مساحات الياريس

[Yones]

ازيكوا ياشباب Happy new year و كل سنة وانتوا طيبين.......انهارده الصبح وانا رايح الشغل بشغل المساحات عشان اجربها عشان الجو برد و ممكن تمطر للاسف لاقيتها مش شغالة خالص مع انى جربتها اكتر من مرة قبل كده وكانت شغالة.......تفتكروا ايه السبب.... هل فيوز ؟؟؟ ولو فيوز هل مكانه سهل الاقيه واغيره بنفسى...ياريت حد يقولى ياشباب

[darkdefender]

علبة الفيوزات اللي فوق دواسة الدبرياج
ال 25 امبير و لو عندك ال 15

[darkdefender]

بلستكة الفيوزات اللي بتفكهم المفروض هتلاقيها في علبة فيوزات الموتور
في فعلبة لالموتور 3 فيوزات زيادة هتلاقيهم فصف لوحدهم علي ايدك الشمال

[aymanshebl]

لو بتسمع صوت زنة و انت بتشغل المساحات و ما بتتحركش يبقى المشكلة فى موتور المساحات انما لو ما فيش اى صوت يبقى فيه فيوز ضرب او السلوك مش متوصلة لموتور المساحات كويس راجع عليها

[Yones]

شكرا ياشباب لرودوكوا كلكوا..... عامة انا مش بسمع زنة لما بشغلها

[aymanshebl]

يبقى فيوز او مشكلة توصيل

[Yones]

على كده ممكن اغيره بنفسى مش كده ؟؟

[aymanshebl]

لو ليك فى التصليح بنفسك قبل كده اوك غير كده يستحسن تخلى حد يشوفها احسن

[Yones]

للاسف روحت لكهربائى وبص على الفيوزات كلها لقاها سليمة .....وخبط شوية على المساحات وشدها بايده وحرك الدراع اشتغلت شوية ووقفت.....وقالى الشاسية بتاع المساحات لازم يتفك.....ايه رأيكوا فى الموضوع ده؟؟؟؟

[aymanshebl]

هو لازم يفك الشاسية و الموتور و يشوف لو هو بايظ يغيروه او الشاسية بتاعه من دراعات عاوز يتشحم فقط