Tweet
معايا كورولا 2006 اوتوماتيك وعايز اغيرلها زيت فتيس لان لونو اسود جدا فعايز اعرف بتاخد كام كيلو و انهي نوع زيت ارجو الرد للاهمية
-
-
لو دي اول مره تغيره يفضل انك تحل كارتيرة زيت الفتيس وتصفي الزيت كله وتحل الفلتر وتغسله بالبنزين كويس مالوش لازمه يتغير لانه الفلتر عباره عن مصفاة مش حاجه بتبوظ يعني
بعد كده تبدأ تحط الزيت الجديد على نضافه بقى
الشغلانه دي مش بتاخد ساعه لو صنايعي بيفهم هيخلصهالك بسرعه وهتحس بعدها بفرق كبير في اداء العربيه انا عملتها في عربيتي وفعلا العربية بقت اهدا من الاول كتير
بالنسبه لانواع الزيت عندك بقى حاجات كتير ( موبيل 320\ شيل\ليكوي مولي.... )
في التوكيل بيحطو موبيل بس انا حطيت شيل معرفش ليه بس عادي ادائه كويس جدا وعجبني
في ناس بتفضل الليكوي مولي عشن الماني وده احسن طبعا بس مشفتش حد بيبعه عندنا ف اسكندريه فقلت اريح دماغي واحط شيل عشن لو حبيت ازود بعد كده ما ادوخش على ليكوي مولي
خصوصا ان كل ما بيكون في مشكله في الكبالن او محتاجه تتغير او تتصلح بينزل كميه محترمه من زيت الفتيس ولازم تزوده من نفس النوع المحطوط في الاول طبعا
بالتوفيق يا باشا
سلام
Comment