العربيه بطلت وأنا علي 180

[hopeless20]

السلام عليكم

كنت سايق علي طريق سفر علي 180 .. وبعدين حبيت أتأكد ان الزجاج الخلفي مقفول للاخر .. بمجرد دوست علي زورار الرفع العربيه كلها أترجت وكل العدادات أعدت تلطع وتنزل وكل لمبات الايرور نورت والعربيه كأنها بطلت .. وبعدين شيلت رجلي من ع البنزين ورجعت لوحدها .. جربت الموضوع كذا مره ومل مره بيحصل بمجرد ما بعدي ال 150 ... أنا شاكك في الدينمو لاني لما بحمل علي مواتير الرفع او بقفل اللوك النور بيضعف شويه صغيرين .

حد عنده فكره المشكلة دي تطلع ايه ؟
ولو عاوز أكشف علي الدينمو أكشف عليه فين وازاي ؟ لاني مش هعرف اخد الكهربائي معايا واسوق علي 180 تاني ؟ .. ومش هعرف أحمل علي العربيه وانا واقف جنبه ؟

[ahmedelrayan]

بص يا باشا هتروح لاى كهربائى يقيس شحن الدينمو ويتأكد ان شحنه تمام لو تمام يبقى اللوك ومكن الرفع محتاج السلك بتاعه يتعمله تقوية

[Mecha]

١٨٠ !!!!!

[darkdefender]

حضرتك دا حساس الهواء و البوابة عايزين يتظفه كانت بتحصل معايا و كان السبب ان الماف كان قاري قراية هواء غلط و كان بيدخل هواء زيادة للموتور...

عربيتك اكيد منويل و مورت و انت ماشي علي سرعة عالي, و بتالي هواء زيدة دخل الموتور و الماف متسوخ هو و البوابة معرفش يظبط السلانسيه فبطلت العربية...

ملهاش اي علاقة بالزجاج رعشة السلانسيه بسبب الزجاج الكهربائي موجودة في كل اليارس القديمة والجديدة و حلها لازم تزود وصلات الارضي فالعربية و تجيب بطارية مش اقل من 70 امبير....

نصيحة متمورش و انت علي سرعات عالية لان لو العربية بطلت البور بيقف و الفرامل بتروح

[darkdefender]

نصيحة من صاحب كذا عربية يارس و شايل السبيد ليميد و اليارس ال 1300 بتجيب 240 زي السلام عليكم

[م أحمد]

مش شرط يكون الدينامو اللى فيه المشكلة

ممكن فيه تهريب ما بين ال+ve بتاع مكن الرفع اوالوحدة الرئيسية بتاعته و الأرضى

[BLOODY_STONE]

نصيحة من صاحب كذا عربية يارس و شايل السبيد ليميد و اليارس ال 1300 بتجيب 240 زي السلام عليكم

ده بجد !!!!!!!!!!!!!!!!!!!!

انا مش بعرف اعدي ال 190 و بقول يمكن عشان بيكون معايا ناس ف العربية

[darkdefender]

اليارس و كل اليباني في سبيد ليميت من 175-205 كم/س
اليارس عند بالظبط 185 بيتم فصل البنزين عن الموتور و تثبيت ال ار بي ام علي 5000 و عزم الموتور بيبقي صفر
ازيد من كدا بيجي نتيجة منزل او رياح
اسهل حل انك تشيل الليميت افصل فيشة عداد السرعة من الفتيس و استخدم ابليكيشن عداد سرعة سواء في جب بي اس العربية او الموبيل

[hopeless20]

السلام عليكم

أنا روحت فعلا لكهربائي وقست الدينامو والبطاريه وكله طلع تمام
المشكله طلعت في حاجه تانيه خالص ... زي ما الأستاذ احمد قال : طلع فعلا في تهريب في ال +ve بسبب المسمار الي رابط قواشيط البطاريه والمارش طلع مفكوك أساسا !!
الحمد لله الموضوع كلفني 15 جنيه .. كشف وتركيب المسمار بدل الي أتفك.

أنا عربيتي اوتوماتيك .. ومنصحش حد يسوق علي 180 مهما كانت العربيه ... أنا كنت مستعجل وعندي ظروف فمش ده الطبيعي

شكرا لكل الناس الي شاركت بالردود .. وغيروا قواشيط البطاريه أحتياطي كل فتره .. وأعزلوها بفازلين طبي.

[م أحمد]

و شكرا لحضرتك لنقل التجربة كاملة و افادة الاعضاء اوحتى المتابعين من خارج المنتدى

[mo7a_mo7a]

انا فاهم ان حضرتك متصور ان القاطوش هو السبب
وان المارش كان مفكوك ده وصلك انك وصلت للمشكلة

لكن لازم حضرتك تاخد بالك من الاتي

اولا العربية لو دارت مش محتاجة بطارية اصلا حضرتك وممن تمشي من غيرها اصلا لان دورها بيكون انتهي والموتور بياخد كهرباء من الدينامو

2- المارش ملوش اي دور في الموضوع لانك مبتستخدمهوش وانت ماشي

3- المشكلة دي بتحصل علي سرعات عالية فقط وبما انك مبتحسش بيها في السرعات العادية يبقي ليها علاقة بال Performance بتاع العربية

4- اعتقد ان مشكلتك هي فلتر بنزين متسخ وبدا يعيق حركة الوقود تدريجيا وبالتالي مقدرش يوفر المعدل العالي لسحب الوقود اللي العربية بتحتاجه علي السرعات العالية
لو كلامي ده صحيح يبقي المشكلة حترجع وتزيد مع الوقت علشان مع الوقت الفلتر حيتسد زيادة وتبتدي تشوفها علي سرعات اقل من 150 تدريجياً


تابع المشكلة وخلينا معاك

خالص تحياتي