عاوز زيت للمحرك و الصيانات لـ كورولا 2013

[MoOoD]

كل سنه وانتم طيبين إخوانى
كنت محتار أكتب الموضوع ده هنا ولا فى قسم الزيوت وبصراحه قولت أعمله هنا
لأنى هسأل على حاجات تانيه بالإضافه لزيت الموتور
انا لسه مستخدم جديد للتويوتا
وأنا شاريها كسر زيرو وقربت خلاص على 20 ألف كيلو
وكنت عاوز أعرف إيه هى الصيانات إلى المفترض تتم فى العربيه
وللعلم هى خليجى الموتور 1600CC XLI ......... 1ZR-FE
أنا أول ما جبت العربيه غيرت الزيت لموبل 1 وقولت كده كده همشى عليه يادوبك
ألف كيلو و بعد كده هغير الزيت و الفلتر

لكن محتار بين أنواع الزيوت بعد ما شوفت فى قسم زيوت المحرك وكنت محتاج مساعدتكم
أختار أنهى نوع
شيل هيلكس الترا -----> ماليش تجربه معاه
امارات باور سين -----> ليا تجربه لكن فى االزيت 5000 وجربته كتير
موبل 1 -----> التجربه الحاليه ومش وحش

ياريت لو تنصحونى بأى نوع أختار ولو فى تفضيلات تانيه ياريت
للعلم العربيه فى الكاتلوج كاتبين إن كميه الزيت مع الفلتر 4.2 لتر
وهحط صوره لصفحه الزيوت من كتالوج العربيه

الأسئله مره تانيه:-
إيه هى الصيانات إلى المفترض تتم فى العربيه على 20 ألف كيلو ؟
نوع الزيت إلى أستخدمه و مستوى لزوجته و خدمته؟ أنا عاوز 10000 كيلو
أعمل فلاش ولا مش هتفرق كتير؟
شكل الفلتر الأصلى لأنى وجدت أكتر من شكل ..لو أمكن صوره للعلبه و الفلتر؟
أسعار الزيت و الفلتر ؟
بس كده ..

[MoOoD]

-نسيت أضيف إن معظم مشى بيكون سفر كتير ممكن مره او مرتين كل شهر وبتكون على سرعه 140 كمتوسط للسرعه

[sonaeg]

بسم الله الرحمن الرحيم

اولا الف مبروك عالسيارة ربنا يباركلك فيها

اخوك معاه كورولا 2012 ماشية 14.000

بالنسبة للزيت الكتالوج موصي ب لزوجة 5w-30 كاختيار اول

التوكيل حطلي موبيل وان 5w-50 اول صيانة كان صوت الموتور عالي

ثم انا غيرت لفالفولين 5w-40 كان افضل كتير

لزوجة ال 5w-30 موجودة في انواع قليلة في مصر

زي موبيل فورميلا وان اخضر
شل الترا اللي لزوجته30
بيزول باسيفيك

والحمد لله حطيت بيزول وملاحظاتي كالاتي عن فالفولين اللي قبله:

الصوت هدي بنسبة 35%
السحب اتحسن بنسبة 25%
استهلاك البنزين بدا يقل

الزيت تنزله بعد 10.000 كم او سنة ايهما اقرب وسعرهم في حدود 300 ازيد او اقل حسب نوعه

بالنسبة للفلتر حضرتك هات الفلتر الاصلي من التوكيل سعره 50 تقريبا. ولو هتكيب وردة طبة الزيت ب 9 جنيه


صيانة ال20.000 لما سالت عليها مركز القصراوي في طنطا وانا بعمل صيانة ال 10

قاللي هنغير زيت وفلتر اساسي

وفلتر هوا برده وممكن تكييف حسب حالته لكن احنا ف شتا فينضفه كفاية

وحيربط عفشة ويشيك عالسوائل

بالاضافة الي ممكن يغير تيل فرامل علي حسب حالته لانك 20.000 وتقريبا سعره للامامي 550 والخلفي اغلي حاجة بسيطة بس مش متذكر سعرهم اوي.

المصنعية بتاعة صيانة ال 10 كانت 500 وشوية
مش عارف ال20 ايه نظامها

وبالتوفيق ان شاء الله

[sonaeg]

ماتعملش فلاش وتقريبا فلتر الزيت عندك زي الوكيل حشو مش عادي لان نفس كود المكنة واتاكد من التوكيل وانت بتشتريه برده.

[MoOoD]

الله يبارك فيك يا دكتور ربنا يباركلك فى عربيتك ويحفظهالك من كل شر
أنا كنت كاتب رد هنا بس واضح إن فى حاجه حصلت ... معرفش إختفى ليه
على العموم هكتبه تانى

بالنسبه للصيانات أنا كده كده بنضف فلتر الهوا و التكييف بنفسى كل فتره بس لو كده هشتريهم و أغيرهم أول ما أتم الـ 20 ألف
لأنى لسه 14 ألف بس انا بسأل بدرى شويه عشان أعمل حسابى وأعرف إيه بيتغير ولا هيتم.
-وموضوع العفشه ممكن أعمله بره ولا هى ممكن تكون أحسن فى التوكيل ؟!!

نيجى بقى للزيت وهوه ده إلى انا عاوزه ضرورى الأيام دى
أفهم من كلام حضرتك إنك بتنصح بالبيزول ؟ ولا النصيحه دى بالنسبه للى أنت مجربهم!!!
وفى حاجه تانيه انا مش عارف انا فاهمها صح ولا غلط
على حسب ما فهمت من الكاتلوج إن لزوجه الزيت بتكون طبقاً لدرجه الحراره بمعنى إن:-

5w-30 -----> بيكون من درجه حراره 8 إلى -29 درجه
10w-30----->بيكون من درجه حراره -18 إلى +38 درجه
15w-40----->بيكون من درجه حراره -12 إلى +38 درجه
20w-50----->بيكون من درجه حراره -7 إلى +38 درجه
ودرجات الحراره عندنا مش بتنزل تحت الصفر
يبقى كده المفترض 20w-50 هوه المناسب أو المنطقى أكتر
ولا فى معايير تانيه أنا مش واخد بالى منها

وبالنسبه لفلتر الزيت إن شاء الله أشوف التوكيل فين ... لأنى لسه معرفش أماكنه وأشترى منه

بشكر حضرتك على سرعه إهتمامك و الرد وآسف على التأخير فى الرد بس انا كنت فعلاً رديت إمبارح بالليل وداخل أشوف تعليق حضرتك ملقتش ردى أنا أصلاً .

أتمنى من ملاك التويوتا التفاعل

[sonaeg]

الشكر لله يافندم ولايهم حضرتك

بالنسبة انك تشتري فلتر الهوا وتغيره علي 20 عادي وممكن تربط العفشة عند اي مركز محترم عادي مش حيفرق عن التوكيل

الفكرة في التيل تكشف عليه علي20

اما الزيت الفكرة في اللزوجة ايا كان نوع الزيت

اول اختيار في الكتالوج 5w-30

وحضرتك لو دخلت عالمواقع وشفت انسب نوع زيت للعربية حتلاقي نفس الرقم واقل من كده كمان

فكرة الجدول اللي حضرتك حاطه اتناقشنا فيها كتير جدااا في قسم الزيوت

واتضح ان الكلام كله علي درجة حرارة التشغيل فقط الخارجية لكن بعد كده الموتور بيوصل لدرجة حرارة عالية جدا اعلي من الحرارة الخارجية

ف الفكرة ان لو الجو سقعة عاوزة زيت خفيف في بداية التشغيل.

اخويا معاه في الكويت هوندا اكورد 2009 وسالته علي موضوع الزيت علي اساس الجو هناك

قاللي ان التوكيل بيحط للموتور 5w-30 زي اول اختيار في الكتالوج وقالوله ال5-40 و 20_50 لو ماشي كيلوات كتير معدي ال100.000 مثلا ساعتها يحط 5_40

وبالنسبة لاداء الزيت. في الجو هناك معاه تمام.

بالتوفيق ان شاء الله واي استفسار حاضر

[nannah]

انا بنصحك بزيت كاسترول ايدج كويس جدا وبستخدمة من 3 سنوات بيخلى سحب العربية ممتاز وبيجعل صوت المكنة هادى جدا وبينزل كل 15 الف او سنة ايهما اقرب وكمان سعرة 300 جنية وزيت متعبى فى الامارات انا صراحة مبضمنش الزيت المعبأ فى مصر خصوصا اليومين دول فى عدم وجود رقابة على اى شىء

[yasser100]

استخدم 5w30 اغلب اليابانى بيشتغل على اللزوجه دى و 0w30 بس الاخيره دى مش موجوده فى مصر .

موبيل 1 فورميولا لون الاستيكر اخضر 5w30 ممتاز بس صعب شويه تلاقيه . او استخدم زى ما قال الزملاء اللى تمت تجربته زى بيزول 5w30 . حتى الكورولا الجديده شعاله على 5w30 او 0w30 او 10w30. كل اليابانى بيشتغلوا على اللزوجات دى

[MoOoD]

ألف شكر ليك يا دكتور .. وإن شاء الله لزوجه 5w-30
مشكورين إخوانى nannah و yasser100 على الرد
وإن شاء الله هدور على اللزوجه دى
وزيت بيزول بعديه موبيل وان الأخضر بعديه كاسترول ... ده على حسب الأصوات هنا
كده تمام ولا الترتيب كده غلط؟
وأول ما أتم الـ 20000 كم هروح على التوكيل و أشيك على العربيه ويقولولى هعمل إيه إن شاء الله

[sonaeg]

ألف شكر ليك يا دكتور .. وإن شاء الله لزوجه 5w-30
مشكورين إخوانى nannah و yasser100 على الرد
وإن شاء الله هدور على اللزوجه دى
وزيت بيزول بعديه موبيل وان الأخضر بعديه كاسترول ... ده على حسب الأصوات هنا
كده تمام ولا الترتيب كده غلط؟
وأول ما أتم الـ 20000 كم هروح على التوكيل و أشيك على العربيه ويقولولى هعمل إيه إن شاء الله

الشكر لله يافندم تمام كده والاهم هو اللزوجة 5w-30
وبالتوفيق ان شاء الله

[MoOoD]

إن شاء الله يا دكتور :)

[MoOoD]

وانا فى القاهره دورت على بيزول ولقيته عند الموزع ليهم فى شارع السد العالى المتفرع من ميدان الدقى
وكان بالليل الصراحه حوالى 8:30 وهما بيقفلوا 9:00
المهم كان مختص الزيوت مش موجود وأنا قعدت أدور على بيزول الـ 10000 أو 15000 ولا لاقى المهم كان فى 2 هناك
الناس مقصرتش بصراحه قعدوا جابوا الورق بتاعهم ودوروا معايا لحد لما طلعولى علبه بس الإستيكر بتاعها مكتوب عليه
5w-30 وتمام التمام لاقيت إن الإستيكر لونه فوشيـــا و إلى على لوحه العرض لونه أخضر !!!
-طيب يا رجاله إيه الفرق بين الفوشيا و الأخضر ؟!! محدش جاوب ولا حد يعرف .
-طيب أنتم متأكدين إن ده زيت 10000 التخليقى الكامل محدش عارف برده .
وأنا بصراحه عمال ألف طول النهار و جاى من سفر وعارف إنى روحت متأخر و لسه هسافر تانى .. بس الظروف
هما قالولى تعالى بكره الصبح و هتلاقى إلى يفيدك وأنا مكنش ينفع أجى لأنى مسافر
المهم من هنا لهنا مجبتش حاجه من عندهم وسافرت وخلاص.
من يومين كنت مسافر فى ( المنصوره ) وهناك فى توكيل أو موزع لـ موبيل وانا رحت داخل عليه عندك زيت قالى عندى
ولقيت عنده لزوجات كتير الصراحه ومن ضمنهم زيت موبيل 5W-30 قولتله تمام هات ده .
جبت العبوه الأربعه لتر بـ 300 جنيه
والعبوه الـ اللتر بـ 85 جنيه
مش عارف هوه كده غالى ولا سعره كده
أصل الفرق بينه و بين البيزول 50 جنيه فى الإتنين 4لتر = 270 و عبوه 1لتر =65 جنيه
والشيل الألترا 5w-40 العبوه الأربعه لتر عامله 300 جنيه ومفيش منه 5w-30

المهم توكلت على الله و جبت الموبيل وناقص بس إنى أغيره إن شاء الله
ولما أغيره هعرفكم الجديد إن شاء الله تعالى

[yasser100]

وانا فى القاهره دورت على بيزول ولقيته عند الموزع ليهم فى شارع السد العالى المتفرع من ميدان الدقى
وكان بالليل الصراحه حوالى 8:30 وهما بيقفلوا 9:00
المهم كان مختص الزيوت مش موجود وأنا قعدت أدور على بيزول الـ 10000 أو 15000 ولا لاقى المهم كان فى 2 هناك
الناس مقصرتش بصراحه قعدوا جابوا الورق بتاعهم ودوروا معايا لحد لما طلعولى علبه بس الإستيكر بتاعها مكتوب عليه
5w-30 وتمام التمام لاقيت إن الإستيكر لونه فوشيـــا و إلى على لوحه العرض لونه أخضر !!!
-طيب يا رجاله إيه الفرق بين الفوشيا و الأخضر ؟!! محدش جاوب ولا حد يعرف .
-طيب أنتم متأكدين إن ده زيت 10000 التخليقى الكامل محدش عارف برده .
وأنا بصراحه عمال ألف طول النهار و جاى من سفر وعارف إنى روحت متأخر و لسه هسافر تانى .. بس الظروف
هما قالولى تعالى بكره الصبح و هتلاقى إلى يفيدك وأنا مكنش ينفع أجى لأنى مسافر
المهم من هنا لهنا مجبتش حاجه من عندهم وسافرت وخلاص.
من يومين كنت مسافر فى ( المنصوره ) وهناك فى توكيل أو موزع لـ موبيل وانا رحت داخل عليه عندك زيت قالى عندى
ولقيت عنده لزوجات كتير الصراحه ومن ضمنهم زيت موبيل 5W-30 قولتله تمام هات ده .
جبت العبوه الأربعه لتر بـ 300 جنيه
والعبوه الـ اللتر بـ 85 جنيه
مش عارف هوه كده غالى ولا سعره كده
أصل الفرق بينه و بين البيزول 50 جنيه فى الإتنين 4لتر = 270 و عبوه 1لتر =65 جنيه
والشيل الألترا 5w-40 العبوه الأربعه لتر عامله 300 جنيه ومفيش منه 5w-30

المهم توكلت على الله و جبت الموبيل وناقص بس إنى أغيره إن شاء الله
ولما أغيره هعرفكم الجديد إن شاء الله تعالى

موبيل فورميولا 5w30 الاستيكر الاخضر ممتاز جدا عن تجربه و هاتحس بفرق محترم و هايحافظ لك على علبة البيئه لانه less sulphur and phosphorus emission .

سعره مطبوط .