ساعدوني يا رجاله ممكن اكون تويوتاوي زيكو

[Alaa H Ghannam]

الموضوع باختصار بقالي شهور بقارن و استقريت علي اوبل استرا كوزمو بس كل شويه تنطلي الكورولا واقول دي اعتماديه و بتاع و اقنع نفسي بيها و لقيت نفسي حابب الاسترا اكتر ف حجزتها و ان شاء الله هاستلم 20/1
بس برضو كل شويه اراجع نفسي دول 195000. مش هزار اكيد مبلغ و لو حتي بالنسبه لي . وارجع اقول كورولا تاني فئه اوتو اللي هي 190000
معلش طولت انا عارف مميزات و عيوب كل عربيه ولاتنين تقريبا متساويين في كل حاجه
طب هتقولو ايه ??!???انتا عايز ايه يا عم انت ?!?!??!?
السؤال لو مكاني هتجيب ايه ها ايه ..ردو والنبي دا انا دماغي هتتفرتك

[Mostafa Bedo]

مهو مينفعش تجيب عربية انت مش مقتنع بيها ﻻنك بعد اول عطل فيها هتكرها وتفكر تبيعها
صلي استخارة وربنا يقدملك اللي فيه الخير

[Waseem.Elbialy]

انا في نفس حيرتك بس انا بين الكورولا والاوكتافيا
استخير ربنا وتوكل على الله وهات اللي انت مرتاحلها ومتحمس ليها
لو مبيفرقش معاك سعر اعادة البيع هات الاوبل بس برضو الكورولا عربية محترمة جدا في كل حاجة
وربنا يكتبلك الخير

[marwanragab]

اوبل استرا ركوبة جميييييييلة من اكتر العربيات اللي حبيتها لما سقتها يعيبها المساحة الخلفية ضيقة وتوكيل متخلف يعني اختي راحت لوحدها ومش فاهمة توكيل اويل في الصحراوي بتعمل صيانة ال 30000 غيرولها تيل خلفي ب 1800 جنيه تقريبا و هوا لسه جديد بس هيا عربية محترمة اوي فوق متتخيل وهتتبسط بيها اوي
تويوتا علي العكس في المساحة واسعة جدا لدرجة متتخيلهاش يعيبها انها حتي بعد التعلية لسه بتحك في المطبات ودة بسبب مطباتنا الخزعبلية في مصر فا لو مشوارك فيه مطبات زي دي هتزعل اوي
طبعا تابلوة استرا عاجبني اكتر من تابلوة تويوتا ودة زوق شخصي ممكن يختلف فيه ناس بس هوا شكلة احسن بالنسبالي
وطبعا مش هتكلم في الاوبشنز اللي تعتبر واحدة بس انا فاكر ان في استرا فيه مشكلة ان البلوتوث موجود بس مش شغال دة ف موديل 2013 معرفش الجديد ايه نظامة
دة انطباعي عن العربيتين وربنا يوفقك للي فيه الخير انشاءالله ربالنسبة لسؤال لو مكانك هجيب ايه بصراحة هجيب اوبل استرا او هخرج من المقارنة دي واجيب فلوانس

[abofandy]

صلى الاستخارة واقعد ف كل عربية والى ترتاح فيها توكل ع الله
****************
اجابة سوالك لو انا مكانك .. هجيب الكورولا

[ENG.MaRk]

أسترا طبعا ... الوسع الداخلي و خصوصا الكنبة الخلفية في صالح الكورولا غير كدة متساويين في كل حاجة إلا الأوتو بارك و كان معايا امبارح كورولا 2015 حكت مني في 11 مطب ... الأسترا دلع أوروبي و الكورولا اعتمادية ياباني بس أنا أفضّل الأسترا لو مش هتبيع بسرعة أو مش ناوي تغير قريب أو مش فارق معاك سعر إعادة البيع إنما بقي لو عايز حاجة تتباع معاك و انت واقف و سعر إعادة البيع ماسك نفسه يبقي كورولا ... شوف فلوانس تالت فئة اللي هي ب 174 و ديه فيها كماليات بالعبيط و في نفس الوقت ارتفاعها كويس و عمرها ماحكت مني حتي في المطبات الover و أوسع من الاتنين عن تجربة بس الفكرة في إن سعر إعادة البيع بعافية شوية

[ARKOON]

لو عاوز الموضة السنادي هيا الفلوانس عربية فيها كل حاجة فرنسي تقفيل تركي
عاوز اعتمادية و عربية انتا مش مقتنع بيها خليك في التويوتا ( اه انا حاسس انك مش مقتنع بيها صح كدا )
طيب الاوبل الماني يا باشا مافيش كلام ولا تقارن مع دول بس عيبها توكيل واخد الترتيب التاني بعد التوكيل الاولاني : ) بس لو مكانك رينو فلوانس ثم تويوتا كورولا ثم استر مع الاسترا تركبها تبقى مش عايز تنزل بس ياباشا العربية جوا التوكيل وجوا المعرض حاجة ولما تنزلها على شوارع المحروسة حاجة تانية .
صلاة استخارة وشوف مقتنع بايه اكتر وربنا يكرمك يا فندم . تحياتي .

[Ahmed Tarek 00]

لو مكانك الكروللا طبعاااااااااا

[ahmed_fouad]

في نفس حيرتك ودماغي هتتفرتك زي حضرتك بالظبط. بس متهيالي الاسترا فيها عيب واضح وهي ان كل الناس اجمعت على ان الكنبة الخلفية ضيقة واللي بيقعد فيها مبيبقاش مرتاح، فمتهيالي لو حضرتك متعود ان في ناس بتركب معاك كتير فيبقى ده سبب كافي انك تخليها في اخر الاختيارات.

في نفس الفئة السعرية (200 الف) عندك مجموعة اختيارات تلخبط فعلا:

- سكودا a7 اوتوماتيك تاني فئة (تقريبا 217 الف)
- قاشقاي
- فلوانس اوتوماتيك هاي لاين (188 الف تقريبا)
- كورولا

انا من كتر الحيرة والتردد حاسس اني مش هشتري حاجة :)

ربنا يوفقك لحسن الاختيار

[Alaa H Ghannam]

شكرا لكم جميعا الردود كلها موضوعيه شكرا مره تانيه و هصلي استخاره و اتكل علي الله

[yasser100]

أسترا طبعا ... الوسع الداخلي و خصوصا الكنبة الخلفية في صالح الكورولا غير كدة متساويين في كل حاجة إلا الأوتو بارك و كان معايا امبارح كورولا 2015 حكت مني في 11 مطب ... الأسترا دلع أوروبي و الكورولا اعتمادية ياباني بس أنا أفضّل الأسترا لو مش هتبيع بسرعة أو مش ناوي تغير قريب أو مش فارق معاك سعر إعادة البيع إنما بقي لو عايز حاجة تتباع معاك و انت واقف و سعر إعادة البيع ماسك نفسه يبقي كورولا ... شوف فلوانس تالت فئة اللي هي ب 174 و ديه فيها كماليات بالعبيط و في نفس الوقت ارتفاعها كويس و عمرها ماحكت مني حتي في المطبات الover و أوسع من الاتنين عن تجربة بس الفكرة في إن سعر إعادة البيع بعافية شوية

11 مطب ؟؟؟ ده حقيقى و ﻻ مبالغه ؟

[Mohamed.Hany]

11 مطب ؟؟؟ ده حقيقى و ﻻ مبالغه ؟

ده انا معايا العربية قبل التعديل اللي كانت اوطي ب 2 سم محكتش مني غير مرتين بس و بعد معليت محكتش ولا مرة رغم اني كل يوم في سفر للصعيد و للدلتا !!
انا مستغرب بصراحة

[yasser100]

ده انا معايا العربية قبل التعديل اللي كانت اوطي ب 2 سم محكتش مني غير مرتين بس و بعد معليت محكتش ولا مرة رغم اني كل يوم في سفر للصعيد و للدلتا !!
انا مستغرب بصراحة

واضح انه التعديل فى الارتفاع اللى عمله الوكيل هنا فى موديل 2014 افضل من المتعدل جاهز من المصنع , لانه الشكوى كلها جايه من موديلات 2015 .

[Mohamed.Hany]

واضح انه التعديل فى الارتفاع اللى عمله الوكيل هنا فى موديل 2014 افضل من المتعدل جاهز من المصنع , لانه الشكوى كلها جايه من موديلات 2015 .

انا معايا 2014 متعدلة في مصر
و معايا 2015 متعدلة من المصنع
مفيش فرق مللي لاني قستهم بنفسي

[hom1969]

أنا معايا العربية بقالها شهر و كام يوم و ماشي بيها 3300 كيلو و ماحكتش في ولا مطب
الحمد لله