كمبيوتر ياريس

[نصر حسين]

السلام عليكم
عندي استفسار ، انا عندى عربية تويوتا ياريس مانيوال موديل 2008 غلطت وركبت لها البطارية بالعكس موجب مكان سالب وسالب مكان موجب من غير ما افتح الكونتاك ولم عدلت الاتجاه ودورت العربية دارت بس لوحة العدادات لمبة الباور والموتور منورين وrbm لا يتعدى 1.5 والتكييف مش شغال والسنتر لوك ونور العدادت مش شغال مع ان الفيوزات كلها سليمة !
كده يبقى الكمبيوتر اتحرق ؟ وهل ينفع يتصلح ولا لأ ؟
ارجوا الافادة

[Mecha]

هتحل الكابلات من البطاريه السالب الاول ,وتوصلهم بكابلات لقطه للارض كل علي حده وتخبطهم في الارض ,وتروح مدور مارش -طبعا مش هدور- وخليك دايس ع المفتاح 5 دقايق ,وسيبها ريع ساعة ,وصل الكابلات للبطارية المرة دي صح الموجب الاول وجرب

[نصر حسين]

انا فعلا وصلت الكابلين السالب والموجب على الطرف السالب فى البطارية وبعدين فتحت الكونتاك من غير ما ادور بس لمدة 10 ثوان وفيش نتيجة

[Mecha]

سيادتك بنقول بالارض زي الوصف بالظبط
يا تشتري ecu جديد

[darkdefender]

بص هو الدنمو بسبة كبيرة باظ و معاه كام فيوز
روح لكهرباي يراجع الفيوزات فيوزات الطبلوه غير فيوزات الموتور...
فيوزات الطبلوه ورا الدرج اللي قدام ركبتك الشمال و انت قاعد في كرسي السواق
سعر الكوننرول في حدود 1000-1500 و موجود متقلقش

[نصر حسين]

فعلا الدينمو مش بيشحن بس كل الفيوزات سليمة اللى عند الموتور واللى فى التابلوه
هاروح للكهربائى وربنا يسهل

[نصر حسين]

انا سألت على الكنرول فى التوكيل عامل 6350 جنيه سألت فى الحرفيين عامل 1000 مستعمل

[نصر حسين]

الحمد لله اتضح ان الفيوز اللى على الكابل الموجب على البطارية تالف وجت سليمة.