الحمد لله استلمت كورولا 2015 هاى لاين

[MohamedGobran]

السلام عليكم

بعد انتظار شهر و4 ايام بالتحديد استلمت كورولا 2015 هاى لاين و بكده الحمدلله والدى يكون كمل التشكيله بتاعته لان الحاج من 98 لحد النهارده مبيركبش غير كورولا و جاب كل الاشكال الى نزلت معادا الى قبل الاخير الى كان كله مشاكل ده بس عمى جابها فالكورولا مخرجتش بره العيله و العربيه انا شايفها كويسه جدا و اتطورت كتييير عن الكورولات الى ركبنها قبل كده و تم استلام العربيه من العباسيه سيلفر فرش اسود وورقها كان جاهز معاها و كله تمام و السعر 216990 ايوه انا دفعت 217 و رجعولى 10 جنيه

[mhmd_farouq]

مبرووووووووووووووووووووووووووك ربنا يباركلك فيها

[ENG.MaRk]

ألف مبروك و ربنا يديك خيرها و يكفيك شرها :)

[mnashat77]

الف مبروك عليكم،،، ربنا يحفظهالك

[Mecha]

الف مبروك دي اوتومبيل علي حق ربنا
العالم يجيبو يتعلم يعني ايه صناعة سيارات

[dragon1]

الف مبروك وربنا يديلك خيرها ويكفيك شرها وبالنسبه لل 10 جنيه انا شايفها ساقع لاخواتك هنا حلاوة العربيه ههههههه وبالتوفيق

[neromohamed]

السلام عليكم هو الورق بيبقي موجه للمرور بتاعك ولا ايه ؟؟؟ و تاريخ الافراج الجمركي ايه يعني دي دفعةًجديده ولا لا ؟؟

[beckhamomo]

الف مبروك يا باشا

[MohamedGobran]

الله يبارك فيكو يا رجاله و عقبال الى حاجز ما يستلم

السلام عليكم هو الورق بيبقي موجه للمرور بتاعك ولا ايه ؟؟؟ و تاريخ الافراج الجمركي ايه يعني دي دفعةًجديده ولا لا ؟؟

بالنسبه لاستفسار حضرتك انا الحمد الله كنت واخد صوره من الافراج قبل ما ارخص و بصيت فيها دلوقتى لاقيت ان الرساله داخله مصر بتاريخ 24/9 فأعتقد ده كده افراج قديم بس احب اوضح لحضرتك برضو حاجه الى انا استلمتها هاى لاين الطلب عليها مش عالى اوى زى الفئه التانيه والورق وانا بدفع بقيه مبلغ العربيه اخد البيانات الى هتترخص بيه و جواب المرور هو الى بيبقى موجه للمرور بتاعى و فى حالتى كان مرور النزهه