تويوتا advanced مانيوال أم Professional M-MT

[askassem]

بصراحة أنا عاجبانى العربية جدا و أعتقد أنها أحسن إختيار
و لكن المواضيع و المناقشات عن نظام ناقل الحركة M-MT جعلتنى أضع فكرة شراء الموديل Advanced Manual فى الإعتبار
و لكن لم أجد أحد فى المنتدى يتحدث عن الطراز المانيوال
فما رأيكم و تقييمكم للمانيوال و السؤال فى النهاية
أيهما تفضل فى رأيك Professional M-MT أم Advanced Manual

[salem]

ana mashoftesh manual aslan
mesh bala2ih khales
kolo MMT

[abo samra]

mmt طبعا افضل وعزم وشد قوى جدا
المانيوال كويس ......بس عمرى ما سمعت عن حد اشتراه معظم الموجود mmt

[KHALED AYMAN]

المنيوال 1400 سى سى و سالت عليه فى التوكيل قالى انه اتلغى خلاص لان محدش اشتراه.اسال جايز يكون عندهم بواقى منه

[Sharky]

رأى الشخصى مانيوال طبعا
لإن MMT فيه العديد من ملاكها فى مصر و أوربا بيشتكوا منها
لدرجة إن التوكيل حينزل الاتوماتيك العداى نتيجة لقة الإقبال على الـ MMT مؤخرا

[abo samra]

انا نفسى تطلع حد بيشتكى منها دلوقتى
التفكير لازم يكون بالمنطقيه مش بالسطحيه .......الملاك اشتكوا لانهم ما كانوش فاهمين النظام واعتقدوا ان فيه خلل دلوقتى كله فهم النظام وطريقة التعامل معاه
ارجو الحياديه فى الكلام وعدم التحدث بدون تجربه مسبقه

[Sharky]

انا نفسى تطلع حد بيشتكى منها دلوقتى
التفكير لازم يكون بالمنطقيه مش بالسطحيه .......الملاك اشتكوا لانهم ما كانوش فاهمين النظام واعتقدوا ان فيه خلل دلوقتى كله فهم النظام وطريقة التعامل معاه
ارجو الحياديه فى الكلام وعدم التحدث بدون تجربه مسبقه

ملاكها إللى بيشتكوا منها فى المنتدى عارفين إن دا نظام الفتيس و رغم كده قدموا شكوى لتويوتا اليابان نفسها !!!

http://www.nilemotors.net/Nile/showthread.php?t=23057

و التوكيل نفسه قرر يجيب الاتوماتيك العادى ليه طالما كل ملاكها ما بيشتكوش منها !!
و ليه مبيعاتها الحالية تقريبا توقفت علشان برضه ملاكها ما بيشتكوش منها

و الناس فى أوربا و جنوب أفريقيا بيشتكوا منها ليه برضه مش فاهمين النظام بتاعها

يا سيدى الفاض حضرتك مقتنع بيها دا رأيك لكن العديد غيرك غير معجبين بأدائه و دا إللى خلى التوكيل يجيب الأتوماتيك العادية

هى دى السطحية و عدم الحيادية !!!!!!

[alaa_dash]

لدرجة إن التوكيل حينزل الاتوماتيك العداى نتيجة لقة الإقبال على الـ MMT مؤخرا

و التوكيل نفسه قرر يجيب الاتوماتيك العادى ليه طالما كل ملاكها ما بيشتكوش منها

هل الكلام ده صحيح و اكيد؟

و ايه اخبار الـ2009 ؟!!

و ايه حالة التعتيم الغريبة ديه ؟

[Sharky]

هل الكلام ده صحيح و اكيد؟

و ايه اخبار الـ2009 ؟!!

و ايه حالة التعتيم الغريبة ديه ؟

دا الكلام إللى إتقالى لما كنت بعمل صيانة الياريس من شهر تقريبا
وقالوا لو لحقوا يجبوها فى أول دفعة 2009 أو فى الدفعة التانية لـ 2009

[alaa_dash]

اعلانات الكورولا في ملحق السيارات اخبار اليوم عن الـmmt المبهر :)
اعتقد مفيش تغيير ..

[abo samra]

اولا انا اللى من حقى اتكلم عنها لانى بالفعل امتلكها يعنى انا امتلكها بالفعل مش بتكلم عن السمع وتعميم الاشاعات
ثانيا مين اللى قال لحضرتك ان مبيعاتها توقفت بل بالعكس انا كل يوم بشوف واحده mmt جديده والعربيه مبيعاتها تخطت جميع عربيات فئتها
بالنسبه للسياره لو حضرتك بالفعل جربتها وتجربه طويله مش على الماشى اتفضل اتكلم بحضرتك انما الكلام على ان ملاكها اشتكوا والناس بره قالوا اعتقد ده نقل للكلام وليس تجربه شخصيه
العربيه ان شاء الله لما اعملها صيانة 10 اللاف هعملها تقييم شامل وفاضل 500 كيلو فقط

[abo samra]

وعلى فكره انا مش من النوع اللى بطلع باى عربيه امتلكها السماء واقول دى خرافه ده طلقه دى كذا ........اطلاقا والدليل انى اتكلمت عن عيوب اللانسر مع انى كنت امتلكها بالفعل

[أبو عبدالله]

اولا انا اللى من حقى اتكلم عنها لانى بالفعل امتلكها يعنى انا امتلكها بالفعل مش بتكلم عن السمع وتعميم الاشاعات
ثانيا مين اللى قال لحضرتك ان مبيعاتها توقفت بل بالعكس انا كل يوم بشوف واحده mmt جديده والعربيه مبيعاتها تخطت جميع عربيات فئتها
بالنسبه للسياره لو حضرتك بالفعل جربتها وتجربه طويله مش على الماشى اتفضل اتكلم بحضرتك انما الكلام على ان ملاكها اشتكوا والناس بره قالوا اعتقد ده نقل للكلام وليس تجربه شخصيه
العربيه ان شاء الله لما اعملها صيانة 10 اللاف هعملها تقييم شامل وفاضل 500 كيلو فقط

ربنا يباركلك فيها ان شاء الله

بس ياريت حضرتك تبقى متواجد هنا علطلول وتبقى اخ لنا كلنا
لأن للأسف محدش مننا بيمتلك العربيه وكل اللي بيتكلموا كلام وبس وليس عن تجربة والكلام بيجيب كلام ومش عارفين مين الصح ومين الغلط
خصوصا اني اثق ان ان تويوتا ليست بمثل هذا الخبل انها تفعل شئ معيوب ويكون معمم خصوصا في اوروبا

انا اتصور انه لم يحظى على الأعجاب في القيادة مش اكتر ولا اقل كذلك الستيب ترونيك

[abo samra]

ان شاء الله يا استاذ عبد الله باذن الله لما اكمل 10000اللاف يعنى كمان 500 كيلو يعنى كمان اسبوع بالكتير قوى هجهز تقرير مفصل عن كل شىء فى السياره من الالف الى الياء وان شاء الله يعجبكم .......انتظروا التقرير ان شاء الله

[د.اسماعيل النجار]

العربيه ان شاء الله لما اعملها صيانة 10 اللاف هعملها تقييم شامل وفاضل 500 كيلو فقط[/quote]
-----------------------------------------------ايه ده ياهندسة 10000 كم باسم الله ماشاء الله انت بتمشى كتير ولا انا اللى مابمشيش عموما خد بالك وربنا يحفظك ويسترها معانا جميعا لان العربية سريعة وهادية وممكن ماتحسش انك سايق على 130 او 140 الا لو بصيت على العداد وكمان العربية مغرية فى القيادة ويبقى عندك رغبة انك تفتعل اى مشوار عشان تستمع بقيادتها
المهم انا لغاية دلوقى عملت 3 الاف وشوية ولسة ماعملتش اى صيانة فياترى انت عملت كام صيانة حتى الان وهل ضرورى اروح اعملها ولا استنى لغاية 5000 قوللى رايك ياباشمهندس