بفكر أركب تويوتا كورولا 2011 و أنزل من السيراتو 2010

[ALSHARIEF]

السلام عليكم و رحمة الله و بركاته ................

أحلى تحية لرجالة قسم تويوتا إللى أنا عارف إنى هتعبهم و هتقل عليهم بس ياريت تستحملونى و تردوا على إستفساراتى و جزاكم الله خيرا

ندخل فى الموضوع علشان مطولش على حضراتكم .......... أنا زميل ليكم بس فى قسم الكيا و أنا معايا كيا سيراتو خليجى موديل 2010 من الزيرو لحد دلوقتى و الحمد لله مريحانى جدا و أصيلة معايا ماشاء الله لا قوة إللا بالله لأبعد الحدود فأنا حاليا بفكر أركب تويوتا كورولا بس للأسف مش مقتنع و لا هاضم الشكل الجديد إللى هو تقفيل تركى و حابب جدا اليابانى 2011 / 2012 /2013 و بفكر جديا أدور على حالة مستعملة نضيفة و أنزل من السيراتو أركب واحدة من الموديلات إللى ذاكرهم لحضراتكم

فطبعا عايز أعرف رأيكم إيه و تنصحونى بإيه و كل إللى ربنا هيفتح عليكم بيه و هتقولوهولى

مرة تانية شاكر جدا لحضراتكم و منتظر تفاعلكم و توجيهاتكم و جزاكم الله خيرا

[JapRuleZ]

تفكير مش صحيح
تويوتا رقم واحد فى الاعتمادية فى العالم مش فى اليابان بس
يعنى الموتور اللى خارج من اى مصنع ليهم ليه مواصفات قياسية شديدة زيه زى اى بلد بيتصنع فيها تويوتا
طبعا طبعا الجديد احسن من القديم
كافية الفتيس و الشكل

[ALSHARIEF]

جزاك الله خيرا يا حبيبى لردك الكريم .............. بس أنا فعلا مقتنع جدا بالشكل إللى هو قبل إللى موجود دلوقتى من 2011 لحد 2013 مع كامل إحترامى و تقديرى للشكل الجديد 2014 - 2015 بس أنا محتاج رأى سيادتكم فى الموديلات دى و لكم جزيل الشكر

[acs]

هو طبعا الكورولا افضل من السيراتو ان كانت 2011 او 2015
بس خليك فى الشكل الجديد احسن