ضرورى يارجالة ايه رأيكم في تويوتا كورولا 1998 ( عيون )

[Bassem Gamal]

انا قدامى عربية تيوتا 1998 عيون 1300 الحالة العامة جيدة جدا بيتى

سالت المكنيكى قالى مفهاش حاجة غير انها عايزة طقم شمبر بس ممكن تمشى بيها شوية على كدا
صاحبها طالب فيها 50 الف وحاولت معاه كتيرر مش عايز ينزل والا جنية

للعلم انا مش قديم فى السواقة
وهحتجها فى السفر من القاهرة الغردقة مرة كل شهر

العربية مانول كاملة والتكييف شغال

محتاج رايكو يارجالة

[man1974]

متابع

[دكتور خالد]

العربيات التويوتا بكل موديلاتها ممتازة - اهم حاجة حالة العربية

[Mecha]

ممكن تفتح في عمره متصدقش حكايه طقم الشنبر
اخره ٦ شهور , احسبها كويس

[Bassem Gamal]

طيب بالنسبة لموضوع طقم الشنبر داا
يعبهاا والا لا ويكلف كاام



والخمسين الف هل يجيبو حاجة احسن والا دى كويسة واتقل على الله

[dodo2000]

كتير عليها و هى محتاجة تتصلح و عطلة و وجع قلب

[منعم]

ياعمى كبر دماغك وادفع مقدمة للزيرو وصدقينى هترتاح مفيش احسن من الزيرو كبر دماغك عربية ماشية فى الشارع بقالها 15 سنة هتاخد منها اية غير القرف

[Bassem Gamal]

ياعمى كبر دماغك وادفع مقدمة للزيرو وصدقينى هترتاح مفيش احسن من الزيرو كبر دماغك عربية ماشية فى الشارع بقالها 15 سنة هتاخد منها اية غير القرف

والله يااريت اجيب زيروو بس المشكلة ان الخمسين دول اخررى خالص
ومينفعش ققسط

ومحتاج فعلا لعربية ودى حالتها العامة جيدة وناس كتير قالت عاليها كويسة

ومش عارف اخد قرار بصراحة وشفت سعرها على المواقع
لقتهاا من 48 الى 54 الف للعلم العربية رشة جنبين بس نظافى والباقى فبريكة

[وائل محمد نبيل]

بص يا زعيم كان معايا واحده وغيرت الموتور خالص (حاجه اسمها شورت بلوك يعنى الموتور بدون ادوات التغذيه ) وجيبته 1500 سي سي ومشي الحال بس اتكلف بالتركيب وكده ووجع الدماغ اربع الاف جنيه واتركنت 4 ايام فى الحرفيين انا شابف لوتجيب حاجه سليمه من الاول احسنلك

[hugan]

شوف نوبيرا افضل موديل اعلي وحاله نضيفه
موتور اقوي 1600 امام 1300
هايريحك في السفر

[Waleed_aboammar]

والله يااريت اجيب زيروو بس المشكلة ان الخمسين دول اخررى خالص
ومينفعش ققسط

ومحتاج فعلا لعربية ودى حالتها العامة جيدة وناس كتير قالت عاليها كويسة

ومش عارف اخد قرار بصراحة وشفت سعرها على المواقع
لقتهاا من 48 الى 54 الف للعلم العربية رشة جنبين بس نظافى والباقى فبريكة

عربية محترمة و بيتمر فيها الشغل... أنا كان معايا لانسر 99 و زى الفل و كل ما تحط فيها قرش يبان عليها .... توكل على الله بس أهم حاجة شيك على بقية العربية و ماتتكسفش تاخد حد متخصص و تشيك على الصاج حتة حتة عشان الحوادث المستخبية... و ربنا يكرمك ان شاء الله

....

[hadidybrothers]

بالنسبه لتويوتا العيون انا معيا عربيه موديل 98 عمله 250000 و ذى الفل لو ميهمكش موضوع الحجم علشان هى متنفعش لعيله
يبقى اتكل على اللله عربيه فوق الممتازه

[ATAHOON]

عربية فوق الممتازة واعتمادية عالية جدا ولكن الحالة العامة يجب ان تكون جيدة ولو حالتها حلوة بخلاف طقم الشنبر تبقى عربية مناسبة

[talhawy]

انا معايا العربية من 4 سنين وهى بصراحة عربية اعتمادية ممتازة وحريقة شغل واخيرا سقطلها موتور 1600 استيراد اتوماتيك بالفتيس بتاعه وارد امريكا 113 حصان بالرغم من التكاليف ( الموضوع دخل بالمصنعيات والورق والنقل فى 9 بواكى ) بس ده لانى عاشق للعربية والموتور ده مرعب فى السحب والشد وخرافى فى اقتصادية استهلاك البنزين ( 280 كيلو من اسكندرية لمطروح والعربية معزوقة بشر وشنط ومشى على سرعة 100-120 واستهلاك 20 لتر بنزين 92 فقط )

بس نصيحة اخوية ليك قصة طقم الشنبر دى قصه فاكسانه ...... طقم شنبر يعنى عمره ومفيش ميكانيكى فى مصر بيظبط زى الخواجة وعن تجربتى مع موتورى القديم ال1300 بعد العمره مش حتنبسط واحتمال يبقى فيه ترشيح زيت او ضعف فى الاداء وبينى وبينك العربية اهم حاجة فيها الموتور حتى لو ماشيه تشخلل

فلو انت مصمم على العربية دى يبقى تعمل حسابك قريبا فى اى وقت على 5 بواكى لو حتجيب شورت بلوك الموتور الصغير او 9 بواكى لو غاوى الوحش الكبير زى حالاتى

[mohamed hussei]

بلاش متورها لو اتفتح مش بيتقفل تاني زي الاول