عدم ثبات الار بي ام

[mashaly]

السلام عليكم

ياجماعة الخير لو حد عنده معلومة او سابق تجربة ياريت يفيدني
عربيتي 2010 كورولا جنوب فيتيس عادي
ليها فتره الار بي ام مش ثابت بيطلع وينزل لحد 1 ولما بكون واقف او ماشي بطيء جدا في الزحمة بيكون واضح الموضوع دا
هل في حد حصلت معاه المشكلة دي قبل كدا يعرف سببها ايه علما بان سحب العربيه زي ماهو ومفيش اي مشاكل وسافرت بيها كمان بس مدايقني جدا
ومافيش اي ايرور فالطبلوه
وشكرا مسبقا

[Eslam Helal]

ممكن البوجيهات او كابلااتها او فلتر البنزين حاجه من دول

[mashaly]

شكرا ياباشا على المساعده
البوجهات انا مغيرها بلاتنيوم مامشتش عليها لسى 30 الف مثلا
وفلتر البنزين مغيره ومكملش 15الف
ياريت لوحد عنده تجربة يفيدني

[تويوتا افريقي]

مادام السحب مافيهوش مشكله خلاص اصل العربيه دي لو الاربي ام بتاعها بيكون ثابت العربيه مابتجريش وسحبها ضعيف انت بس نظف بوابه وغير فلتر هوا وخلاص

[sas5]

افصل كابلات البطاريه لمده دقيقه ورجعها انت كده بتعمل ريست للكمبيوتر وجرب.
ولو انت من نواحى الجيزه اخبرنى وسوف اعطيك عنوان ميكانيكى فى المنيب استاذ فى التيوتا لانه لايشتغل غير تيوتا

[BLOODY_STONE]

طبيعي لا تقلق

[mashaly]

ياجماعة الخير بعد تدقيق سمعت صوت غر يب من البوابة اعتقد انها السبب في المشكلة
هل في حد غيرها قبل كدا يقولي سعرها جديد كام واستراد كام
انا بإذن الله مسافر سفرية أكتر من 800كيلو هل اغامر واسافر واتكل على الله علما بان المشكلة دي ليها اكتر من ثلاث شهور في الفتره الاخيره طفت مني العربية وانا واقف في زحمة واشتغلت عادي عملتها مرتين متباعدين بس مااتكررتش تاني وكان في ايام موجة الحر
ولا اعدي على الحرفين ياريت لو حد يعرف السعر ويرد