واتفرجع على العربية بنفسى ووجدت ماسورة بعرض العربية بين فردتين الشاسية تحت عصاية الفتيس تقريبا ووجدت انها هية الحماية التى تحك بالعربية فى جميع المطبات

[sameh saker]

انا معى كرولا 2015 الفئة الاولى وبرده عندى مشكلة الحك فى المطبات لما اكون محمل وبالسؤال التوكيل قالولى ان الموديل بتاعك متعدل فعلا والمشكلة فى المطبات العشوائية الصنع والعربية مصفحة من اسفل ولما حكيت كتير قلت لنفسى لازم انزل واتفرجع على العربية بنفسى ووجدت ماسورة بعرض العربية بين فردتين الشاسية تحت عصاية الفتيس تقريبا ووجدت انها هية الحماية التى تحك بالعربية فى جميع المطبات

[sameh saker]

انا معى كرولا هاى لاين 2015 ونفس المشكلة وجدها عند التحميل الطبيعى ولما سأألت التوكيل قالوا لى انها مصفحة من تحت بالكامل والمشكلة فى المطبات العشوائة اللى فى مصر وقررت انزل بنفسى اتفرج على العربية ووجدت عارضة تحت بين فردتين الشاسيه ومسكاها بالعرض تحت عصاية الفتيس ودى اللى بتحك فى المطبات ولم اجد شيى اسفل السيارة على الاطلاق ربنا يبارك لنا فى العربية

[Waleed_aboammar]

يا جماعة و حدوا الله هو فيه عربية سيدان مابتحكش في مطبات مصر المحروسة؟؟
الصراحة تويوتا ماتقدرش تعلى العربية اكتر من كده و الا هتبقى العربية غير متزنة في السرعات و الملفات بسبب ارتفاع مركز الثقل و بالتالى اقل قوى عرضية زى الطرد المركزى في الملفات او الرياح العرضية الشديدة هيبقى ليها تاثير على اتزان العربية.... زى ما الناس قالت مطبات مصر ماينفعش معاها العنف و التسرع لازم تاخد المطب بهدوووووء

....