ماهى مميزات وعيوب الكرولا العيون؟ ولماذا الناس تخاف منها

[egyplan]

ماهى مميزات وعيوب الكرولا العيون؟ ولماذا الناس تخاف منها
ياريت منواقع تجربة السيارة العيون
وماهى اكثر مشاكل بها وماهى مميزاتها؟

[Abo_Mazen]

أول مره أعرف إن الناس بتتخوف من الكورولا عيون !!!!!!!!!!!!!!!

[egyplan]

الكرولا العيون بشوف ناس كتير مبتحبهاش وبتقلق منها وعاوز اعرف السبب....

[miam0502788391]

حلوة وكويسة وزى الفل
وفى رأى احسن من الموديل السابق اللى بينطلب فيه اسعار عبط
عيبها انها موديل 1998 و 1999 بس
وفى موديل 2000 عدلوا شكل الفوانيس الامامية شكل bmw

[Mecha]

اصل عيونها مدوره فبيخافوا من حسدها.

[hugan]

العربيه دي ركبتها زيرو كتير سنه 2000
عربيه تحفه ناعمه جدا جدا
تكييف تلاجه
واسعه
بس بعد مرور خمسه عشر عام
الله اعلم بيها

[tasaka]

ركبتها مره .. حلوه

يمكن علشان الناس كانت بتفضل الشكل اللى قبلها ( و كان بينزل منه الخليجى الكامل بفتحه السقف )

و برضه علشان الشكل ده لم يستمر كثيرا

[Abo_Mazen]

كل الآراء اللي قريتها بتقول إن الناس بتفضلها أو مش بتفضلها ..لكن مش لدرجة التخوف يعني

[أبو عبدالله]

العربية دي محترمه جدا جدا جدا وانا اعي ما اقول
العربية اعتمادية درجة اولى
عيوب مفيش غير ان الناس كانت شايفه انها ضيقة بالنسبة للموديل اللي قبلها مش اكتر

[Ahmed emad has]

انا راكب العربية دي من الزيرو تقريبا . العربية ممتازة جدا جدا جدا . مفيش اي مشاكل نهائيا . موتور 1300 موفر في البنزين بالرغم من انو كربراتير . تكفيها بيحسسك انك قاعد في فريزر لدرجة اني مبستحملوش . العربية ناعمة جدا جدا . و عفشتها قوية جدا . و اعتمادية العربية جبارة عيوبها ممكن يكون شكلها مش بيعجب بعض الناس . و سعرها كان عالي بالنظر الي الكريستالة . اهم حاجة انك تلاقي حالة كويسة للعربية لان اخر مرة تم انتاج العربية من 17 سنة

[borio1704]

أعتقد إن المشكلة الأساسية فيها إنها كانت أول كورولا تنزل مصر وما كانتش تقفيل ياباني (أعتقد إنها كانت تايلاندي).

ده غير إن في الفترة دي كان سوق السيارات في مصر كان منتشر فيه العربيات "المحروقة" بكثرة.. وكلمة "محروقة" مقصود بيها إن سعرها محروق وأقل من قيمتها بكتير نتيجة ممارسات كانت التجار بتعملها علشان تمشي البضاعة الراكدة عندها.

أنا فاكر كويس إن الكورولا دي كانت بتتباع "محروقة" بحوالي 45 ألف جنيه.. في حين إن سعرها من التوكيل كان حوالي 55-60 ألف.


...

[Mecha]

أعتقد إن المشكلة الأساسية فيها إنها كانت أول كورولا تنزل مصر وما كانتش تقفيل ياباني (أعتقد إنها كانت تايلاندي).

ده غير إن في الفترة دي كان سوق السيارات في مصر كان منتشر فيه العربيات "المحروقة" بكثرة.. وكلمة "محروقة" مقصود بيها إن سعرها محروق وأقل من قيمتها بكتير نتيجة ممارسات كانت التجار بتعملها علشان تمشي البضاعة الراكدة عندها.

أنا فاكر كويس إن الكورولا دي كانت بتتباع "محروقة" بحوالي 45 ألف جنيه.. في حين إن سعرها من التوكيل كان حوالي 55-60 ألف.


...

فعلا الفتره دي في التسعينات كان فيه فقر في السيوله ,والتجار كانت بتحرق السعر عشان يجيبوا كاش.
بالمناسبه اللوجو بتاعك يا بشمهندس هو بتاع التويوتا القديم ,شفته في فورك تويوتا عتيق.

[borio1704]

فعلا الفتره دي فيالتسعينات كان فيه فقر في السيوله ,والتجار كانت بتحرق السعر عشان يجيبوا كاش.
بالمناسبه اللوجو بتاعك يا بشمهندس هو بتاع التويوتا القديم ,شفته في فورك تويوتا عتيق.

أيوه.. اللوجو ده فعلا بتاع تويوتا في السبعينات والثمانينات... الفترة الذهبية لصعود السيارات اليابانية.



أنا عن نفسي بحب اللوجو ده أكتر من لوجو تويوتا الحالي.. خصوصا إنه بيفكرني بسيارة والدي "تويوتا كريسيدا 82" واللي سقتها أنا شخصيا فترة كبيرة جدا.




...

[Mecha]

أيوه.. اللوجو ده فعلا بتاع تويوتا في السبعينات والثمانينات... الفترة الذهبية لصعود السيارات اليابانية.



أنا عن نفسي بحب اللوجو ده أكتر من لوجو تويوتا الحالي.. خصوصا إنه بيفكرني بسيارة والدي "تويوتا كريسيدا 82" واللي سقتها أنا شخصيا فترة كبيرة جدا.




...

فيه قصه ماشيه عن كريسيدا التمانينات دي ,ان شركة تويوتا بتمقتها .لانها مستنفعتش منها في قطع الغيار هههههههه.

[tasaka]

فيه قصه ماشيه عن كريسيدا التمانينات دي ,ان شركة تويوتا بتمقتها .لانها مستنفعتش منها في قطع الغيار هههههههه.

العربيه دى فى السعوديه كان هناك رقابه من المرور على ترخيصها و الاهتمام بها بالذات

كانت سريعه جدا فى الصحراء .. و اعتقد انهم فعلوا ذلك بسبب المهربين مثلا .. الله اعلم

الله يرحم السبعينيات .. الداتسون 140 بى و الداتسون 180 بى .. و بعدين المازدا 929 الاسبور القديمه و الداتسون 240 .. عربيات جميله ايضا