عيوب تويوتا الكورولا

[شعبان حسن]

يااهل الخير سيارتي تويوتا كورولا 2015 والسيارة كويسه بس هناك عيب خطير وهو انها واطية على الارض وبتحك في المطبات جربت كل حاجة لم يفيد سواءً اخذت المطب على الطول او العرض فهل هناك حل

[abofandy]

2015 خليجى ولا مصرى

[hwash]

2015 خليجى ولا مصرى

هوا الخليجى الاعلى عن الارض ولا المصرى

[شعبان حسن]

مواصفات مصرية مصنعه في اندونيسيا

[ahmzd]

مواصفات مصرية مصنعه في اندونيسيا

غريب جدا الكلام ده !! معلوماتي إن الكورولا اللي بتيجي مصر بتتقفّل في تركيا.. عموما روح التوكيل أو لحد متخصص فيها !

[Mido Casper]

اظبط الكاوتش نيتروجين ع ٣١ وهتدعيلنا ان شاء الله ؛)

[abofandy]

الخليجى تقريبا 15 سم
والمصرى 14.5 سم
يكاد يكون الاتنين زى بعض

بس ضغط الكاوتش اكيد له عامل برضة
الضغط بيتظبط زى ما مكتوب ع القايم الشمال للسياره
وهو موصى ب 33 للعجل الامامى والخلفى
وان شاء الله مش تحك معاك
وهذا ليس عيبا ف العربية ولكن عيب ف شوارعنا ومطابتنا .. وان كان عيب ف السياره يبقى المرسيدس والبى ام بهم عيوب ف الارتفاع عن الارض ايضا


ضبط ضغط الاطارات زى ما قولتلك وان شاء الله الدنيا هتظبط مع حضرتك

[mhoreya]

هى اسعار الخليجى كام ؟؟ عشان انا بفكر فى المصرى الفئة الثانية ب 190 بس كنت عاوز اعرف الخليجى عاملة كام ؟؟

[شعبان حسن]

بارك الله فيكم جميعا وسوف اجرب ماقلتموه وشكرا لحضراتكم

[abofandy]

الخليجى ع حسب المعرض وهى ف حدود 180 الى 184 الفئة الاولى

[شعبان حسن]

ياسادة يامحترمين يااهل الكورولا جربت كل اللي قولتولي عليه ولا فايدة السيارة بتحك برضة في المطبات والله انا من سكان القاهرة الجديدة التجمع الخامس والشوارع زي الفل نفخت العجل على مقاس 33 نيتروجين ومرة نفخت العجل على مقاس الهواء العادي 31 مفيش فايدة الظاهر العيب فيه انا فالحمد لله قررت ابيع الكورولا 2015 وربنا يعوض علينا في الخسارة اللي رايح نخسرها

[amr_8800]

عيوب التويوتا كورولا ايه ده هي الكورولا فيها عيوب ؟لا متقلش كده يا راجل

[Abdulrahman M]

عموماً راجع التوكيل وسجل اسمك عشان تاخد دور في التعليه مجانا

[أحمد عبدالسلام]

ضاحنا شعب مبيعجبهوش العجب ولا الصيام في رجب،،عربية عالية يقولوا ثباتها ضايع عربية واطية يقولوا بتحك في المطبات،، هات لادا او بيجو 504 او اي عربية جيب و هي مش هتحك في اي مطب،،، متنساش تقولنا حضرتك ناوي علي انهي عربية اللي مش بتحك في المطبات عشان نجيبها

[أحمد عبدالسلام]

لو حضرتك مش من هواة السرعات العالية فوق ال150 تقدر تركب علايات كاوتش و انا عن نفسي جربت الموضوع ده قبل كدة،، بس يعيبه انه بيقلل من ثبات العربية عن الطبيعي، التوكيل مبدأيا مش بيركب علايات فلو هتركبها هتركبها عند عفشجي او ميكانيكي.