سؤال عن اسنخدام منظف الانجكشن او دورة البنزين

[mbaddar2]

السلام عليكم
انا سيارتى يارس 1300 2009 110 الف كم
كنت عايز اسال عن تجربة اى حد لاستخدام منظف الانجكشن او دورة البنزين - كذا مرة عامل البنزينة فى موبيل يعرضه عليا و انا ارفض تخوفا ليكون بيأذى الموتور او البوجيهات
هل حد جرب اى حاجة منهم و انهى افضل نوع و كل اد ايه يستخدم , و هل مفيد و لا مضر و لا ملوش لزمة
و شكرا

[عم جحا]

أنا جربت منظف الانجكشن فى عربية دايو نوبيرا ٢٠٠٤ من حوالي ثلاثة او أربعة أشهر ولم الاحظ اى فرق فى اداء العربية

[egyption2012]

أظن أن أفضلهم STP سعره تقريبا 45 - 50 جنيه
كثرته بالتأكيد سيضر بالسيارة نظرا لأن المادة المكونة للمنظف قوية للغاية
يفترض أن تضع نصف الزجاجة على تفويلة كاملة وبعد السير بالسيارة ستبدأ السيارة بالتحسن تدريجيا إن شاء الله
وبعد الانتهاء من التفويلة ستجد أن سحب السيارة ازداد بالفعل وصوت السيارة أصبح هادئا
ولكن بشرط أن تكون السيارة تحتاج بالفعل للتنظيف وإلا لن تشعر بالفرق لأن السيارة لا تحتاج للتنظيف أصلا

http://www.nilemotors.net/Nile/381230-stp.html

[darkdefender]

حضرتك انا بحط بتاع اس تي بي الاسود تفويلة اه و تفويلة لا في يارس 2008 علي كدا بقالي 7 سنين و العربية زي الفول و كبس الموتور 88% الحمد الله...
هتحس بفرق شاسع اول متحطه..
حط الاسود السيلفر غالي و بيعمل مشاكل

[BLOODY_STONE]

ياااااه انت جاي تفتكر بعد ١١٠ الف
يا راجل ده انا بحط كل ٢٠٠٠ كيلو و العربية بقالها ٥ سنين و زي الفل