الشبكه الامامية للتويوتا كورولا طوست بعد شهرين استخدام

[asdy97]

السلام عليكم
انا معايا تويوتا كورولا 2015 شاريها فى شهر مارس الشبكه الامامية طوست و لونها اتغير النيكل بتعها كان عليها ماية و نشفت روحت الوكاله قالولي دي عوامل جوية مش مشموله في الضمان سيب العربة يوم و احنا حنعملك تقرير و حيطلع في الاخر انها مش مشموله في الضمان محدش يعرف ممكن اعالجها ازاي

[A.Saad]

انا شايف ان حضرتك تصعد الموضوع لمديرى التوكيل والشركة الام فى الخليج كمان

[miam0502788391]

ممكن ترفع صورة لها لو سمحت

[akmm]

حضرتك عملت ايه .............. لان المشكله دى مش مهضومه وغريبه انها تحصل سريعا في ماركه عريقه زى دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[asdy97]

السلام عليكم
انا مش عارف اعمل اية انا بكلمكم علشان اخد رايكم لو حد عنده طريقة اعالجها بيها
لان التوكيل شاف انها عوامل جوية و غير مشموله في الضمان

[miam0502788391]

ممكن تدعكها بملمع فضة وشوف النتيجة

[akmm]

فيه منج لتلميع الكروم والنيكل بدون اضرار اسمه سوناكس المانى جرب على جزء صغير من الشبكه وان شاء الله النتيجه تكون كوبسه .

[asdy97]

السلام عليكم
ان شاء الله اجربه و اقولكم النتيجه

[akmm]

متابع .........................

[asdy97]

السلام عليكم
صور الشبكة بتاعت الكورولا

[asdy97]

[icucono]

هو ايه اللي عوامل جويه، هو حضرتك شاري توكتوك
ده بيمشيك من قدامه بس
يعني لو البويه لونها غير من الشمس بعد شهرين هايقولك عوامل جويه
وبعدين هي العوامل الجويه ديه عليك انت بس، ولا علي كل العربيات
ماهو يا اما حضرتك ماشي في الشمس ليل نهار او ممكن الناس التانيين مركبين شمسيه للشبكة عندهم
اللي قالك كده في الصيانه الزقه علي قفاه كف وقوله ده عيب صناعه، المفروض تتحمل الشمس طول مدة ضمان العربيه
والشركه لازم تعمل عربيه مطابقه لمواصفات الجو، حتى لو درجة الحراره تسعين يبقا يعملوها تستحمل التسعين

[samirz]

الصورة مش باينة بس لو زي ما انا متصور ان في تجريح أو نقرات في الشبكة فده ممكن يكون بسبب القيادة السريعة في منطقة رملية زي طريق صحراوي مثلاً

[trzan]

باشا لقيت حل لمشكلة الشبكه علشان انا عندى نفس المشكله

[JapRuleZ]

انا شايف ان ده سببه زلط صغير و حبات رمله على طريق سريع زى التريلات الللى بتسقط رمل على العربيات فى الصحراوى
و الدائرى