شكوى من عفشـة و سحب ثبات الياريــس

[hammad]

اشتريت ياريس من ثلاث شهور تقريبا ولله الحمد و كانت ماشية معايا تمام .. من اسبوع تفاديت حادثة بتوفيق من الله عن طريق فرملة قوية جدا ظهرت امكانيات abs بشكل جيد نسبيا ولكن بعدها أصبحت السيارة تعانى التعويم و الحدف و وعدم الثبات وعدم انضباط العقشة والسحب أصبح أضعف .. ذهبت لبنزينة كالتكس عباس العقاد لتربيط العفشة و ضبط الزوايا و الأداء لم يتحسن و الغيوب كما هي
والله أنا احترت و أحتاج المساعدة من رواد المنتدي الكرام
( ثذكروا بيت المقدس المدنس بأقدام الصهاينة .. وأكثروا من الدعاء لاخوانكم قي فلسطين)

[sa3dawy]

انا كماان الياريس عندى حاسس ان العفشة بتاعتها بقت مش متماسكه خالص وبتعمل اصواات وانت ماشى وبتحس بأى حاجة العربية تدوس عليها حتى لو زلطة....بس بتهيألى الكاوتش عاوز يتظبط مع تربيط العفشة.....لو ما اتظبطتش تشوف المسااعدين ممكن يكون فيهم اى مشكلة .....بس هو الموضوع عندك زيااده يا اخ حماد وازاى من فرملة واحدة كل العيوب دى تطلعلك....ممكن تشوف بقى المساااعدين وكده...عموما مرااكز صياانة تويوتا كتير وهم اكتر نااس بيظبطو العربية. .....

[hammad]

لك جزيل الشكر يا أخ سعداوي على اهتمامك و نصحك.. و جزاك الله خيرا..

[Sharky]

دا طبيعى عفشة الياريس بتفك بسرعة و لازم تتربط كل شهر تقريبا

[hero]

حضرتك في اول صيانة جاية تعمل كشف كامل عن العفشة والمقصات...
ما تستهونش بفرملة جامدة...انا مرة كسرت مقص امامي في فرملة جامدة برضة...
لما العربية بتكون بتجري قوي كل قطعة فيها بتبقي واخدة سرعه العربية...لما تفرمل جامد قوي وتوقف العربية في زمن قليل ...كمية تحرك المكونات دي ...بتخرج علي شكل طاقة حركية وحرارية...وسهل قوي ان الوقوف المفاجيء يعمل عزوم عالي جدا علي اي مكون من مكونات العفشة يتسبب في اعوجاجة اوكسرة لو كانت السرعه عالية وزمن الوقوف قليل...ودة منبهين علية في المانيوال...بلاش وقوف مفاجيء علي سرعه اعلي من 60 كم /ساعة...

ان شاء الله تكون سليمة بس برضة اكشف للاطئنان.....وربنا يحفظلك عربيتك....

[محمد ابراهيم 1]

واحد إشترى كرسى وفى نفس اليوم إتكسر فرجع بيه للنجار
النجار قاله لازم حد حاول يقعد عليه

[HeMa_LanCeR]

بلاش وقوف مفاجيء علي سرعه اعلي من 60 كم /ساعة...

..

صح بلاش وقوف مفاجيء علي سرعه اكتر من 60
يعني لو لقيت نفسك هتخبط علي سرعه اعلي من 60 ماتترددش واخبط العربيه أحسن من الوقوف المفاجيء
ولو انت علي طول بتجري اكتر من 60 وبتقف مفاجيء غلط بطل تعمل كده
:k41:
حضرتك بتحسسني انه الراجل بيقف مفاجيء بمزاجه

[zeyad1810]

واحد إشترى كرسى وفى نفس اليوم إتكسر فرجع بيه للنجار
النجار قاله لازم حد حاول يقعد عليه

جامدة دى وجاية فى الجووووووووون

[sa3dawy]

ههههههههههههه...لا لا مسمحش لحد انه يتريق على الياااريس .....العرباات كلها فى مصر عفشتها بتفك وبتحتااج انك تربطها وتكشف علىها كل فترة .....منتوا عارفين الطرق عامله ازاى ...

[hero]

صح بلاش وقوف مفاجيء علي سرعه اكتر من 60
يعني لو لقيت نفسك هتخبط علي سرعه اعلي من 60 ماتترددش واخبط العربيه أحسن من الوقوف المفاجيء
ولو انت علي طول بتجري اكتر من 60 وبتقف مفاجيء غلط بطل تعمل كده
:k41:
حضرتك بتحسسني انه الراجل بيقف مفاجيء بمزاجه

اولا اية ايلي يخلي واحد سايق عربية يخبط علي سرعه 60...الا اذا كان اعمي..او ما بيعرفش يسوق خالص...

وقطعا الجري والوقوف والجري والوقوف ...دة اسلوب سواقة غير حضاري وغير منطقي وغير مبرر...الا اذا كان سواق مكروباص...وبينزل وبيركب ناس علي الطريق...ولا هو المفروض الناس تجري وتفرمل وتجري وتفرمل...وفي الاخر تعمل حادثة ...ويلوموا العربية...اصلها ما بتقفش بسرعه...

لو ايلي بيسوق العربية...ماشي بسرعه تتناسب مع نوعية الطريق وعدد العربيات ايلي ماشية معاة...وفاهم طبيعه السواقين ايلي حوالية...ودة بيبان من طريقة سواقتهم ....مش هايقف مرة واحدة ...الا اذا كان بيجري علشان يحشر نفسة في حتة فاضية قبل ايلي جنبة ما يخدها....او بياخد غرزة زي الاخوة ايلي بيسابقوا بعض علي الدائري وسط الزحمة والطريق مقفول ..ويموتولهم 3 ولا 4 في السباق...

للاسف العالم كلة لية نظام في السواقة...واحنا مش عارفين غير ان السواقة عبارة عن جري وفرامل...وغرز...

[asadx100]

يا جماعة عايز أجيب ياريس وقلقان من التكيف ومن ثبات السيارة حد يفيدني

[ابوشريف]

تكييف الياريس ماشاء الله عليه تشغله فى عز الحر ثلاجه ولا بيأثر على السحب مش زى تكييف اللانسر ال 1300 بيكتف العربيه فى السحب

بالنسبه للثبات انا مشيت على سرعة 140 ثابته مسافة حوالى 25 كيلو متواصله وكانت ممتازه