تويوتا 2014-2015 واطية جدااااااااااااا و بتحك فى معظم المطبات

[aboghazalla]

ياجماعة ازاى عربية زى التويوتا كورولا تكون واطية كداا دا اكيد عيب صنع ولا فييين المشكلة !!!!!!!!!!!!!!!!!!!!!!!!!!!!!!!!!\

[shndoo]

دا اكيد مش عيب صنع دا عيب مطبات مصر :)

[ashouhdy]

التوكيل بيعليها في الضمان

[miceg]

دفعات الاولى من 2014 فيما قبل شهر 1
كانت فعلا العربية واطية
الدفعات الجديدة كلها متعدلة وجاهزة
لا أسمع دي
اي حد سجل شكوى التوكيل بيعمل استدعاء لعربيته وبيعدلها ببلاش
والعربية عليت ومافيش مطب بيأثر فيها
ودي حركة ميعملهاش أي توكيل مع أحترامي لكافة التوكيلات

[yasser100]

هيه بتحك فى المطبات بعد التعديل و التعليه فى التوكيل و ﻻ لسه ما اتعدلتش ؟ لو لسه روح التوكيل و هو هايخلص لك الموضوع ده بدون مصاريف .

[Waleed_aboammar]

ياجماعة ازاى عربية زى التويوتا كورولا تكون واطية كداا دا اكيد عيب صنع ولا فييين المشكلة !!!!!!!!!!!!!!!!!!!!!!!!!!!!!!!!!\

يا فندم أكيد طريق حضرتك فيه مطبات من نوع "جمل المحمل" و دى اللى العربية بتطلع على المطب و تلاقى نفسك طالع أكنك هتركب جمل بس للأسف منتصف المطب بيبقى عالى زيادة عن اللزوم في حين العجل الخلفى ما زال على الأرض. لما كل السيارات الملاكى تكون المسافة بين قاعدتين العجل من 2.5 إلى 3 متر و خلوص شاسيه السيارة في المتوسط للسيدان 14 إلى 17 سنتيمتر (بدون تحميل) إذا أي مطب عرضه متر و ارتفاعه يزيد عن 20 سنتيمتر يبقى هتحك يعنى هتحك و الحيلة الوحيدة في الحالة دى هو التعدية بالورب أي الدخول على المطب بميل و سبعات في تمانيات لغاية ما يخلص و تتشاهد بعدها....